2014 jylǵy 24 jeltoqsan, Astana qalasy
Qyzmetkerlerdiń ómiri men densaýlyǵyna keltirilgen zııan úshin belgilengen tártippen jaýapty dep tanylǵan taratylatyn zańdy tulǵanyń múlki joq nemese jetkiliksiz bolǵan jaǵdaıda, osy zııandy óteý jónindegi tıisti merzimdik tólemderdi kapıtaldandyrý somasyn memleketten óndirip alý jónindegi atqarýshylyq is júrgizýdi júzege asyrý erejesin bekitý týraly
«Atqarýshylyq is júrgizý jáne sot oryndaýshylarynyń mártebesi týraly» Qazaqstan Respýblıkasynyń 2010 jylǵy 2 sáýirdegi Zańynyń 6-babynyń 3-tarmaǵyna jáne «Ádilet organdary týraly» Qazaqstan Respýblıkasy Zańynyń 7-babynyń 2-tarmaǵy 3) tarmaqshasyna sáıkes buıyramyn:
1. Qosa berilip otyrǵan Qyzmetkerlerdiń ómiri men densaýlyǵyna keltirilgen zııan úshin belgilengen tártippen jaýapty dep tanylǵan taratylatyn zańdy tulǵanyń múlki joq nemese jetkiliksiz bolǵan jaǵdaıda, osy zııandy óteý jónindegi tıisti merzimdik tólemderdi kapıtaldandyrý somasyn memleketten óndirip alý jónindegi atqarýshylyq is júrgizýdi júzege asyrý erejesi bekitilsin.
2. Osy buıryqtyń oryndalýyn baqylaý Ádilet mınıstriniń orynbasary B.J. Ábdiraıymǵa júktelsin.
3. Osy buıryq alǵash ret resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr B.IMAShEV.
Qazaqstan Respýblıkasy Ádilet mınıstriniń
2014 jylǵy 24 jeltoqsandaǵy № 371 buıryǵymen bekitilgen
Qyzmetkerlerdiń ómiri men densaýlyǵyna keltirilgen zııan úshin belgilengen tártippen jaýapty dep tanylǵan, taratylatyn zańdy tulǵanyń múlki joq nemese jetkiliksiz bolǵan jaǵdaıda, osy zııandy óteý jónindegi tıisti merzimdik tólemderdi kapıtaldandyrý somasyn memleketten óndirip alý jónindegi atqarýshylyq is júrgizýdi júzege asyrý erejesi
1. Jalpy erejeler
1. Osy Qyzmetkerlerdiń ómiri men densaýlyǵyna keltirilgen zııan úshin belgilengen tártippen jaýapty dep tanylǵan taratylatyn zańdy tulǵanyń múlki joq nemese jetkiliksiz bolǵan jaǵdaıda, osy zııandy óteý jónindegi tıisti merzimdik tólemderdi kapıtaldandyrý somasyn memleketten óndirip alý jónindegi atqarýshylyq is júrgizýdi júzege asyrý erejesi (budan ári - Ereje) «Atqarýshylyq is júrgizý jáne sot oryndaýshylarynyń mártebesi týraly» Qazaqstan Respýblıkasynyń 2010 jylǵy 2 sáýirdegi Zańnyń (budan ári - Atqarýshylyq is júrgizý týraly zań) 6-baby 3-tarmaǵyna sáıkes ázirlendi jáne sot sheshimderiniń ýaqtyly oryndalýyn qamtamasyz etý maqsatynda respýblıkalyq bıýdjettik baǵdarlama sheńberindegi sot sheshimderin oryndalýdyń biryńǵaı tártibin belgileıdi.
2. Bıýdjettik baǵdarlama sheńberinde sot sheshimderiniń oryndalý tártibi
2. Memlekettik organ – bıýdjettik baǵdarlamanyń ákimshisi (budan ári - memlekettik organ) oryndaýǵa qabyldaǵan atqarýshylyq qujat ol boıynsha sot oryndaýshysy atqarýshylyq is júrgizý qozǵamaǵan bolsa, Qazaqstan Respýblıkasy Azamattyq is júrgizý kodeksiniń talaptaryna sáıkes kelmegen jaǵdaıda, ony bergen sotqa ne óndirip alýshyǵa qaıtarylady.
3. Sot oryndaýshysy atqarýshylyq is júrgizý qozǵalǵannan keıin memlekettik organǵa atqarýshylyq qujattyń bar ekendigi týraly habarlaıdy jáne zańnamada belgilengen tártippen ınkassalyq ókim shyǵarý jóninde shara qabyldaıdy.
4. Memlekettik organ sot aktileri boıynsha aqshalaı qarajatty aýmaqtyq ádilet organynyń qolma-qol aqshany baqylaý shotyna sot oryndaýshylarynyń oryndaýyndaǵy atqarýshylyq is júrgizýler boıynsha sot oryndaýshysynyń sot aktilerin oryndaý qajettiligi týraly habarlamasy negizinde ǵana aýdarady.
5. Sot oryndaýshysy sot aktilerin oryndaý úshin memlekettik organǵa mynadaı qujattardy usynady:
1) óndirip alýshynyń jeke basyn kýálandyratyn qujattyń kóshirmesi;
2) óndirip alýshynyń jeke shoty ashylǵan Qazaqstan Respýblıkasynyń ekinshi deńgeıdegi bankiniń anyqtamasy (jaýapty tulǵa qol qoıǵan jáne mórimen bekitilgen)jeke shotynyń nómirin, bank derektemelerin (MFO, JSN, aǵymdaǵy shoty, ataýy, mekenjaıy) kórsetýmen ne óndirip alýshynyń aqshalaı qarajattaryn oǵan poshtamen jiberý týraly ótinishiniń kóshirmesi nemese tólem kartochkasynyń kóshirmesi.
Sot oryndaýshysynda kórsetilgen qujattar bolmaǵan jaǵdaıda memlekettik organ aqshalaı qarajattardy aýmaqtyq ádilet organynyń qolma-qol aqshany baqylaý shotyna aýdarady.
6. Memlekettik organ aýmaqtyq ádilet organynyń qolma-qol aqshany baqylaý shotyna ne óndirip alýshylardyń jeke shottaryna sot aktileri boıynsha aqshalaı qarajattaryn ýaqtyly aýdarylýyn qamtamasyz etedi, bul týraly rastaıtyn qujattardy qosa bere otyryp, aýmaqtyq ádilet organyna ýaqtyly jazbasha túrde habardar etedi.
7. Memlekettik organnyń shotyna atqarýshylyq qujattar boıynsha shyǵarylǵan ınkassalyq ókimderdiń oryndalýy Qazaqstan Respýblıkasy Qarjy mınıstriniń 2014 jylǵy 4 jeltoqsandaǵy № 540 buıryǵymen bekitilgen Bıýdjettiń atqarylýy jáne oǵan kassalyq qyzmet kórsetý erejesimen (normatıvtik quqyqtyq aktilerdi Memlekettik tirkeý tiziliminde 2014 jylǵy 5 jeltoqsandaǵy N 9934 tirkelgen) belgilengen tártippen júrgiziledi.
Buıryq Qazaqstan Respýblıkasynyń Ádilet mınıstrliginde 2015 jylǵy 21 qańtardaǵy Normatıvtik quqyqtyq kesimderdi memlekettik tirkeýdiń tizilimine № 10114 bolyp engizildi.