ASTANA. 21 mamyr. Jyl basynan beri elimizde 73 jasóspirim óz-ózderine qol salǵan. Bul jóninde Bas prokýratýranyń quqyqtyq statıstıka jáne arnaıy esepke alý jónindegi komıtetine silteme jasap, zakon.kz habarlady.
Sotqa deıingi tergep-tekserý biryńǵaı tiziliminiń aqparattyq júıesi taratqan derekterge súıensek, 2015 jyl bastalǵaly beri Qazaqstanda 1 126 turǵyn óz-ózderin óltirgen. Olardyń arasynda 73-i kámelettik jasqa tolmaǵan jetkinshek.
Komıtet usynǵan esepte 2013 jyly jasóspirimder arasynda 292 óz-ózine qol jumsaý deregi tirkelgeni aıtylǵan. Byltyr bul san 192-ge kemigen. Bul ótken jyly balalar arasynda óz-ózderine qol salý oqıǵalarynyń azaıǵanyn kórsetedi. Al bıylǵy 1 qańtar men 18 mamyrǵa deıingi (4 aı 18 kún ishinde) ýaqyt aralyǵynda 73 jetkinshektiń ólimi tirkelip otyr.
Atalǵan aqparattyq júıe keltirgen derekter boıynsha, elimizde 18 mamyrǵa deıin 1 126 sýısıd jasalsa, ótken jylǵy osy merzimde 991 óz-ózin óltirý oqıǵasy tirkelgen. Iаǵnı, 2014 jylmen salystyrǵanda bıyl bul derttiń órshı túskeni anyq baıqalady.
Byltyr elimizde 2 957 adam ózderine qol salǵan bolsa, 2013 jyly – 3 251, al 2012 jyly – 3 055 sýısıd deregi tirkelgen. Statıstıka boıynsha 35 pen 44 jas aralyǵyndaǵy er azamattar sýısıdke jıi barady.
Elaman Qońyr.
Derek, sýret: zakon.kz.