ASTANA. 7 naýryz. Búgin fýtboldan Qazaqstan premer-lıgasynyń kezekti maýsymy bastaldy. Ázirge alǵashqy týrdyń úsh oıyny aıaqtaldy. Bul týraly egemen.kz habarlady.
Qyzylordada ótken jergilikti «Qaısar» men Taldyqorǵannyń «Jetisýy» arasyndaǵy oıynda esep ashylǵan joq. Sondaı-aq, «Taraz» ben «Shahter» tartysynda da jankúıerler gol kóre almady.
Al Shymkentte ótken «Ordabasy» men «Ertis» arasyndaǵy oıynda eki gol soǵyldy. Desek te, bul kezdesýde de jeńimpaz anyqtalmady. Bir-bir golmen almasqan qarsylastar teń nátıjeni qanaǵat tutty. Alań ıeleri sapynan Ivan Bojıch 12-mınýtta esep ashyp, komandasyn alǵa shyǵarǵan edi. Qonaqtar úziliske sanaýly sekýndtar qalǵanda esepti teńestirip ketti. «Ertis» sapynan mergendigimen kózge túsken Alan Gatagov bolatyn.
Dál qazir qalǵan úsh oıyn ótýde. Batys derbıinde «Aqtóbe» óz alańynda «Atyraýmen» 1:1 esebimen teń oınaýda. Al bıyl premer-lıgaǵa qaıta oralǵan Kókshetaýdyń «Oqjetpesi» «Astana Arenada» el chempıondarymen kúsh synasýda. Bul oıynda ázirge «Astana» alda keledi. Sondaı-aq, Almatyda «Qaırat» Qostanaıdyń «Tobylyn» qabyldaýda. Atalǵan kedesýde almatylyqtar jaýapsyz eki gol soǵyp úlgerdi.
Elaman Qońyr.
Derek: egemen.kz.
Sýret: shahter.kz.