ASTANA. 9 naýryz. Ortalyq saılaý komıssııasy prezıdenttikke úmitker bolýǵa nıet bildirgen tórt adamdy tirkeýden bas tartty. Bul týraly Tengrinews.kz tilshisi habarlady.
Agenttiktiń habarlaýynsha, olardyń ekeýi – «JH –Qurylys» JShS qurylysshysy Baqyt Ábdikárimov pen júrgizýshi Sýhrab Myrzashovtyń jastary áli 40-qa tolmaǵan eken. Bulardyń biri - 37-de bolsa, ekinshisi - 30-da ǵana. Sondyqtan tirkeýge alynbady.
Komıssııa hatshysy Baqyt Meldeshovtiń aıtýynsha, bul ekeýine talaptarǵa saı kelmeıtinderi birden eskertilgen. «Olar keldi de: «Bul - bizdiń konstıtýsııalyq quqymyz» dedi. Biz sosyn janjalǵa barmaı, ótinishterin qabyldadyq ta, keıin qaıtaryp berdik», - ol.
«Biz bulardyń biz úshin túsiniksiz adamdar bolǵanyn naqtylap aıtqanbyz», - dedi Ortalyq saılaý komıssııasynyń tóraǵasy Qýandyq Turǵanqulov.
Komıssııa aldymen Asqar Syrǵabaevty tirkeýden bas tartqan. Sebebi, ol memlekettik tildi erkin meńgerýi tekserilgen emtıhannan óte almady. Sondaı-aq qazaq tilin jetik bilmeıtini úshin Safıolla Aldajanov ta tirkeýge alynǵan joq.
Ortalyq saılaý komıssııasy úmitkerlikke nıet bildirýshi Lımana Qoıshıevanyń usynylǵan talaptarǵa saı keletini týraly qaýly qabyldady. Oǵan qol jınaý qaǵazdaryn berý týraly sheshim qabyldandy. Qoıshıeva memlekettik tildi jaqsy biledi eken.
«Bul kandıdatýra Konstıtýsııa talaptaryna tolyq sáıkes keledi», - dedi komıssııa ókilderi otyrys barysynda.
Biraq Lımana Qoıshıeva otyrysqa ýaqytynda kele almaı qaldy. «Ol kólik keptelisinde tur», - dedi Meldeshov. Turǵanqulov úmitkerdiń qatysýy mindetti emes ekenin atap ótti.
Buǵan deıin Ortalyq saılaý komıssııasy prezıdent saılaýynda daýysqa túsýge nıet bildirgen 10 adamnyń tizimin jarııa etken edi.
Murat Aıtqoja.
Derek, sýret: Tengrinews.kz.