QOSTANAI. 22 mamyr. Qostanaı oblysynda tolassyz jaýǵan jańbyr dıqandarǵa kóktemgi dala jumystaryn júrgizbeı otyr. Oblys boıynsha nebári 264 myń gektar alqapqa ǵana dán sebilgen. Bul týraly egemen.kz tilshisi habarlady.
Búginde azdaǵan jumys tek oblystyń ońtústigindegi Amankeldi, Jankeldın, Jitqara, Denısov, Naýyrzym aýdandarynda ǵana júrip jatyr. Olarda barlyq alqaptyń 10-30 paıyzy aralyyǵnda dán sebildi. Alaıda qalǵan aýdandarda tolassyz jańbyrdan traktor júre almaı tur. Qostanaı aýdanynda barlyq alqaptyń 0,3 Meńdiǵara aýdanynda 0,6, Fedorov aýdanynda 0,1 paıyzyna ǵana dán sińirildi. Kún de jaýǵan jańbyr jerdiń kebýine mursat bermeı jatyr. Sońǵy kóp jyldardyń tájirıbesi boıynsha mamyr aıynda 33 mm jańbyr jaýady eken, al bıyl mamyr aıynyń eki on kúndiginde bul kórsetkish 66 mm bolǵan.
Obylstyq aýyl sharýashylyǵy basqarmasynyń bólim basshysy Sálimjan Esenamanov: «Oblys alqaptarynda jańbyrdyń saldarynan qıyn jaǵdaı qalyptasyp otyr. Agrarlyq talaptar boıynsha dán jerge mamyr aıynyń 15-nen 1 maýsymǵa deıin sińirilýi kerek. Mamyrdyń 15-nen búginge deıin egilgen egin alqaby 500 myń gektarǵa jetken joq. О́tken jyldyń osy merziminde oblysta 961 myń gektarǵa dán sebilgen edi. Sınoptıkter aldaǵy aptanyń sońyna qaraı taǵy da jańbyr jaýatynyn aıtyp otyr» dedi.
Oblysta barlyǵy 4 mıllıon 700 myń gektarǵa egin egilýi kerek. Onyń ishinde dándi daqyldar men burshaq tuqymdastar 4 mıllıon 143 myń gektarǵa sebilýi tıis. Jańbyr jaýǵan saıyn aram shóp te qaýlap barady. Dıqandardy bul da mazalap otyr.
Názıra Járimbetova.
Derek, sýret: egemen.kz