Telearna ujymy ózderi otyrǵyzǵan shyrsha aǵashynyń túbine quty-kapsýlaǵa salyp amanat hat jazdy. Búgingi aǵa býyn ókilderiniń hatyn endi 50 jyldan soń «Qazaqstan-Pavlodar» telearnasy aqparattyq arnasynyń tilshileri alyp oqıtyn bolady.
Bıyl «Qazaqstan-Pavlodar» telearnasy 50 jyldyǵyn atap ótedi.Osy oraıda oblystyń basty arnasy merekelik jylǵa arnalǵan «50 ıgi is» jobasyn bastap ta ketti. Naýryz merekesinde telearna aýlasyna kıiz úıler tigilip, dastarqan basyna kópbalaly jáne turmysy tómen otbasylary shaqyryldy. Joba barysynda Jeńistiń 70 jyldyǵyna oraı jerles jaýyngerler jaıly kóp serııaly beıne-kitap jaryqqa shyqty. О́tken senbilik kúni «50 ıgi is» aıasynda telearna ujymy 85 túp aǵash otyrǵyzdy. Aǵashtardyń arasynda óte sırek kezdesetin Sibirdiń kók shyrshasy, qaraǵaı, qaıyń sııaqty baǵaly kóshetter bar. Alleıa ashylyp, belgitas ornatyldy. Jergilikti telearna dırektory Baýyrjan Aıtqazınniń aıtýynsha, aldaǵy ýaqytta kógerip, kóbeıetin bul alleıa qala turǵyndary men qonaqtarynyń demalatyn ornyna aınalady.
– Jýrnalıster ekken jas qaıyńdar, kishkene shyrshalar jyldar ótken soń jaıqalyp ósip, úlken alleıaǵa aınalatynyna senemiz. Biz qalamyzdy kóriktendirýge úles qostyq dep bilemiz, – dedi Baýyrjan Aıtqazın. Aldaǵy ýaqytta «50 ıgi is» atty jobasynyń sheńberinde soǵys ardagerlerine, áleýmettik az qamtamasyz etilgen otbasylarǵa qolushyn berip, qoldaý kórsetiledi. Sondaı-aq, ómir men ólimniń arasynda jatqan naýqastarǵa donor bolý uıymdastyrylmaq.
Farıda BYQAI, «Egemen Qazaqstan».
PAVLODAR.