QOSTANAI. 22 mamyr. Qazaqstan Respýblıkasy Ulttyq gvardııasynyń Qostanaı qalasyndaǵy №6697 áskerı bóliminiń jeke quramy Amangeldi aýdanyndaǵy tabıǵı apattyń zardaptaryn joıý jumystaryna qatysýda. Bul týraly egemen.kz tilshisi habarlady.
Áskerı bólimshe komandıriniń orynbasary Nurbol Amandyqov basqaratyn jeke quramy 18 mamyrdan bastap «Altyn dala» memlekettik tabıǵı rezervatyndaǵy qyrylǵan kıikterdiń óleksesin joıý jumystaryn atqaryp júr. Dalada ólgen kıikterdi terip, tasý jumystary ońaı bolyp turǵan joq. Sarbazdar aýa raıynyń qolaısyzdyǵyna, jumystyń aýyrlyǵyna qaramastan barlyq tapsyrylǵan mindetterdi minsiz oryndaýda.
№6697 áskerı bólimshesindegi klýb meńgerýshisi Zarına Baıǵazınova: «Buryn áskerı bólimshe qoǵamdyq tártipti qamtamasyz etetin, qazir zań aktileriniń bekitilýine sáıkes áskerı qyzmetkerler tabıǵı apat zardapdaryn joıý jumystaryna kómektesedi», dedi.
Áskerı bólimshe oqıǵa bolǵan jerge 6 shatyr tikti, dala qosyn ornatty. Sarbazdar Otan, memleket aldyndaǵy barlyq tapsyrmaǵa árqashan daıyn. Tabıǵı apat ornyndaǵy jumystarǵa sarbazdar kúshi úlken kómek bolyp tur. Otan aldyndaǵy paryz minsiz oryndalýda.
Názıra Járimbetova.
Derek, sýret: egemen.kz