2015 jylǵy 12 naýryz, Astana qalasy
Qazaqstan Respýblıkasynyń ulttyq qaýipsizdik organdary qyzmetkerleri men olardyń otbasy múshelerine múlikti tasymaldaý jáne Qazaqstan Respýblıkasynyń aýmaǵynda kólikpen jol júrý shyǵyndaryn óteý normalaryn bekitý týraly
«Qazaqstan Respýblıkasynyń arnaýly memlekettik organdary týraly» Qazaqstan Respýblıkasy 2012 jylǵy 13 aqpandaǵy Zańynyń 73, 77 jáne 78-baptaryna sáıkes buıyramyn:
1. Qosa berilip otyrǵan Qazaqstan Respýblıkasy ulttyq qaýipsizdik organdarynyń qyzmetkerleri men olardyń otbasy múshelerine múlikti tasymaldaý jáne Qazaqstan Respýblıkasynyń aýmaǵynda kólikpen jol júrý shyǵyndaryn óteý normalary bekitilsin.
2. Qazaqstan Respýblıkasy Ulttyq qaýipsizdik komıtetiniń Ekonomıka jáne qarjy departamenti Qazaqstan Respýblıkasynyń zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryqty memlekettik tirkeýden keıin on kúntizbelik kúnnen aspaıtyn merzimde buqaralyq aqparat quraldarynda resmı jarııalaýǵa jáne «Ádilet» aqparattyq quqyqtyq júıege jarııalaý úshin qaǵaz jáne elektrondy tasyǵysh arqyly resmı jarııalaýǵa jiberýdi;
3) osy buıryqty Qazaqstan Respýblıkasy Ulttyq qaýipsizdik komıtetiniń resmı ınternet-resýrsynda jarııalaýdy.
3. Osy buıryqpen Qazaqstan Respýblıkasy ulttyq qaýipsizdik organdarynyń qyzmetkerleri tanystyrylsyn.
4. Osy buıryq alǵash resmı jarııalanǵan kúninen keıin on kúntizbelik kún ótken soń qoldanysqa engiziledi.
Tóraǵa N.ÁBIQAEV.
«KELISILDI»
Qazaqstan Respýblıkasy Qarjy mınıstri
____________________B.SULTANOV
2015 jylǵy « » ______________
Qazaqstan Respýblıkasy Ulttyq qaýipsizdik komıteti Tóraǵasynyń
2015 jylǵy 4 mamyrdaǵy № 11 buıryǵymen bekitilgen
Qazaqstan Respýblıkasynyń ulttyq qaýipsizdik organdary qyzmetkerleri men olardyń otbasy múshelerine múlikti tasymaldaý jáne Qazaqstan Respýblıkasynyń aýmaǵynda kólikpen jol júrý shyǵyndaryn óteý normalary
1. Qyzmetkerler men olardyń otbasy múshelerine Qazaqstan Respýblıkasynyń aýmaǵynda kólikpen jol júrý shyǵyndary jol júrý qujattarynyń negizinde óteledi:
1) temir jolmen jol júrý kezinde - kýpe vagonynyń (jumsaq dıvandary tómende ornalasqan, onyń qalpyn retteý qurylǵysy men otyrýǵa arnalǵan jumsaq kreslolary bar 2 oryndyq kýpe (budan ári – UV), sondaı-aq júrdek poezdardyń «Týrıst» jáne «Bıznes» klasty vagondaryn qospaǵanda) tarıfi boıynsha;
2) sý joldarymen sý kóligimen, tas jáne topyraq joldarmen avtomobıl kóligimen jol júrý kezinde – sol jergilikti jerdegi qoldanylyp júrgen jol júrý quny boıynsha;
3) erekshe jaǵdaılarda – jumsaq dıvandary tómende ornalasqan, onyń qalpyn retteý qurylǵysymen otyrýǵa arnalǵan jumsaq kreslolary bar 2 oryndyq kýpe (UV), sondaı-aq júrdek poezdardyń «Týrıst» jáne «Bıznes» klasty vagondarynyń tarıfteri boıynsha temir jol kóligimen jáne áýe kóligimen - ekonomıkalyq synyp tarıfi boıynsha:
stasıonarlyq emdelýge – dárigerlik-konsýltasııa saraptamasy tóraǵasynyń jazbasha rastaý hatymen;
qyzmetkerdiń aýysýy jedel bolǵan jaǵdaıda – mekeme basshysynyń jazbasha ruqsatymen;
4) eger eldi mekennen tys jerde ornalassa, temir jol stansııasyna, aılaqqa, áýejaıǵa avtokólikpen (taksıden basqa) jol júrý boıynsha;
5) jol júrý bıletterin brondaý qunyn, sondaı-aq tósek kerek-jaraqtaryn paıdalaný qunyn rastaıtyn.
2. Jol júrý qujattary bolmaǵan kezde shyǵystar osy normalardyń 1-tarmaǵynyń 1), 2) tarmaqshalarynda kórsetilgen kólikpen (áýe kóligin qospaǵanda) jol júrýdiń eń tómengi quny boıynsha jolaýshynyń ótinishi boıynsha tasymaldaýshy beretin qujat negizinde óteledi.
Jeke múlikti tasymaldaýǵa jumsalǵan shyǵyndardy óteý normalary
3. Qyzmetker qyzmeti boıynsha aýysqan kezinde arnaýly (áskerı) oqý oryndarynyń kýrsanttarynan basqa, sondaı-aq qyzmetten bosatylǵan kezde, Zańnyń 49-baby 1-tarmaǵynyń 4), 6), 7), 11) – 13)-tarmaqshalarynda kózdelgen jaǵdaılardan basqa, oǵan salmaǵy on tonnaǵa deıin jeke múligin burynǵy qyzmet (turǵylyqty jeri) ornynan jańa qyzmet (turǵylyqty jeri) ornyna deıin tasymaldaý shyǵyndary óteledi.
4. Jeke múlikti tasymaldaý temir jol, sý nemese avtomobıl kóligimen júzege asyrylady. Bul rette kelesi shyǵyn túrleri óteledi:
konteıner usyný;
qujattarǵa vıza qoıý, olardyń naryqtaýy men rásimdeý;
konteınerdi tıeý men túsirý jónindegi krannyń jumysy;
konteınerdi plombylaý;
konteınerdi jumys (turǵylyqty jeri) ornynan stansııaǵa (portqa) deıin jáne stansııadan (porttan) jumys (turǵylyqty jeri) ornyna deıin jetkizý;
konteınerlik alańǵa kirý;
konteınerdi tazalaý;
ekspedıtorlyq qyzmetter;
eseptesý operasııalary;
konteınerge japsyrma japsyrý;
avtomashına usyný.
Buıryq Qazaqstan Respýblıkasynyń Ádilet mınıstrliginde 2015 jylǵy 4 mamyrdaǵy Normatıvtik quqyqtyq kesimderdi memlekettik tirkeýdiń tizilimine № 10930 bolyp engizildi.