Qomaqty qos týyndy

Jaqynda Qazaqstan Jazý­shylar odaǵynyń múshesi, aqyn, synshy Juma-Nazar Somjúrektiń «Saryarqa sazy» atty qos tomdyǵynyń tusaý­keseri Astana qalasyndaǵy «Tilep-qobyz» saraıynda ót­kizildi. Tusaýkeser jyr mere­kesine ulasty. Aqynnyń óleń­derine jazylǵan ánder shyr­qalyp, jyr oqylyp, arasynda kúı kúmbirlep jınalǵan qaýym­nyń qulaq quryshyn qan­dyrdy. Jyr merekesine «Tilep-qobyz» saraıynda qurylǵan «Kók túrikter» halyq aspaptary orkestri qyzmet kórsetti. Torǵaılyq talantty sazgerler Qalıbek Deripsaldın, Aıt­baı Muzdahanov, Balqash Na­qanov jáne Qaıyrjan Ma­qa­novtyń tamasha ánderiniń tu­saýy kesildi. Ol ánderdi Astana opera-balet teatrynyń jetekshi solısi, birneshe halyqaralyq konkýrstardyń laýreaty Sún­det Baıǵojın, Astana fı­lar­monııasynyń sandýǵash úndi ánshisi Symbat Tasbergenova jáne Nurbolat Arzamasuly syn­dy jastar oryndady. Jyr merekesiniń ekinshi bóliminde ádebıet synshylary men aqyndar jáne óleń túsinip oqıtyn elge belgili azamattar sóz alyp, Som­júrek óleńderiniń mándiligi men mańyzdylyǵyn, kórkemdigin, sezimdi qozǵap júrekke jetip jatatyn erekshelikterin aıtyp, joǵary baǵalady. Atap aıtqanda, professor Serik Ne­gımov, Par­lament Májilisiniń depýtattary Aldan Smaıyl, Abaı Tasbolatov, Ramazan Sár­pekov jáne ǵalym, memleket qaı­ratkeri Ádil Ahmetov, burynǵy depýtat Ábilmájin Bákir, aqyndar Aınur Ábdirásilqyzy men Áb­jan Ábiltaevtar óz sózderinde Somjúrektiń qos tomdyǵy poe­zııaǵa qosylǵan ol­ja ekenin shegelep aıtty. Osynaý jyr keshinde erekshe este qalatyn kórinis boldy. Parlament Májilisiniń depýtaty, general-leıtenant Abaı Tasbolatov: « Júke, men sizdiń «Saryarqa sazy» qos tomdyǵyńyz qolyma tıgeli ony bas ala almaı súısine oqyp, aqyndyǵyńyzǵa ábden rıza boldym. О́leńderińiz shetinen tamasha! Ásirese,qyzdar men arýlarǵa arnaǵan jyrlaryńyz ben poemalaryńyzdy oqı bergiń keledi.Tabıǵat qubylystary men tamashalaryn sýrettegen óleńderińiz de óleń túsinetin oqyrmandaryńyzdy eriksiz súısinteri sózsiz!..» dedi. Sóıleýshilerdiń qaı-qaısysy da Juma-Nazar jyrlarynyń shynaıylyǵyn, al óziniń qarapaıym kóringenimen ómirde kósemsózderimen únemi problemalar kóterip júretin kúresker ekenin aıtyp, aqynnyń mereıin ósirip, kóńilin tasytty. Sóıtip, poezııa-jyr keshi merekesine jınalǵandar mol rýhanı azyq arqalap qaıtty. Naryq zamanynda ár tomy 35 baspa tabaq jınaq shyǵarý qaı aqynǵa da qıyn tıeri anyq. Myna rýhanı qundylyq shymkenttik elge belgili mesenat kásipkerler aǵaıyndy Serikjan men Álimjan Seıtjanovtardyń demeýshiligimen Astanadaǵy «Saryarqa» baspasynan erekshe kórkemdelip, jańasha dızaınmen bezendirilip jaryq kóripti. Jigitterdiń mundaı jaq­sy isine avtor da, jyr keshine jınalǵandar da alǵystaryn jaý­dyrdy. Sóıtip, Somjúrektiń «Sa­ryarqa sazy» atty qos tomdyq jyr jınaǵy oqyrmandarǵa jol tartty. Tólemyrza TEMIRBEKULY,  jýrnalıst. Astana.