ASTANA. 11 naýryz. Máskeý qalasyndaǵy bank bólimsheleriniń birinde eden jýýshy bolyp jumys isteıtin Qyrǵyzstannan kelgen 35 jastaǵy Mırgýlı Týrganbaevaǵa qarsy qylmystyq is qozǵaldy. Bul týraly vesti.ru habarlady.
Tergeý jumystarynyń deregi boıynsha, M.Týrganbaeva kassa zalyn 29 qańtar kúni keshke jınastyrǵan. Ústeldiń astynan bir býma rýbl banknottaryn taýyp alyp, ony bank qyzmetkerlerine berýdiń ornyna qoqys tastaıtyn qapshyqqa salyp alyp shyqqan. Jumystan keıin jaldamaly páterine oralǵan ol aqshany tyǵyp, keıinnen bólip-bólip Qyrǵyzstandaǵy týystarynyń shotyna aýdaryp otyrǵan kórinedi.
M.Týrganbaeva kúdik týdyrmaý úshin jumysyna barýdy toqtatpaǵan. Alaıda, aqshanyń jetispeıtinin bilgen bank qyzmetkerleri beınebaqylaý kameralarynyń jazbasyn muqııat qarap, kúdiktiniń túr-tulǵasyn anyqtaǵan.
Polısııa qyzmetkerleri M.Týrganbaevanyń jaldamaly páterin tintý kezinde 420 myń rýbldiń aýdarma qaǵazdary men qalǵan 580 myń rýbldi tapty.
Aıdar О́risbaev.
Derek: vesti.ru.
Sýret: rg.ru.