2015 jylǵy 19 aqpan, Astana, Úkimet Úıi
Uly Otan soǵysyndaǵy Jeńistiń jetpis jyldyǵyna arnalǵan is-sharalardy ótkizýge beriletin aǵymdaǵy nysanaly transfertterdi oblystyq bıýdjetterdiń, Astana jáne Almaty qalalary bıýdjetteriniń paıdalaný qaǵıdalaryn bekitý týraly
«2015 – 2017 jyldarǵa arnalǵan respýblıkalyq bıýdjet týraly» 2014 jylǵy 28 qarashadaǵy Qazaqstan Respýblıkasynyń Zańy 15-babynyń 6) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Uly Otan soǵysyndaǵy Jeńistiń jetpis jyldyǵyna arnalǵan is-sharalardy ótkizýge beriletin aǵymdaǵy nysanaly transfertterdi oblystyq bıýdjetterdiń, Astana jáne Almaty qalalary bıýdjetteriniń paıdalaný qaǵıdalary bekitilsin.
2. Oblystardyń, Astana jáne Almaty qalalarynyń ákimderi bıýdjet qarajatynyń maqsatty paıdalanylýyn jáne esepti kezeńnen keıingi aıdyń 15-kúnine deıin Qazaqstan Respýblıkasy Densaýlyq saqtaý jáne áleýmettik damý mınıstrligine jartyjyldyqtyń jáne jyldyń qorytyndylary boıynsha tikeleı jáne túpkilikti nátıjeler týraly esep berýdi qamtamasyz etsin.
3. Osy qaýly 2015 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2015 jylǵy 19 aqpandaǵy №81 qaýlysymen bekitilgen
Uly Otan soǵysyndaǵy Jeńistiń jetpis jyldyǵyna arnalǵan is-sharalardy ótkizýge beriletin aǵymdaǵy nysanaly transfertterdi oblystyq bıýdjetterdiń, Astana jáne Almaty qalalary bıýdjetteriniń paıdalaný qaǵıdalary
1. Jalpy erejeler
1. Uly Otan soǵysyndaǵy Jeńistiń jetpis jyldyǵyna arnalǵan is-sharalardy ótkizýge beriletin aǵymdaǵy nysanaly transfertterdi oblystyq bıýdjetterdiń, Astana jáne Almaty qalalary bıýdjetteriniń paıdalaný qaǵıdalary (budan ári – Qaǵıdalar) «2015 – 2017 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańy 15-babynyń 6) tarmaqshasyna jáne «2015 – 2017 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyn iske asyrý týraly» Qazaqstan Respýblıkasynyń Úkimetiniń 2014 jylǵy № 1300 qaýlysynyń 8-tarmaǵynyń 2) tarmaqshasyna sáıkes ázirlendi.
2. Qaǵıdalar oblystyq bıýdjetterdiń, Astana jáne Almaty qalalary bıýdjetteriniń 049 «Oblystyq bıýdjetterge, Astana jáne Almaty qalalarynyń bıýdjetterine Uly Otan soǵysyndaǵy Jeńistiń jetpis jyldyǵyna arnalǵan is-sharalardy ótkizýge beriletin aǵymdaǵy nysanaly transfertter» respýblıkalyq bıýdjettik baǵdarlamasy (budan ári – 049 bıýdjettik baǵdarlamasy) boıynsha kózdelgen, respýblıkalyq bıýdjetten beriletin aǵymdaǵy nysanaly transfertterdi (budan ári – aǵymdaǵy nysanaly transfertter) paıdalaný tártibin aıqyndaıdy.
3. Qazaqstan Respýblıkasy Densaýlyq saqtaý jáne áleýmettik damý mınıstrligi (budan ári – Mınıstrlik) 049 bıýdjettik baǵdarlamasynyń jeke jospary negizinde aǵymdaǵy nysanaly transfertterdi oblystyq bıýdjetterge, Astana jáne Almaty qalalarynyń bıýdjetterine aýdarýdy júrgizedi.
4. Aǵymdaǵy nysanaly transfertter:
1) osy Qaǵıdalardyń 8-tarmaǵynda kórsetilgen adamdarǵa Uly Otan soǵysyndaǵy Jeńistiń jetpis jyldyǵyna birjolǵy materıaldyq kómek (budan ári – birjolǵy materıaldyq kómek) kórsetýge;
2) Uly Otan soǵysynyń qatysýshylary men múgedekterine, sondaı-aq Uly Otan soǵysyndaǵy Jeńistiń 70 jyldyǵyna arnalǵan Astana jáne Máskeý qalalaryndaǵy merekelik sherýlerge qatysý úshin oblystardyń, Astana jáne Almaty qalalarynyń delegasııalary quramynda jiberiletin medısınalyq qyzmetkerlerdi qosa alǵanda, olarmen birge júretin adamdarǵa jol júrý, turý jáne tamaqtaný shyǵystaryn tóleýge;
3) bank operasııalaryn júzege asyrýǵa lısenzııasy bar uıymdardyń, «Qazpochta» aksıonerlik qoǵamynyń Uly Otan soǵysyndaǵy Jeńistiń jetpis jyldyǵyna birjolǵy materıaldyq kómek tóleý jónindegi qyzmetterine aqy tóleýge paıdalanylady.
5. Oblystyń jumyspen qamtýdy úılestirý jáne áleýmettik baǵdarlamalar organy túsetin aǵymdaǵy nysanaly transfertterdi:
1) zańnamada belgilengen tártippen aýdandyq bıýdjetterge, oblystyq mańyzy bar qalalardyń bıýdjetterine aǵymdaǵy nysanaly transfertterdi aýdarý júrgiziletin 051 «Aýdandardyń (oblystyq mańyzy bar qalalardyń) bıýdjetterine Uly Otan soǵysyndaǵy Jeńistiń jetpis jyldyǵyna arnalǵan is-sharalardy ótkizýge beriletin aǵymdaǵy nysanaly transfertter»;
2) osy Qaǵıdalardyń 4-tarmaǵynyń 2) tarmaqshasynda kórsetilgen shyǵystar júrgiziletin 052 «Uly Otan soǵysyndaǵy Jeńistiń jetpis jyldyǵyna arnalǵan is-sharalardy ótkizý» bıýdjettik baǵdarlamalary boıynsha kózdeıdi.
6. Respýblıkalyq mańyzy bar qalanyń, astananyń jumyspen qamtý jáne áleýmettik baǵdarlamalar organy túsetin aǵymdaǵy nysanaly transfertterdi 052 «Uly Otan soǵysyndaǵy Jeńistiń jetpis jyldyǵyna arnalǵan is-sharalardy ótkizý» bıýdjettik baǵdarlamasy boıynsha kózdeıdi. Kórsetilgen bıýdjettik baǵdarlama boıynsha osy Qaǵıdalardyń 4-tarmaǵynda kórsetilgen shyǵystar júrgiziledi.
7. Aýdannyń (oblystyq mańyzy bar qalanyń) jumyspen qamtý jáne áleýmettik baǵdarlamalar organy túsetin aǵymdaǵy nysanaly transfertterdi 052 «Uly Otan soǵysyndaǵy Jeńistiń jetpis jyldyǵyna arnalǵan is-sharalardy ótkizý» bıýdjettik baǵdarlamasy boıynsha kózdeıdi.
Kórsetilgen baǵdarlama boıynsha osy Qaǵıdalardyń 4-tarmaǵynyń 1) jáne 3) tarmaqshalarynda kózdelgen shyǵystar júrgiziledi.
2. Birjolǵy materıaldyq kómek kórsetýge arnalǵan
aǵymdaǵy nysanaly transfertterdi paıdalaný tártibi
8. Uly Otan soǵysyndaǵy Jeńiske qosqan úlesi úshin birjolǵy materıaldyq kómekti tóleý mynadaı mólsherde júzege asyrylady:
1) birinshi dúnıejúzilik, azamattyq, Uly Otan soǵystary kezeńinde maıdandaǵy armııa men flottyń quramyna kirgen áskerı bólimderde, shtabtarda jáne mekemelerde qyzmet ótkergen áskerı qyzmetshilerge, azamat jáne Uly Otan soǵystarynyń partızandary men astyrtyn kúres júrgizgenderge – 100 000 teńge;
2) birinshi dúnıejúzilik, azamat, Uly Otan soǵystarynda maıdandaǵy armııa men flottyń áskerı qyzmetshilerine, partızandary men astyrtyn kúres júrgizgenderge, sondaı-aq birinshi dúnıejúzilik, azamat, Uly Otan soǵystary kezeńinde maıdanda, urys qımyldary júrgizilgen aýdandarda, maıdan mańyndaǵy temir jol ýchaskelerinde, qorǵanys shepteriniń, áskerı-teńiz bazalary men aerodromdardyń qurylystarynda jaralanýy, kontýzııa alýy, jaraqat alýy nemese aýrýǵa shaldyǵýy saldarynan múgedek bolyp qalǵan ári zeınetaqymen qamsyzdandyrý boıynsha áskerı qyzmetshilerge teńestirilgen tıisti sanattaǵy jumysshylar men qyzmetshilerge – 100 000 teńge;
3) Uly Otan soǵysy kezeńinde qorǵanysyna qatysý maıdandaǵy armııa bólimderiniń áskerı qyzmetshileri úshin belgilengen jeńildik sharttarymen zeınetaqy taǵaıyndaý úshin 1998 jylǵy 1 qańtarǵa deıin eńbek sińirgen jyldaryna esepteletin qalalarda qyzmet ótkergen, burynǵy KSR Odaǵy ishki ister jáne memlekettik qaýipsizdik organdarynyń áskerı qyzmetshilerine, sondaı-aq basshy jáne qatardaǵy quramynyń adamdaryna – 70 000 teńge;
4) Uly Otan soǵysy kezeńinde maıdandaǵy armııa quramyna kirgen áskerı bólimderde, shtabtar men mekemelerde shtattyq qyzmet atqarǵan Keńes Armııasynyń, Áskerı-Teńiz Flotynyń, burynǵy KSR Odaǵy ishki ister jáne memlekettik qaýipsizdik áskerleri men organdarynyń erikti jaldamaly quramynyń adamdaryna ne tıisti kezeńderde qorǵanysyna qatysý maıdandaǵy armııa bólimderiniń áskerı qyzmetshileri úshin belgilengen jeńildik sharttarymen zeınetaqy taǵaıyndaý úshin 1998 jylǵy 1 qańtarǵa deıin eńbek sińirgen jyldaryna esepteletin qalalarda bolǵan adamdarǵa – 70 000 teńge;
5) Uly Otan soǵysy kezeńinde maıdandaǵy armııa men flottyń quramyna kirgen áskerı bólimderdiń, shtabtar men mekemelerdiń quramynda polk balasy (tárbıelenýshisi) jáne ıýnga retinde bolǵan adamdarǵa – 70 000 teńge;
6) ekinshi dúnıejúzilik soǵys jyldarynda shet elderdiń aýmaǵynda partızan otrıadtary, astyrtyn toptar men basqa da antıfashıstik quralymdar quramynda fashıstik Germanııa men onyń odaqtastaryna qarsy urys qımyldaryna qatysqan adamdarǵa – 70 000 teńge;
7) burynǵy KSR Odaǵy Qatynas joldary halyq komıssarıaty, Baılanys halyq komıssarıaty arnaıy quralymdarynyń, kásipshilik jáne kólik kemeleriniń júzý quramy men avıasııanyń ushý-kóterý quramynyń, Balyq ónerkásibi halyq komıssarıatynyń, teńiz jáne ózen flotynyń, Soltústik teńiz joldary bas basqarmasynyń ushý-kóterý quramynyń Uly Otan soǵysy kezeńinde áskerı qyzmetshiler jaǵdaıyna aýystyrylǵan jáne urys maıdandarynyń tyldaǵy shepteri, flottardyń operatıvtik aımaqtary sheginde maıdandaǵy armııa men flot múddelerine oraı mindetter atqarǵan qyzmetkerlerine, sondaı-aq Uly Otan soǵysynyń bas kezinde basqa memleketterdiń porttarynda erkinen aırylǵan kólik floty kemeleri ekıpajdarynyń múshelerine – 70 000 teńge;
8) Lenıngrad qalasyn qorshaý kezeńinde qalanyń kásiporyndarynda, mekemeleri men uıymdarynda jumys istegen jáne «Lenıngradty qorǵaǵany úshin» medalimen, «Qorshaýdaǵy Lenıngrad turǵyny» belgisimen marapattalǵan azamattarǵa – 30 000 teńge;
9) ekinshi dúnıejúzilik soǵys kezeńinde fashıster men olardyń odaqtastary qurǵan konslagerlerdiń, getto jáne basqa da eriksiz ustaý oryndarynyń jasy kámeletke tolmaǵan burynǵy tutqyndaryna – 30 000 teńge;
10) burynǵy KSR Odaǵyn qorǵaý kezinde jaralanýyna, kontýzııa alýyna, jaraqat alýy nemese maıdanda bolýyna baılanysty aýrýǵa shaldyǵýy saldarynan múgedek bolyp qalǵan áskerı qyzmetshilerge – 70 000 teńge;
11) qyzmettik mindetterin atqarý kezinde jaralanýy, kontýzııa alýy, jaraqat alýy saldarynan ne maıdanda bolýyna baılanysty aýrýǵa shaldyǵýy saldarynan múgedek bolyp qalǵan burynǵy KSR Odaǵy ishki ister jáne memlekettik qaýipsizdik organdarynyń basshy jáne qatardaǵy quramynyń adamdaryna – 70 000 teńge;
12) 1944 jylǵy 1 qańtar – 1951 jylǵy 31 jeltoqsan aralyǵyndaǵy kezeńde Ýkraın KSR-i, Belarýs KSR-i, Lıtva KSR-i, Latvııa KSR-i, Eston KSR-i aýmaqtarynda áreket etken halyqty qorǵaýshy, jaýdy joıýshy batalondardyń, vzvodtar men jasaqtardyń jaýyngerleri men komandalyq quramy qatarynda bolǵan, osy batalondarda, vzvodtar men jasaqtarda qyzmettik mindetterin atqarý kezinde jaralanýy, kontýzııa alýy nemese jaraqat alýy saldarynan múgedek bolyp qalǵan adamdarǵa – 30 000 teńge;
13) Uly Otan soǵysy jyldarynda qaıtys bolǵan (habar-osharsyz ketken) áskerı qyzmetshilerdiń, partızandardyń, astyrtyn kúres júrgizgenderdiń ata-analaryna, qaıtadan nekege turmaǵan áıelderine (kúıeýlerine) – 30 000 teńge;
14) qaıtys bolǵan Uly Otan soǵysy múgedekteriniń basqa nekege turmaǵan áıelderine (kúıeýlerine) – 25 000 teńge;
15) qaıtys bolǵan Uly Otan soǵysyna qatysýshylardyń, partızandardyń, astyrtyn kúres júrgizgenderdiń, «Lenıngradty qorǵaǵany úshin» medalimen jáne «Qorshaýdaǵy Lenıngrad turǵyny» belgisimen marapattalǵan, jalpy aýrýdyń, eńbek jaraqatynyń jáne basqa sebepterdiń (quqyqqa qarsy áreketterdi qospaǵanda) nátıjesinde múgedek dep tanylǵan azamattardyń basqa nekege turmaǵan áıelderine (kúıeýlerine) – 25 000 teńge;
16) burynǵy KSR Odaǵyn qorǵaý kezinde jaralanýy, kontýzııa alýy, jaraqat alýy saldarynan nemese maıdanda bolýyna baılanysty aýrýǵa shaldyǵýy saldarynan múgedek bolyp qalǵan áskerı qyzmetshilerdiń basqa nekege turmaǵan áıelderine (kúıeýlerine) – 25 000 teńge;
17) qyzmettik mindetterin atqarý kezinde jaralanýy, kontýzııa alýy, jaraqat alýy saldarynan ne maıdanda bolýyna baılanysty aýrýǵa shaldyǵýy saldarynan múgedek bolyp qalǵan burynǵy KSR Odaǵy memlekettik qaýipsizdik jáne ishki ister organdarynyń basshy jáne qatardaǵy quramy adamdarynyń basqa nekege turmaǵan áıelderine (kúıeýlerine) – 25 000 teńge;
18) Ýkraın KSR-i, Belarýs KSR-i, Lıtva KSR-i, Latvııa KSR-i, Eston KSR-i aýmaqtarynda áreket etken halyqty qorǵaýshy, jaýdy joıýshy batalondardyń, vzvodtar men jasaqtardyń jaýyngerleri men komandalyq quramy qatarynda bolǵan, osy batalondarda, vzvodtar men jasaqtarda qyzmettik mindetterin atqarý kezinde jaralanýy, kontýzııa alýy nemese jaraqat alýy saldarynan múgedek bolyp qalǵan adamdardyń basqa nekege turmaǵan áıelderine (kúıeýlerine) – 25 000 teńge;
19) Uly Otan soǵysy jyldarynda tyldaǵy janqııarlyq eńbegi men minsiz qyzmeti úshin burynǵy KSR Odaǵynyń ordenderimen jáne medaldarymen marapattalǵan adamdarǵa, sondaı-aq Uly Otan soǵysy jyldarynda tylda 1941 jylǵy 22 maýsymnan bastap 1945 jylǵy 9 mamyrǵa deıin keminde alty aı eńbek etken (qyzmet ótkergen) jáne Uly Otan soǵysy jyldarynda tyldaǵy janqııarlyq eńbegi men minsiz qyzmeti úshin burynǵy KSR Odaǵynyń ordenderimen jáne medaldarymen marapattalmaǵan adamdarǵa – 25 000 teńge.
Bir mezgilde birneshe negizdeme boıynsha birjolǵy materıaldyq kómek alýǵa quqyǵy bar adamdarǵa birjolǵy materıaldyq kómek olardyń tańdaýyna qaraı bir negizdeme boıynsha beriledi.
9. «Qazaqstan Respýblıkasy Densaýlyq saqtaý jáne áleýmettik damý mınıstrliginiń Zeınetaqy tóleý jónindegi memlekettik ortalyǵy» respýblıkalyq memlekettik qazynalyq kásipornynyń fılıaldary (budan ári – ortalyqtyń fılıaldary) oblystardyń, Astana jáne Almaty qalalarynyń ákimderine birjolǵy materıaldyq kómek alýshylardyń tizimderin osy Qaǵıdalarǵa 1-qosymshaǵa sáıkes elektrondyq jáne qaǵaz jetkizgishterde mynadaı merzimde:
1) 2015 jylǵy 8 sáýirge deıin – osy Qaǵıdalardyń 8-tarmaǵynda kórsetilgen, 2015 jylǵy 1 sáýirdegi jaǵdaı boıynsha Ortalyqtyń fılıaldarynan áleýmettik tólemder alýshy adamdardy kórsete otyryp;
2) 2015 jylǵy 1 shildege deıin – osy Qaǵıdalardyń 8-tarmaǵynda kórsetilgen, burynǵy turǵan jeri boıynsha budan buryn birjolǵy materıaldyq kómek almaǵan, jańadan kelgen adamdardy kórsete otyryp jiberedi.
10. Qorǵanys, Ishki ister mınıstrlikteri, Ulttyq qaýipsizdik komıteti oblystardyń, Astana jáne Almaty qalalarynyń ákimderine birjolǵy materıaldyq kómek alýshylardyń tizimderin osy Qaǵıdalarǵa 1-qosymshaǵa sáıkes elektrondyq jáne qaǵaz jetkizgishterde mynadaı merzimde:
1) 2015 jylǵy 8 sáýirge deıin – osy Qaǵıdalardyń 8-tarmaǵynda kórsetilgen, 2015 jylǵy 1 sáýirdegi jaǵdaı boıynsha atalǵan organdarda esepte turǵan adamdardy kórsete otyryp;
2) 2015 jylǵy 1 shildege deıin – osy Qaǵıdalardyń 8-tarmaǵynda kórsetilgen, burynǵy turǵan jeri boıynsha budan buryn birjolǵy materıaldyq kómek almaǵan, jańadan kelgen adamdardy kórsete otyryp jiberedi.
11. Oblystardyń, Astana jáne Almaty qalalarynyń ákimderi osy Qaǵıdalardyń 9, 10-tarmaqtaryna sáıkes usynylǵan tizimderdi eskere otyryp tóleý úshin birjolǵy materıaldyq kómekti alýshylardyń tizimderin qalyptastyrady.
12. Respýblıkalyq mańyzy bar qalanyń (astananyń), aýdannyń (oblystyq mańyzy bar qalanyń) jumyspen qamtý jáne áleýmettik baǵdarlamalar organdary alýshylardyń bank operasııalaryn júzege asyrýǵa lısenzııasy bar uıymdarda ne «Qazpochta» aksıonerlik qoǵamynda zeınetaqylar men járdemaqylardy esepke jatqyzý úshin ashylǵan jeke shottaryna qarajat aýdarý arqyly:
1) 2015 jylǵy 30 sáýirge deıin – tizimderi usynylǵan, osy Qaǵıdalardyń 8-tarmaǵynda kórsetilgen adamdarǵa;
2) 2015 jylǵy 31 shildege deıin – osy Qaǵıdalardyń 8-tarmaǵynda kórsetilgen jáne burynǵy turǵan jerinde budan buryn birjolǵy materıaldyq kómek almaǵan, jańadan kelgen adamdarǵa birjolǵy materıaldyq kómek tóleýdi júzege asyrady.
13. Bank operasııalaryn júzege asyrýǵa lısenzııasy bar uıymdardyń, «Qazpochta» aksıonerlik qoǵamynyń birjolǵy materıaldyq kómek tóleý jónindegi qyzmetterine aqy tóleý kórsetilgen uıymdar men respýblıkalyq mańyzy bar qalanyń (astananyń), aýdannyń (oblystyq mańyzy bar qalasynyń) jumyspen qamtý jáne áleýmettik baǵdarlamalar organdarynyń arasynda Qazaqstan Respýblıkasynyń zańnamasynda belgilengen tártippen jasalǵan shart negizinde júrgiziledi.
14. Oblystardyń, Astana jáne Almaty qalalarynyń ákimderi Mınıstrlikti 2015 jylǵy 4 mamyrǵa deıingi merzimde birjolǵy materıaldyq kómektiń tólengeni týraly, 2015 jylǵy 3 tamyzǵa deıingi merzimde osy Qaǵıdalardyń 8-tarmaǵynda kórsetilgen jáne burynǵy turǵan jeri boıynsha budan buryn ony almaǵan, jańadan kelgen adamdarǵa birjolǵy materıaldyq kómek tóleý týraly habardar etedi.
3. Uly Otan soǵysynyń qatysýshylary men múgedekteriniń, sondaı-aq Astana jáne Máskeý qalalarynda Uly Otan soǵysyndaǵy Jeńistiń jetpis jyldyǵyna arnalǵan merekelik sherýlerge qatysý úshin oblystardyń, Astana jáne Almaty qalalarynyń delegasııalary quramynda jiberiletin medısınalyq qyzmetkerlerdi qosa alǵanda, olarmen birge júretin adamdardyń jol júrý, turý jáne tamaqtaný shyǵystaryn tóleýge beriletin aǵymdaǵy nysanaly transfertterdi paıdalaný tártibi
15. Uly Otan soǵysynyń qatysýshylary men múgedekterine, sondaı-aq Astana jáne Máskeý qalalaryndaUly Otan soǵysyndaǵy Jeńistiń 70 jyldyǵyna arnalǵan merekelik sherýge qatysý úshin oblystardyń, Astana jáne Almaty qalalarynyń delegasııalary quramynda jiberiletin medısınalyq qyzmetkerlerdi qosa alǵanda, olarmen birge júretin adamdarǵa (budan ári – delegasııalardyń qatysýshylary) Astana jáne Máskeý qalalaryna Uly Otan soǵysyndaǵy Jeńistiń jetpis jyldyǵyn merekeleýge arnalǵan merekelik sherýge temirjol jáne (nemese) áýe kóligimen jol júrý úshin jol júrý qujattary beriledi, sondaı-aq merekelik sherýlerdiń ótý kezeńinde turý jáne tamaqtaný shyǵystary tólenedi.
16. Oblystardyń, Astana jáne Almaty qalalarynyń ákimderi Uly Otan soǵysy ardagerleriniń qoǵamdyq birlestikterimen kelisý boıynsha 2015 jylǵy 1 sáýirge deıingi merzimde Astana jáne Máskeý qalalarynda Uly Otan soǵysyndaǵy Jeńistiń jetpis jyldyǵyn merekeleýge arnalǵan merekelik sherýge baratyn delegasııalar qatysýshylarynyń, birge júretin adamdar men medısınalyq qyzmetkerlerdiń tizimderin (budan ári – delegasııa) qalyptastyrady jáne bekitedi, ár delegasııa úshin birge júretin adamdardyń qatarynan jaýapty adamdy aıqyndaıdy jáne oblystardyń, Astana jáne Almaty qalalarynyń jumyspen qamtýdy úılestirý jáne áleýmettik baǵdarlamalar organdary (budan ári – jumyspen qamtýdy úılestirý jáne áleýmettik baǵdarlamalar organdary) arqyly aýdandardyń (oblystyq mańyzy bar qalanyń) jumyspen qamtý jáne áleýmettik baǵdarlamalar organdaryna (budan ári – jumyspen qamtý jáne áleýmettik baǵdarlamalar organdary) jiberedi.
17. Jumyspen qamtý jáne áleýmettik baǵdarlamalar organdary delegasııalar qatysýshylarynyń tizimderin alǵannan keıin úsh jumys kúni ishinde delegasııanyń árbir qatysýshysyna mynadaı qujattardy jınaýdy júzege asyrady:
1) osy Qaǵıdalarǵa 2-qosymshaǵa sáıkes nysan boıynsha ótinish;
2) jeke basyn kýálandyratyn qujattyń kóshirmesi;
3) bank operasııalaryn júzege asyrýǵa lısenzııasy bar uıymdardaǵy ne «Qazpochta» aksıonerlik qoǵamyndaǵy bank shotynyń nómiri týraly málimetter;
4) soǵysqa qatysýshynyń nemese soǵys múgedegi kýáliginiń kóshirmesi (Uly Otan soǵysynyń qatysýshylary men múgedekteri úshin);
5) medısınalyq uıymnyń jol júrýge qarsy aıǵaqtamalardyń joq ekeni týraly anyqtamasy (Uly Otan soǵysynyń qatysýshylary men múgedekteri úshin).
18. Jumyspen qamtý jáne áleýmettik baǵdarlamalar organdary alynǵan ótinishter men qujattardyń negizinde eki jumys kúni ishinde osy Qaǵıdalarǵa 3-qosymshaǵa sáıkes nysan boıynsha jol júrý qujattaryn (bıletterin) alýǵa arnalǵan ótinimdi daıyndaıdy jáne jumyspen qamtýdy úılestirý jáne áleýmettik baǵdarlamalar organdaryna usynady.
19. Uly Otan soǵysyndaǵy Jeńistiń 70 jyldyǵyn merekeleýge arnalǵan sherýge Máskeý qalasyna jol júrý qujattary (bıletteri):
1) Aqtóbe, Atyraý, Batys Qazaqstan jáne Mańǵystaý oblystary delegasııalarynyń qatysýshylary úshin oblys ortalyǵynan Astana qalasyna deıin jáne keri qaıtýǵa, sondaı-aq Astana qalasynan Máskeý qalasyna deıin jáne keri qaıtýǵa – áýe kóligine;
2) Aqmola, Almaty, Shyǵys Qazaqstan, Jambyl, Qaraǵandy, Qostanaı, Qyzylorda, Pavlodar, Soltústik Qazaqstan, Ońtústik Qazaqstan oblystary jáne Almaty qalasy delegasııalarynyń qatysýshylary úshin:
oblys ortalyǵynan (Almaty qalasynan) Astana qalasyna deıin jáne keri qaıtýǵa – temir jol kóligine;
Astana qalasynan Máskeý qalasyna deıin jáne keri qaıtýǵa – áýe kóligine;
3) Astana qalasy delegasııasynyń qatysýshylaryna Astana qalasynan Máskeý qalasyna deıin jáne keri qaıtýǵa – áýe kóligine beriledi.
20. Jumyspen qamtýdy úılestirý jáne áleýmettik baǵdarlamalar organdary delegasııanyń ketýine deıin keminde on bes jumys kúni qalǵanda, osy Qaǵıdalarǵa 3-qosymshaǵa sáıkes nysan boıynsha jol júrý qujattaryn (bıletterin) alýǵa ótinimdi qalyptastyrady jáne jol júrý qujattaryn berý jónindegi uıymdarǵa beredi.
21. Jol júrý qujattaryn berý jónindegi uıymdar 20-tarmaqta kórsetilgen ótinimdi alǵannan keıin, bes jumys kúni ishinde ótinimde kórsetilgen jol júrýdiń tolyq marshrýtyna jol júrý qujattaryn (bıletterin) daıyndaıdy jáne olardy jumyspen qamtýdy úılestirý jáne áleýmettik baǵdarlamalar organdaryna osy Qaǵıdalarǵa 4-qosymshaǵa sáıkes nysan boıynsha eki danada jasalatyn jol júrý qujattaryn (bıletterin) qabyldaý-tapsyrý aktisine sáıkes beredi.
22. Jumyspen qamtýdy úılestirý jáne áleýmettik baǵdarlamalar organdary alynǵan jol júrý qujattaryn (bıletterin) eki jumys kúni ishinde jumyspen qamtý jáne áleýmettik baǵdarlamalar organdaryna Qazaqstan Respýblıkasy Qarjy mınıstriniń mindetin atqarýshynyń 2011 jylǵy 2 tamyzdaǵy № 390 buıryǵymen bekitilgen № M-2a nysanyndaǵy senimhaty (budan ári – № M-2a nysanyndaǵy senimhat) boıynsha beredi.
23. Jumyspen qamtý jáne áleýmettik baǵdarlamalar organdary eki jumys kúni ishinde jol júrý qujattaryn (bıletterin) delegasııalar qatysýshylaryna qolyn qoıǵyzyp beredi.
24. Jol júrý qujattaryn (bıletterin) qabyldaý-tapsyrý aktisine qol qoıylǵannan keıin jumyspen qamtýdy úılestirý jáne áleýmettik baǵdarlamalar organdary men jol júrý qujattaryn berý jónindegi uıymdardyń arasynda jol júrý qujattaryn berý jónindegi uıymdarǵa delegasııalar qatysýshylaryna berilgen jol júrý qujattaryna (bıletterine) aqy tóleý úshin negizdeme bolyp tabylatyn salystyryp tekserý aktisi jasalady.
Salystyryp tekserý aktisi osy Qaǵıdalarǵa 5-qosymshaǵa sáıkes nysan boıynsha eki danada jasalady.
25. Jol júrý qujattarynyń (bıletteriniń) qunyn tóleýdi jumyspen qamtýdy úılestirý jáne áleýmettik baǵdarlamalar organdary osy Qaǵıdalardyń 24-tarmaǵynda kórsetilgen qol qoıylǵan salystyryp tekserý aktisiniń negizinde qolma-qol aqshasyz nysanda on jumys kúni ishinde jol júrý qujattaryn berý jónindegi uıymda Qazaqstan Respýblıkasynyń bıýdjettik zańnamasyna sáıkes júrgizedi.
26. Delegasııalar qatysýshylaryna tamaqtaný jáne turý shyǵystary bir mezgilde mynadaı mólsherde:
1) Astana qalasyndaǵy Uly Otan soǵysyndaǵy Jeńistiń 70 jyldyǵyn merekeleýge arnalǵan sherýge (Astana qalasy delegasııasynyń qatysýshylaryn qospaǵanda) bir adamǵa bes táýlikke eseptegende:
tamaqtanýǵa – táýligine 2 aılyq eseptik kórsetkish (budan ári – AEK);
qonaq úıde turýǵa – táýligine 7 AEK;
2) Máskeý qalasyndaǵy Uly Otan soǵysyndaǵy Jeńistiń 70 jyldyǵyn merekeleýge arnalǵan sherýge bir adamǵa bes táýlikke eseptegende, onyń ishinde:
Astanada eki táýlik bolǵan kezde tamaqtanýǵa – táýligine 2 AEK; Astana qalasynda turýǵa – táýligine 7 AEK (Astana qalasy delegasııasynyń qatysýshylaryn qospaǵanda);
Máskeýde úsh táýlik bolǵan kezde – táýligine tamaqtanýǵa 80 AQSh dollaryna balama somada; Máskeý qalasynda qonaq úıde turýǵa – táýligine 220 AQSh dollaryna balama somada tólenedi.
Máskeýde tamaqtaný jáne turý shyǵystaryn tóleý Qazaqstan Respýblıkasynyń ulttyq zańnamasynda belgilengen tártippen tólem kúnine Qazaqstan Respýblıkasy ulttyq valıýtasynyń shetel valıýtasyna qatysty resmı baǵamy boıynsha júrgiziledi.
27. Jumyspen qamtýdy úılestirý jáne áleýmettik baǵdarlamalar organdary delegasııanyń ketýine deıin keminde bes jumys kúni qalǵanda delegasııanyń árbir qatysýshysyna tamaqtaný jáne turý shyǵystaryn, onyń bank operasııalaryn júzege asyrýǵa lısenzııasy bar uıymdarda ne «Qazpochta» aksıonerlik qoǵamynda zeınetaqylar men járdemaqylardy esepke jatqyzý úshin ashylǵan jeke shotyna aýdarý arqyly tóleıdi.
28. Jumyspen qamtý jáne áleýmettik baǵdarlamalar organdary aı saıyn 2015 jylǵy sáýir – mamyr aralyǵyndaǵy kezeńde jumyspen qamtýdy úılestirý jáne áleýmettik baǵdarlamalar organdaryna delegasııalardyń qatysýshylary qaıtarǵan paıdalanylǵan (paıdalanylmaǵan) jol júrý qujattarynyń (bıletteriniń) ne jol júrý qujattaryn berý jónindegi uıymdardyń jol júrý qujattarynyń (bıletteriniń) qaıtarylǵany týraly jazbasha rastamalarynyń negizinde jasalǵan paıdalanylǵan jol júrý qujattary (bıletteri) týraly esepti usynady.
29. Jol júrý múmkin bolmaǵan nemese jol júrýden bas tartqan jaǵdaıda, qatysýshy jumyspen qamtýdy úılestirý jáne áleýmettik baǵdarlamalar organdaryna alǵan jol júrý qujattaryn (bıletterin), sondaı -aq onyń jeke shotyna aýdarylǵan tamaqtanýǵa jáne turýǵa arnalǵan qarajatty jumyspen qamtý jáne áleýmettik baǵdarlamalar organdary arqyly 2015 jylǵy 31 mamyrdan keshiktirilmeıtin merzimde qaıtarady. Bul rette, jumyspen qamtý jáne áleýmettik baǵdarlamalar organdary delegasııalardyń qatysýshylaryna jol júrý qujattarynyń (bıletteriniń) qaıtarylǵany týraly jazbasha rastama beredi.
Alynǵan jol júrý qujattaryn (bıletterin) jáne óziniń esebine aýdarylǵan tamaqtanýǵa jáne turýǵa arnalǵan qarajatty delegasııa qatysýshysy kórsetilgen merzimde qaıtarmaǵan jaǵdaıda, kórsetilgen qarajat sot sheshiminiń negizinde sot tártibimen qaıtarylady, bul týraly jumyspen qamtýdy úılestirý jáne áleýmettik baǵdarlamalar organdary alýshyny jazbasha habardar etedi.
30. Eger delegasııa qatysýshysy jumyspen qamtý jáne áleýmettik baǵdarlamalar organdarynan alynǵan jol júrý qujattaryn (bıletterin) qaıtarýdy jol júrý qujattaryn berý jónindegi uıymda júzege asyratyn bolsa, jol júrý qujattaryn berý jónindegi uıymdar kórsetilgen jol júrý qujattarynyń (bıletteriniń) qunyn qaıtarýdy jumyspen qamtýdy úılestirý jáne áleýmettik baǵdarlamalar organdaryna qolma-qol aqshasyz nysanda úsh jumys kúni ishinde júzege asyrady. Bul rette, jol júrý qujattaryn berý jónindegi uıymdar delegasııalardyń qatysýshylaryna jol júrý qujattarynyń (bıletteriniń) qaıtarylǵany týraly jazbasha rastama beredi.
31. Jumyspen qamtý jáne áleýmettik baǵdarlamalar organdary paıdalanylmaǵan jol júrý qujattaryn (bıletterin) jáne qaıtarylǵan qarajatty jumyspen qamtýdy úılestirý jáne áleýmettik baǵdarlamalar organdaryna № M-2a nysanyndaǵy senimhat boıynsha qaıtarady.
32. Jumyspen qamtýdy úılestirý jáne áleýmettik baǵdarlamalar organdary paıdalanylmaǵan jol júrý qujattaryn (bıletterin) jol júrý qujattaryn berý jónindegi uıymdarǵa mynadaı úlgide qaıtarady:
1) eger jol júrý quny ótelgen bolsa, oryndardy qaıtarý úshin jol júrý qujattary (bıletteri) poezd jóneltilgennen keıin úsh saǵattan keshiktirilmeıtin nemese ushaqtyń ushýyna deıin úsh saǵattan aspaıtyn ýaqyt qalǵan merzimde jol júrý qujattaryn berý jónindegi uıymdarǵa usynylady. Bul rette, tóleýge usynylatyn salystyryp tekserý aktisinde kórsetiletin jalpy soma jol júrý qujatynyń (bıletiniń) qunynan ustap qalý shegerile otyryp, qaıtarylǵan jol júrý qujattarynyń (bıletteriniń) qunyna teń somaǵa azaıtylady;
2) eger jol júrý quny ótelmegen bolsa, oryndardy qaıtarý úshin jol júrý qujattary (bıletteri) poezd jóneltilgennen keıin úsh saǵattan keshiktirilmeıtin nemese ushaqtyń ushýyna deıin úsh saǵattan aspaıtyn ýaqyt qalǵan merzimde jol júrý qujattaryn berý jónindegi uıymdarǵa usynylady. Bul rette, tóleýge usynylatyn salystyryp tekserý aktisinde kórsetiletin jalpy somaǵa qaıtarylǵan jol júrý qujatynyń (bıletiniń) qunynan ustap qalý somasy qosylady.
Uly Otan soǵysyndaǵy Jeńistiń jetpis jyldyǵyna arnalǵan is-sharalardy ótkizýge beriletin aǵymdaǵy nysanaly transfertterdi oblystyq bıýdjetterdiń, Astana jáne Almaty qalalary bıýdjetteriniń paıdalaný qaǵıdalaryna 1-qosymsha
nysan
Birjolǵy materıaldyq kómek alýshylardyń tizimi
R/s
№ T.A.Á. Sanaty Týǵan kúni Turǵylyqty jeri Jeke nemese
kart-shottyń №
Banktiń (fılıaldyń)
jáne áleýmettik tólemder berýdi júzege asyratyn basqa uıymdardyń ataýy JSN
1 2 3 4 5 6 7 8
M.O.
______________________ ________________
(jumyspen qamtý jáne áleýmettik T.A.Á., qoly
baǵdarlamalar organynyń) basshysy
Uly Otan soǵysyndaǵy Jeńistiń jetpis jyldyǵyna arnalǵan is-sharalardy ótkizýge beriletin aǵymdaǵy nysanaly transfertterdi oblystyq bıýdjetterdiń, Astana jáne Almaty qalalary bıýdjetteriniń paıdalaný qaǵıdalaryna 2-qosymsha
nysan
Jumyspen qamtý jáne áleýmettik
baǵdarlamalar organynyń basshysy
___________________________________
_________________________________
________________ mekenjaıy boıynsha turatyn,
jeke kýáligi (pasporty) ______________________
soǵysqa qatysýshynyń (soǵys múgedeginiń) kýáligi
(mundaı mártebesi bolǵan jaǵdaıda)____________
________________________________________
О́tinish
Uly Otan soǵysyndaǵy Jeńistiń 70 jyldyǵyn merekeleýge arnalǵan sherýge (sherýdiń qaı qalada bolatyny kórsetilsin: Astana qalasynda, Máskeý qalasynda) jol júrý qujattaryn (bıletterin) berýidi, onyń ishinde merekelik is-sharalar ótkiziletin kezeńde tamaqtaný jáne turý shyǵystaryn tóleýidi suraımyn.
Jol júrý múmkin bolmaǵan jaǵdaıda, jol júrý qujattaryn (bıletterin), sondaı-aq men alǵan tamaqtanýǵa jáne turýǵa aqshalaı qarajatty jumyspen qamtý jáne áleýmettik baǵdarlamalar organdaryna ketkenge deıin úsh táýlikten keshiktirilmeıtin merzimde qaıtarýǵa mindettenemin.
Kelgennen keıin bir aıdyń ishinde jumyspen qamtý jáne áleýmettik baǵdarlamalar organdaryna paıdalanylǵan jol júrý qujattaryn (bıletterin) qaıtarýǵa mindettenemin.
Kúni ________________
Delegasııa qatysýshysynyń qoly __________________
О́tinish qabyldandy ______________________________________________
(kúni, T.A.Á., jumyspen qamtý jáne áleýmettik baǵdarlamalar
organy mamanynyń qoly)
Jol júrý qujattaryn (bıletterin) alǵany týraly belgi:
Jol júrý qujattaryn (bıletterin) berdi:
Kúni __________________________
Jumyspen qamtý jáne áleýmettik baǵdarlamalar organy mamanynyń qoly ___
Jol júrý qujattaryn (bıletterin) aldy:
Kúni _______________
Delegasııa qatysýshysynyń qoly ____________
Uly Otan soǵysyndaǵy Jeńistiń jetpis jyldyǵyna arnalǵan is-sharalardy ótkizýge beriletin aǵymdaǵy nysanaly transfertterdi oblystyq bıýdjetterdiń, Astana jáne Almaty qalalary bıýdjetteriniń paıdalaný qaǵıdalaryna 3-qosymsha
nysan
Jol júrý qujattaryn (bıletterin) alýǵa
ótinim
R/s
№
T.A.Á. Mártebesi Jeke basyn kýálandyratyn qujattyń nómiri Shyǵý jáne keri qaıtý kúni kórsetilgen jol júrý marshrýty Kólik túri
(vagon úlgisi kórsetilgen temirjol, áýe kóligi)
M.O.
___________________________ ________________
(jumyspen qamtýdy úılestirý jáne áleýmettik T.A.Á., qoly
baǵdarlamalar organynyń) basshysy
Uly Otan soǵysyndaǵy Jeńistiń jetpis jyldyǵyna arnalǵan is-sharalardy ótkizýge beriletin aǵymdaǵy nysanaly transfertterdi oblystyq bıýdjetterdiń, Astana jáne Almaty qalalary bıýdjetteriniń paıdalaný qaǵıdalaryna 4-qosymsha
nysan
№ __ dana
Jol júrý qujattaryn (bıletterin) qabyldaý-tapsyrý
aktisi
R/s
№
T.A.Á. Márte-besi Jeke basyn kýálandyratyn qujattyń nómiri Shyǵý jáne keri qaıtý kúni kórsetilgen jol júrý marshrýty Bılet nómiri Kólik túri
(vagon úlgisi kórsetilgen temirjol jáne/nemese áýe kóligi) Jol júrý qujattarynyń
(bıletteriniń) quny,
teńge
1 2 3 4 5 6 7 8
M.O. Berdi:
________________________ ________________
Jol júrý qujatyn (bıletin) T.A.Á., qoly
resimdegen bólimsheniń basshysy
M.O. Qabyldady:
________________________ ________________
(Jumyspen qamtý (jumyspen qamtýdy úılestirý) T.A.Á., qoly
jáne áleýmettik baǵdarlamalar organynyń) basshysy
Uly Otan soǵysyndaǵy Jeńistiń jetpis jyldyǵyna arnalǵan is-sharalardy ótkizýge beriletin aǵymdaǵy nysanaly transfertterdi oblystyq bıýdjetterdiń, Astana jáne Almaty qalalary bıýdjetteriniń paıdalaný qaǵıdalaryna 5-qosymsha
nysan
№ __ dana
Salystyryp tekserý aktisi
R/s
№
T.A.Á. Jeke basyn kýálandyratyn qujattyń nómiri Shyǵý jáne keri qaıtý kúni kórsetilgen jol júrý marshrýty Bılet nómiri
№
Kólik túri
(vagon úlgisi kórsetilgen temirjol,
áýe kóligi) Jol júrý qujattarynyń
(bıletteriniń) quny,
teńge Tóleý kúni
1 2 3 4 5 6 7 8
Jıyntyq somasy:
M.O.
_________________________ ________________
Jol júrý qujatyn (bıletin) resimdegen T.A.Á., qoly
bólimsheniń basshysy
M.O.
_____________________________ ___________________
(jumyspen qamtý (jumyspen qamtýdy úılestirý) T.A.Á., qoly
jáne áleýmettik baǵdarlamalar organynyń) basshysy