2014 jylǵy 24 jeltoqsan, Astana qalasy
Kámeletke tolmaǵan balalardy asyrap-baǵýǵa alıment ustalatyn jalaqynyń jáne (nemese) ózge de kiris túrleriniń tizbesin bekitý týraly
«Neke (erli-zaıyptylyq) jáne otbasy týraly» Qazaqstan Respýblıkasynyń 2011 jylǵy 26 jeltoqsandaǵy Kodeksiniń 140-babyna sáıkes buıyramyn:
1. Qosa berilip otyrǵan kámeletke tolmaǵan balalardy asyrap-baǵýǵa alıment ustalatyn jalaqynyń jáne (nemese) ózge de kiris túrleriniń tizbesi bekitilsin.
2. Osy buıryqtyń oryndalýyn baqylaý Ádilet mınıstriniń orynbasary B.J. Ábdiraıymǵa júktelsin.
3. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr B.IMAShEV.
Qazaqstan Respýblıkasy Ádilet mınıstriniń 2014 jylǵy
24 jeltoqsandaǵy №372 buıryǵymen bekitilgen
Kámeletke tolmaǵan balalardy asyrap-baǵýǵa alıment ustalatyn
jalaqynyń jáne (nemese) ózge de kiris túrleriniń
tizbesi
1. Kámeletke tolmaǵan balalardy asyrap-baǵýǵa osy tizbeniń 2-tarmaǵynda kórsetilgen adamdardyń kiristerin qospaǵanda, ata-anasy alatyn aqshalaı (ulttyq jáne (nemese) sheteldik valıýtada) jalaqynyń (aqshalaı syıaqy, úles) jáne ózge de kiristiń barlyq túrlerinen, onyń ishinde:
1) qyzmetkerlerge naqty jumys istegen ýaqyty úshin nemese oryndaǵan jumysy úshin eńbek aqy tóleý júıesinde kózdelgen belgilengen laýazymdyq aılyqaqylarǵa (mólsherlemelerge) baılanysty eseptelgen jalaqydan;
2) eńbekke aqy tóleý júıesinde kózdelgen qosymsha aqylar men ústeme aqylardyń barlyq túrlerinen, sondaı-aq eńbek aqy tóleý qory sheginde únemdelgen qarajat nemese tıisti mekemeni qamtýǵa kózdelgen qarajat esebinen alynatyn ústeme aqylardan;
3) eńbek aqy tóleý júıesinde kózdelgen syılyqaqylardan (aqshalaı syıaqylardan);
4) myna:
«Atqarýshylyq is júrgizý jáne sot oryndaýshylarynyń mártebesi týraly» Qazaqstan Respýblıkasy Zańynyń 98-babynyń 7-tarmaǵymen kózdelgen;
Qazaqstan Respýblıkasy Eńbek kodeksiniń 153, 155, 156, 157-baptarymen kózdelgen tólemderdi qospaǵanda, barlyq ótemaqylardan;
5) demalys ýaqytynda saqtalatyn jalaqydan, sondaı-aq birneshe jylǵy demalystardy qosqan jaǵdaıda ǵana paıdalanylmaǵan demalysqa tólenetin aqshalaı ótemaqydan;
6) komıssııalyq syıaqydan (saqtandyrý agentterine, brokerlerge);
7) azamattyq zańnamaǵa sáıkes jasalatyn jáne bir jolǵy sıpattaǵy emes sharttar boıynsha oryndalǵan jumystar, usynylǵan kórsetilgen qyzmetter úshin alynǵan kiristerden;
8) avtorlyq syıaqy tólemderinen;
9) zeınetaqy tólemderiniń barlyq túrlerinen, «Atqarýshylyq is júrgizý jáne sot oryndaýshylarynyń mártebesi týraly» Qazaqstan Respýblıkasy Zańynyń 98-babymen kózdelgen járdemaqylardy qospaǵanda, memlekettik áleýmettik járdemaqydan, ataýly áleýmettik kómek somalarynan;
10) bilim berý uıymdarynda bilim alýshylarǵa tólenetin stıpendııalardan;
11) zańdy tulǵa qurmaı kásipkerlik qyzmetpen aınalysýdan túsken kiristerden;
12) múlikti jalǵa berýden túsken kiristerden;
13) baǵaly qaǵazdar boıynsha túsken kiristerden jáne zańdy tulǵanyń múlkin basqarýǵa qatysýdan túsken basqa da kiristerden;
14) «Semeı ıadrolyq synaq polıgonyndaǵy ıadrolyq synaqtardyń saldarynan zardap shekken azamattardy áleýmettik qorǵaý týraly» Qazaqstan Respýblıkasy Zańynyń 13-babynyń 1) tarmaqshasymen jáne «Aral óńirindegi ekologııalyq qasiret saldarynan zardap shekken azamattardy áleýmettik qorǵaý týraly» Qazaqstan Respýblıkasy Zańynyń 13-babynyń 1-tarmaǵynyń 2) tarmaqshasymen kózdelgen kiristerden júrgiziledi.
2. Áskerı qyzmetshilerden, quqyq qorǵaý jáne arnaıy memlekettik organdardyń qyzmetkerlerinen alıment ustaý qyzmettik mindetterin oryndaýǵa baılanysty olar alatyn tólemderdiń mynadaı túrlerinen:
1) laýazymdyq jalaqydan, áskerı, arnaıy ataq boıynsha beriletin jalaqydan, arnaıy ataq nemese synyptyq shen úshin qosymsha eńbekaqydan jáne Qazaqstan Respýblıkasynyń zańnamasynda belgilengen qyzmet ótkerýdiń erekshe jaǵdaılary úshin ústeme aqydan;
2) «Semeı ıadrolyq synaq polıgonyndaǵy ıadrolyq synaqtardyń saldarynan zardap shekken azamattardy áleýmettik qorǵaý týraly» Qazaqstan Respýblıkasy Zańynyń 13-babynyń 1) tarmaqshasymen jáne «Aral óńirindegi ekologııalyq qasiret saldarynan zardap shekken azamattardy áleýmettik qorǵaý týraly» Qazaqstan Respýblıkasy Zańynyń 13-baby 1-tarmaǵynyń 2) tarmaqshasymen kózdelgen;
3) eńbekaqy tóleý júıesinde kózdelgen turaqty ári birjolǵy sıpattaǵy jáne tıisti organdy qamtýǵa kózdelgen qarajatty únemdeý esebinen alynatyn syıaqylardan (aqshalaı syıaqylardan);
4) tıisti organdy ustaýǵa kózdelgen qarajatty únemdeý esebinen alynatyn ústeme aqylar men qosymsha aqylar somasynan;
5) myna:
mertikken jaǵdaıda tólenetin bir jolǵy ótemaqyny;
zııandy nemese qysyltaıań jaǵdaılardaǵy jumys úshin ótemaqy tólemderin;
tabıǵı jáne tehnogendik sıpattaǵy tótenshe jaǵdaılar saldaryn joıý kezinde ekologııalyq áserden zardap shekkenderge tólenetin aqshalaı somany;
turǵyn úıdi jaldaǵany (jalǵa alý) úshin maqsatty ótemaqyny;
jekeshelendirýge jatpaıtyn, onyń ishinde jabyq jáne oqshaýlanǵan áskerı qalashyqtarda, shekara zastavalary men komendatýralarda ornalasýy saldarynan qyzmettik turǵyn úıdi óteýsiz jekeshelendirý quqyǵynyń ornyna alýshyǵa tólenetin aqshalaı ótemaqylaryn;
kepildik berilgen tegin medısınalyq kómektiń kólemi sheginde emdelýge jumsalǵan shyǵyndardy óteýge tólenetin aqshalaı somany;
qyzmeti boıynsha aýysqan, áskerı qyzmetten shyǵarylǵan kezde, stasıonarlyq emdelýge barǵan jáne keri qaıtqan kezde Qazaqstan Respýblıkasynyń aýmaǵy boıynsha kólikpen jol júrýge, sondaı-aq qyzmeti boıynsha aýysqan jáne áskerı qyzmetten shyǵarylǵan kezde on tonnaǵa deıin jeke múlikti tasymaldaýǵa jumsalǵan shyǵyndardy óteýge tólenetin aqshalaı somany;
poshta jóneltilimderine arnalǵan shyǵyndardy óteýge tólenetin aqshalaı somany;
oqýǵa jumsalǵan shyǵyndardy óteýge tólenetin aqshalaı somany;
bir eldi mekennen basqasyna qonys aýdarýǵa baılanysty qyzmet babymen aýysqan kezdegi kóterme járdemaqyny;
issaparǵa jiberilgen qyzmetkerlerge beriletin ótemaqy tólemderin;
kommýnaldyq kórsetiletin qyzmetterge jumsalatyn shyǵystardy tóleý úshin tólenetin aqshalaı ótemaqylardy;
áskerı qyzmetshilerdiń kórsetiletin qyzmetterge, quqyq qorǵaý jáne arnaıy memlekettik organdar qyzmetkerleriniń qyzmettik mindetterin oryndaýymen baılanysty keltirilgen shyǵyndaryn óteýmen baılanysty ótemaqy tólemderin;
6) áskerı-oqý, arnaıy oqý oryndary kýrsanttarynyń (tyńdaýshylarynyń) laýazymdyq jalaqylaryn (stıpendııalaryn) qospaǵanda, barlyq ótemaqy túrlerinen júrgiziledi.
Buıryq Qazaqstan Respýblıkasynyń Ádilet mınıstrliginde 2015 jylǵy 21 qańtardaǵy Normatıvtik quqyqtyq kesimderdi memlekettik tirkeýdiń tizilimine № 10113 bolyp engizildi.