ASTANA. 11 naýryz. Búgin túnde Chempıondar lıgasynyń 1/8 fınalynda taǵy tórt komanda jasyl alańǵa shyǵady. Iаǵnı, eki oıyn ótedi. Solardyń biri Londonnyń «Chelsıi» men Parıjdiń PSJ-sy arasyndaǵy tartys. Bul týraly egemen.kz habarlady.
Londonda ótetin oıynda negizgi favorıt belgisiz. Sebebi, Parıjdegi kezdesýde qarsylastar 1:1 esebimen teń tarqasqan edi. Endi fýtbolshylar máseleniń barlyǵyn aǵylshyn jerinde sheshpek.
Osy rette qos komandanyń Chempıondar lıgasyndaǵy keıbir qyzyqty derekterine nazar aýdaraıyq.
«Chelsı» týrnır aıasynda óz alańynda Fransııa komandalarymen ótkizgen sońǵy alty oıynnyń beseýinde gol jibermegen. Al gol engizip alǵan sol jalǵyz kezdesý 2003-2004 jylǵy maýsymda tirkelgen eken. Sol kezde «Chelsı» Londonda «Monakomen» 2:2 esebimen teń oınady. Eki oıynnyń qorytyndysy boıynsha «Monako» 5:3 esebimen jeńiske jetken bolatyn. Tipti sol maýsymda fransııalyq komandanyń fınalǵa deıin jetkenin bilemiz.
Eger búgingi oıyn nátıjesi boıynsha jarysty «Chelsı» jalǵastyratyn bolsa, londondyqtardyń sońǵy bes maýsymdaǵy tórtinshi shırek fınaly bolmaq. Al sońǵy 9 jyldy alatyn bolsaq, «Chelsıdiń» atalǵan aınalymdaǵy jetinshi joryǵy retinde hatqa túsedi.
Bıylǵy maýsymda aǵylshyndar óz tobynan birinshi orynmen shyqqany belgili. «Chelsıdiń» dál osyndaı kórsetkishi sońǵy 12 maýsymda 9 ret tirkeldi. Al osy ýaqyt aralyǵynda bir márte toptan shyǵa almaı qalǵan. Ol 2012-2013 jylǵy maýsym. Sol jylǵy saıysqa «Chelsı» jeńimpaz retinde qatysqan bolatyn. Iаǵnı, 2011-2012 jylǵy maýsymda londondyq komanda tarıhynda alǵash jáne ázirge sońǵy ret Chempıondar lıgasynyń kýbogyn ıemdendi.
PSJ Chempıondar lıgasyndaǵy syrt alańda ótkizgen sońǵy 15 oıynnyń jeteýinde jeńiske jetse, tórt ret jeńilýge májbúr bolǵan.
Eger kelesi kezeńge parıjdikter ótetin bolsa, bul PSJ úshin qatarynan úshinshi shırek fınal bolady. О́tken maýsymda olar dál osy aınalymda Leverkýzenniń «Baıerin» eki oıyn nátıjesi boıynsha 6:1 esebimen tize búktirdi. Tipti sol tartysta 4 goldy syrt alańda soqqanyn aıta keteıik.
Mine, eki komanda arasyndaǵy sońǵy jyldardyń keıbir derekteri osyndaı. Osy sandarǵa qarap kópshilik basymdyqty alań ıelerine berýde. Sizdiń pikirińiz qandaı?
Elaman Qońyr.
Derek: egemen.kz.
Sýret: eurosport.ru.
Komandalar myna quramda alańǵa shyǵýy múmkin.