Elbasy tapsyrmalaryna oraı, álemdik daǵdarystyń aldyn alý sharalary ár aımaqta qumbyl júrgizilip keledi. Oblys ákimi Qyrymbek Kósherbaev demalys, mereke kúnderi demesten at ústinen túspeı, shetki aımaq turǵyndarymen júzdesýdi jıiletti. Ár aýdanda talapqa saı is-qımyldyń tıimdi josparlanyp, óz kezeginde iske asyrylýyna muryndyq bolyp keledi. «Bul án burynǵydan ózgerek» dep Shákirim aıtpaqshy, Memleket basshysy alańdaýshylyq bildirip otyrǵan bul tapsyrmanyń júgi aýyrlaý, árıne jaýapkershiligi de kúshti ekendigi anyq. О́ıtkeni, munyń artynda halyq taǵdyry, «Máńgilik El» ıdeıasyn júzege asyrýshy memlekettiń bolashaǵy tur. Eldiń yntymaǵyn uıystyra túsip, ekonomıkany bekemdeý arqyly halyqtyń áleýmettik jaǵdaıyn quldyratpaý erteńgi kúnniń munan da shýaqty, memleketimizdiń qýatty bolýynyń sharttary dep túsingen jón boler.
Jýyrda Shıelidegi 1,5 mlrd. teńgege salynatyn úrlemeli sý tospasynyń qurlysymen tanysý barysynda oblys ákimi Shıeli aýdanynyń ákimi Qaıratbek Sársenbaevqa turǵyndardyń jappaı jumysqa tartylyp, árqaısysynyń óz qabiletine qaraı eńbek etýine múmkindik jasaý jolynda izdenisti qyzmet etýin taǵy da bir shegeleı aıtqan bolatyn. Osy baǵytta jergilikti ákimdik óz qabilet-qarymyn tanyta otyryp, tyń súrleýdi tapqan sekildi. Ol – kóptegen sharýa qojalyqtarynyń agrotehnıkalyq sharalardy óz merziminde talapqa saı oryndaı alýyna jaǵdaı jasaý, mámilegerlikpen ónimdi eńbek etýin uıymdastyrý, ıaǵnı irili-ýaqty sharýa qojalyqtarynyń ýaqtyly jerin jyrtyp, tyrmalap, dánin sebýge qajetti tehnıkany jumyldyrý arqyly aýyl adamdarynyń boıynda senimdilik men jigerlilikti ustanym etýi. Osy oraıda Shıeli aýdanynda birshama ýaqyttan beri aıtylǵanymen júzege aspaı kele jatqan ortalyqtandyrylǵan mehanıkalandyrylǵan tehnıkalyq stansa qurý isi edi. Mine, aýdan ákiminiń belsene kirisýi nátıjesinde «Shıeli-mts» JShS qajetti qujattaryn resimdep, jumysqa kirisip te ketti.
Jaýapkershiligi shekteýli seriktestigimizde ázirge 29 dana túrli aýylsharýashylyq tehnıkasy bar. Onyń ishinde árıne, K-701 traktorlary, ICB- I5235 japondyq ekskvatory, KamAZ, HOWA 22 aýyr júk kólikteri, júk tıegish tehnıkalar, shaǵyn egis alqaptarynda jumys isteýge tıimdi MTZ-82 dońǵalaqty traktorlary, basqa da qural-saımandar bar, deıdi jańadan qurylǵan qurylym dırektorynyń orynbasary Aıat Esjanov bizben áńgimesinde. Sondaı-aq, aýylsharýashylyǵy tehnıkalarynyń egis alqaptarynda jyldam qozǵalysyn uıymdastyrýǵa óte qajetti tasymaldaý tehnıkasyn Ýfa qalasynan alýǵa kelisimge kelgendigin bildik.
Bıylǵy jyly Shıeli aýdanynda 24 myń gektardyń ústinde túrli aýylsharýashylyq daqyldaryn egý josparlandy. Onyń 9600 gektary dándi daqyldar bolsa, kúrish kólemi 8500 gektardan kem bolmaýy tıis. Sol sekildi malazyqtyq daqyldar, maıly daqyldar da egiledi. Al kókónis, baqsha, kartop daqyldarynyń jalpy kólemi 2000 gektar bolmaqshy. Árıne, bul ázirge joba, túrli jaǵdaılarǵa baılanysty azdaǵan ózgeristerdiń oryn alýy bek múmkin. Degenmen, jylda tehnıka izdep sarsylyp, árkimge bir júgiretin maıda sharýa qojalyqtarynyń basshylary aýdanda MTS qurylýyn qýana quptap, meılinshe kóp egin egýge, oǵan aýyldastaryn jumyldyrýǵa qulshynyp, alaqandaryn ysqylap otyr.
Iirkól aýyldyq okrýgindegi «Jeruıyq», «Y.Jaqaev», «Dáýren», «Jankeldi» sharýa qojalyqtary, Jýantóbe aýyldyq okrýgindegi «Jańa Alǵabas», «Basqoja», «Bekmurzaev» sharýashylyqtary jylda bizben áriptes retinde jaqsy nátıjege qol jetkizip kelgen. Sondyqtan da olar alǵashqy kezekte bizdiń qyzmetimizdi paıdalanýǵa senim artyp, kelisimshartqa otyryp ta úlgerdi. Kóktem jylt etisimen atalmysh sharýashylyqtardyń jer daıyndaý jumysyna kirisemiz. Jalpy, bıyl 3 myń gektardan astam jerge tehnıkalyq qyzmet kórsetemiz dep otyrmyz. Aýdan ákiminiń qoldaýymen óz aýqymymyzdy keńeıte bererimiz anyq, deıdi A.Esjanov.
Nurmahan ELTAI.
Qyzylorda oblysy, Shıeli aýdany.