Qyzdar ýnıversıtetiniń magıstrleri de ǵylym kókjıegine joldama alyp otyr. Jaqynda Qazaq memlekettik qyzdar pedagogıkalyq ýnıversıtetinde joǵary oqý ornynan keıingi bilim berý negizinde magıstranttarǵa saltanatty dıplom tapsyrý rásimi ótti.
Magıstrler mereıin asyrǵan merekelik sharada ýnıversıtet rektory Dınar Nóketaeva Qyzdar ýnıversıteti ulttyq akkredıtteý agenttigi boıynsha Qazaqstandaǵy joǵary oqý oryndarynyń arasyndaǵy reıtıng toptamasynda 7-orynǵa ıe bolǵanyn qýana jetkizdi.
Bıylǵy sharanyń ereksheligi, tuńǵysh ret magıstratýra boıynsha qos dıplomdy baǵdarlama aıasynda sheteldik jáne qazaqstandyq dıplomǵa ıe boldy. Mundaı baqyt – pedagogıka jáne psıhologııa mamandyǵy boıynsha Áıgerim Jaqypbaevanyń mańdaıyna buıyrdy. Ol AQSh-tyń Mıssıssıpı alqaby memlekettik ýnıversıtetinen qos dıplomdyq baǵdarlamasy boıynsha dıplom alyp, «Balalardy damytý ortalyǵyna qosqan úlesi jáne qyzmeti úshin» degen sertıfıkatpen marapattalǵan.
2014-2015 oqý jylynda bilim ordasynda 23 mamandyq boıynsha ǵylymı-pedagogıkalyq baǵytta 171 magıstrant dıplom aldy. Al, oqýda oq boıy ozyq shyǵyp, úzdik oqyǵan 30 magıstrant ýnıversıtet rektory qolynan dıplom aldy. 70 jyldyq tarıhy bar kıeli qara shańyraqta mádenı-qoǵamdyq uıymdastyrý sharalary men ǵylym salasyna qosqan úlesteri úshin belsendi magıstranttarǵa rektordyń alǵys hatyn birinshi prorektor Bahodır Alıev tabystady.
Aınash ESALI,
«Egemen Qazaqstan».
ALMATY.