Bekzat bolmysty tulǵa

Atyraýda jurtshylyq ókilderi kórnekti memleket jáne qoǵam qaıratkeri Nurlan Balǵymbaevty sońǵy saparǵa shyǵaryp saldy Keshe Qazaqstan jurtshylyǵy kórnekti memleket jáne qoǵam qaıratkeri Nurlan Balǵymbaevty sońǵy saparǵa shyǵaryp saldy. Qaıratkermen qoshtasý rásimi Atyraýdaǵy D.Nurpeıisova atyndaǵy mádenıet úıinde ótti. Qaraly mıtıngide Premer-Mınıstr Kárim Másimov Elbasynyń kóńil aıtý jedelhatyn oqyp berdi. Marqumnyń otbasyna Úkimettiń atynan kóńil aıtty. Qaraly mıtıngige Úkimet músheleri, Senat pen Májilis depýtattary, iri kompanııalar basshylary men bıznestiń ókilderi qatysty. Nurlan Balǵymbaev keń tanymal tulǵa edi. Árıne, áýeli el ishine Balǵymbaı qarııadan taraǵan Qoıshyǵara men О́tep, О́táli men Saltanat, Maqash munaı­shy­lyǵymen tanyldy. Ákesi О́tep pen onyń baýyrlarynyń Otanǵa adal qyzmet etý úlgisinen tálim alǵan Nur­lan da áýlettiń munaıshylyq kási­bin jalǵastyrýdy qalady. Joǵa­ry bilim aldy, qarapaıym mo­to­rıstiń kómekshisi bolyp eń­bek jolyn bastady. Munaıly óńir­­lerdiń «qara altynyn» el ıgi­li­gine jaratý úshin aıanbaı eńbek etti. Munaıshylyqty qalasa da dana Abaıdyń «Talap, eńbek, tereń oı» qaǵıdatyn temirqazyqtaı us­tan­ǵanyn onymen jumystas, áriptes bolǵandar aıtady. Qandaı jaýap­ty jumystardy atqarsa da talap­shyl bolýdan, adaldyqty ardaq tutýdan aınymapty. Minez­di edi, aıtqan ýádesinen taımaýshy edi, deıdi Nurlan О́tepulyn jaqsy biletinder. Onyń KSRO Munaı jáne gaz ónerkásibi mı­nıstr­liginiń munaı óńdeý jónindegi bas basqarmasyna jumysqa shaqy­rylýyna zerektigi men bilim­di­ligi, týra joldan taımaıtyn talap­shyldyǵy sebep bolǵany daýsyz. Nurlan О́tepulynyń esimi bu­rynǵy Odaq quramyndaǵy elder­ge ǵana emes, Qazaqstanmen isker­lik, ekonomıkalyq baılanys ornatqan elderdiń barshasy­na keńinen tanys. О́ıtkeni, táýelsiz Qazaqstannyń munaı-gaz ónerkásibin órkendetýdiń bastaýynda turdy. Táýelsizdiktiń eleń-alańynda Munaı jáne gaz mınıstrligin, keıin osy saladaǵy ulttyq kompanııany basqaryp, el ekonomıkasynyń jetekshi býynyna aınalǵan salany qarqyndy órkendetýge ólsheýsiz eńbegin sińirdi. Bir ǵasyrdan astam munaı men gaz óndirilgen Atyraýdaǵy munaıshylardyń áleýmettik tur­mysyn ońaltýdy kózdep, ekolo­gııalyq ahýaly nasharlaǵan eldi mekenderdi jańa qonysqa kóshirýde de kósheli is atqardy. Táýelsizdiktiń alǵashqy kún­derinen Elbasy Nursultan Nazarbaevtyń otandyq ekonomı­kany órkendetý saıasatyn qoldap, senimdi serigine aınaldy. Onyń naryqtyq ekonomıkany basqara biletin menedjerligi, uıym­das­tyrýshylyq qabileti Pre­mer-Mınıstr laýa­zymynda jar­qyraı kórindi. Elbasy kórnek­ti memleket jáne qoǵam qaırat­keri N.Balǵymbaevtyń týǵan-týys­taryna, jaqyndaryna joldaǵan kóńil aıtý jedelhatynda «О́z Otany men halqyn qaltqysyz súıgen N.Balǵymbaevtyń bol­mysy­na qarapaıymdyq pen zııaly­lyq, naǵyz bekzattyq tán edi. Hal­qy­myz onyń esimi men eńbegin umyt­paı, árdaıym qaster tutatyn bola­dy», dep kórnekti tulǵanyń adam­gershilik qasıetterin oryndy atap ótti. Qaraly mıtıngide Nurlan Bal­ǵym­baevtyń qarapaıym munaı­shydan kórnekti memleket jáne qo­ǵam qaıratkerine deıingi ómir jo­lyndaǵy adamgershilik qasıetteri, Otany men halqyna degen patrıot­tyq sezimi keńinen aıtyldy. Kór­nekti tulǵa Atyraýdaǵy zıratqa jerlendi. Joldasbek ShО́PEǴUL, «Egemen Qazaqstan». ATYRAÝ.