Aýqymdy shara aıasyndaǵy júzdesýler

Keshe Parlament Senatynyń Tóraǵasy Qasym-Jomart Toqaev Búkilqytaılyq Halyqtyq-saıası konsýltatıvtik keńesi tóraǵasynyń orynbasary Van Chjenveı bastaǵan Qytaı delegasııasyn qabyldady, dep habarlady Senattyń baspasóz qyzmeti.

Senat basshysy yntymaq­tas­tyqtyń qarqyndy damýyn atap ótip, eki Memleket basshylarynyń arqa­synda tatý kórshilik sıpatyndaǵy qaty­nastardyń qalyptasqanyna toqtal­dy. «QHR Tóraǵasy bolyp Sı Szın­pın saılanǵan kezden beri bizdiń kóshbasshylar ekijaqty saparlar aıasynda jáne túrli halyqaralyq fo­rýmdarda 10 kezdesý ótkizdi. Biz Qy­taımen ózara is-qımyldyń áleýetin joǵary baǵalaımyz jáne yntymaq­tastyqtyń barlyq salalaryn da­mytýǵa nıettimiz», – dedi Q.Toqaev. Van Chjenveı Senat Tóraǵasyna Qy­taıdyń qazirgi kezdegi damýy, zań shyǵarý qyzmeti týraly egjeı-tegjeıli áńgimeledi jáne Qazaqstannyń áleýmettik-ekono­mı­kalyq damýyn joǵary baǵalady, ultaralyq kelisimdi qamtamasyz etýde Qazaqstan halqy Assambleıasynyń rólin erekshe atap ótti. Júzdesýshiler qazirgi kez­de Qazaqstan-Qytaı yntymaq­tas­ty­ǵynyń jańa kezeńi bastalǵany týraly ortaq pikirge toqtaldy. Uzaq merzimdi ózara is-qımyldyń jalpy keleshegi Qazaqstan Prezıdenti Nursultan Nazarbaev jarııa etken «Nurly Jol» Jańa Ekonomıkalyq Saıasaty men QHR Tóraǵasy Sı Szınpınniń «Bir beldeý – bir jol» tujyrymdamasynda kórinis tapqan. «Eger de biz bul strategııany iske asyra alsaq, bizdiń elderimizdiń ekonomıkasyn damytýda jańa múmkindikterge ıe bolamyz», – dedi Van Chjenveı. Osyǵan baılanysty Senat basshysy qarjy yntymaqtastyǵyn yntalandyrýǵa arnalǵan jáne aımaqtaǵy ınfra­qurylymdyq basym jobalardy iske asyrýǵa járdemdesetin Azııa ınfra­qurylymdyq ınvestısııa bankiniń ýaqytynda qurylyp otyrǵanyn atap ótti. Q.Toqaev Qazaqstannyń damýdyń jańa satysyna shyǵýyna jáne álemniń eń damyǵan memleketteriniń qataryna enýine múmkindik beretin «Nurly Jol» jańa ekonomıkalyq baǵytyna, bes ınstıtýttyq reformaǵa jáne jańǵyrtý jónindegi 100 qadam – Ult josparyna júzdesýshiniń nazaryn aýdardy. * * * Avstrııa Ulttyq keńesiniń Ekin­shi prezıdenti K.Kopf Senat Tóraǵasymen Astana ekonomıkalyq forýmynyń nátıjeleri týraly áserlerimen bólisti. Ol forýmnyń qazirgi kezdegi «Infraqurylym: ekonomıkanyń ornyqty damýynyń draıveri» taqyrybynyń ózektiligin atap ótti jáne AEF-tyń áleýetin joǵary baǵalady. K.Kopf Ortalyq Azııa aıma­ǵyn­daǵy Qazaqstannyń jetekshiligin atap ótip, Prezıdent N.Nazarbaevtyń «Bes ınstıtýttyq reformany iske asyrý­dyń 100 naqty qadamy» baǵdarla­masyna yqylas bildirdi. «Baǵdarla­manyń maqsaty bıik jáne Qazaqstan ony tabysty iske asyra alady», – dedi Avstrııa Ulttyq keńesiniń Ekinshi prezıdenti. Senat Tóraǵasy Memleket basshy­synyń Qazaqstannyń ınvestısııalyq tar­tymdylyǵyn arttyrý, atap aıtqanda, Astanada halyqaralyq qarjy ortalyǵyn qurý týraly mańyz­dy bastamalary, sondaı-aq, Prezı­denttiń ashyq jáne halyqqa esep bere­tin memleket qurý strategııasy týraly júzdesýshige jan-jaqty áńgimelep berdi.