ALMATY. 2 sáýir. Almatydaǵy T.Júrgenov atyndaǵy Ulttyq óner akademııasy budan birqatar ýaqyt buryn oqý ǵımaratynda oryn alǵan órt oqıǵasyna baılanysty týyndaǵan qolaısyzdyqtarǵa qaramastan, oqý prosesin burynǵysynsha jalǵastyryp jatyr. Bul týraly akademııa baspasóz qyzmetiniń deregine súıengen egemen.kz tilshisi habarlady.
Ústimizdegi jyldyń 20 naýryzynda T.Júrgenov atyndaǵy Ulttyq óner akademııasy ǵımaratynda elektr jelisiniń tuıyqtalýy saldarynan órt oqıǵasynyń oryn alǵany belgili. Qazir osyǵan baılanysty munda ǵımarattyń búlinshilikke ushyraǵan bólikterin qalpyna keltirý jumystary júrýde.
«Oqý korpýsynda osyndaı tótenshe jaǵdaı oryn alyp, birqatar qıyndyqtar men qolaısyzdyqtar týǵanyna qaramastan, ondaǵy oqý prosesi toqtatylǵan joq. Magıstratýra men bakalavrıat kýrstarynda ádettegideı barlyq sabaqtar ótip jatyr. Qoldan kelgeninshe olardyń dáristerdi burynǵysynsha oqı alýlaryna barlyq jaǵdaılar jasalýda. Buǵan qosa, osy aralyqta akademııa ómiri úshin asa mańyzdy sanalatyn birneshe jańalyq ta bolyp úlgerdi. Atap aıtqanda, akter bóliminiń 1-2 kýrs stýdentteri 25-27 naýryz kúnderi Grýzııanyń astanasy – Tbılısı qalasynda Ýkraına, Armenııa, Qazaqstan, Lıtva memleketteri arasynda ótken halyqaralyq etıýdtar festıvalinde Gran-prı júldesin alyp qaıtty. Osy aralyqta Máskeý qalasyndaǵy GITIS-te ótken VIII ǵylymı-tájirıbelik konferensııaǵa rejısserlik bólimniń 4-kýrs stýdentteri qatysyp, óz deńgeılerin tanytty. Al sýretshi Sáýle Bapanova bastap barǵan 1-2 kýrs kórkem toqyma óneri stýdentteri Birikken Arab Ámirliginiń ortalyǵy – Dýbaı qalasyndaǵy ART-festıvalde júldeli oryn alyp, álem elderi ishinde úlken tanymaldylyqqa ıe boldy», – delingen habarlamada.
Shynynda da osynyń bári akademııada burynnan qalyptasqan oqý-tárbıe prosesindegi tııanaqty jumystardyń óz jalǵasyn taýyp kele jatqanyn kórsetse kerek.
«Biz óz kezegimizde sol sabaqtasqan jeliniń úzilip qalmaýyn qamtamasyz etip, onyń budan ári keń óris taýyp, damı berýi úshin qyzmet ete beretin bolamyz», – dedi osy oraıda akademııa rektory Bıbigúl Núsipjanova.
Qazirgi tańda oqytýshy-professorlar quramy jańashyldyq talaptary aıasynda sheberlikterin shyńdaı otyryp, shyǵarmashylyq qyzmetpen belsene aınalysýda. Oǵan oqý orny ustazdarynyń qol jetkizgen erekshe shyǵarmashylyq jetistikteri kýá bola alady. Bizdiń 70-den asa oqytýshymyz Memlekettik syılyqtyń laýreattary, halyqaralyq jáne respýblıkalyq festıvalder men saıystardyń dıplomanttary atanǵan.
«Prezıdent Nursultan Nazarbaevtyń Qazaqstan halqyna Úndeýin basshylyqqa ala otyryp, oqý ornynyń ujymy óziniń barlyq kúsh-jigerin XXI ǵasyr talaptaryna saı mamandar daıyndaýǵa jumsaıdy. Bul ulttyq ónerdiń dáýirleýine qyzmet etetin óner elıtasy bolmaq», – dep atap ótti Bıbigúl Nurǵalıqyzy sóziniń sońynda.
Talǵat Súıinbaı.
Derek: egemen.kz.
Sýret: T.Júrgenov atyndaǵy Ulttyq óner akademııasy.