Túıe kerýeni babalar izimen júrip ótedi

«Ulytaý» ulttyq ta­rı­hı-má­denı jáne tabıǵı qoryq­­mura­jaıynyń dırektory Baqtııar Qojahmetov qýa­na ha­bar­laǵan­daı, budan 16 jyl buryn uıymdas­tyrylǵan «Al­­­taı-Dýnaı» halyq­aralyq ar­heoetnologııalyq ekspe­dı­sııa osymen 5-shi ret saparǵa shy­ǵýǵa daıyndyq ústinde eken bul kúnde. Uly Dala kósh­pen­di­leriniń ejelgi senimdi minis kó­ligi – túıelermen jú­rip ótý ar­­qy­ly Baıkaldan Bal­kanǵa deıin­­gi Eýrazııalyq keńistiktiń baıyr­ǵy tarıhı baılanystary men búgingi qalyptasqan qa­rym-qatynasty jolaı óńirler jurt­­­shylyǵyna tanystyrýǵa, ta­nymdyq úr­dis­terdi keńeıtýge ar­nalyp, bel­­gili zertteýshilerden, bilikti saıa­­hatshylardan, qoǵam­dyq uı­ym­dar ókilderinen quralǵan tú­ıe kerýeni óz saparyn Alt­aı­­­­­­­­dan bastap, Majarstan je­ri­­ne tiremek kórinedi. Qazaq han­­dyǵynyń 550 jyldyǵyna oraı Qazaqstan men Vengrııa úki­­metteri qoldaýymen qaıta jal­ǵasyn tapqan ekspedısııa maq­saty erteden aralas-quralas qonystas elder arasyndaǵy tarıhı yqpaldastyqqa nazar aýdartyp, tamyryn tereńge tartý bolyp tabylady.

Elder tarıhy ortaqtyǵyn dárip­teýge, halyqtar arasyn­daǵy yn­tymaqtastyq ymyraǵa dáneker bolýdy murat etken «Altaı-Dýnaı» ekspedı­sııasy saparlary aldaǵy ýaqyttarda budan da alys jerlerge ulaspaq.

Aıqyn NESIPBAI, «Egemen Qazaqstan».

QARAǴANDY.