QARAǴANDY. 19 qazan. Qaraǵandyda «Qaraǵandy Arýy-2015» baıqaýynda baq synaıtyn sulýlar irikteldi. Bul týraly egemen. kz tilshisi habarlady.
«Qaraǵandy Arýy-2015» konkýrsy ústimizdegi jyldyń 10 jeltoqsanynda ótýi josparlanǵan «Qazaqstan Arýy-2015» baıqaýynyń irikteý týry bolyp sanalady.
Qazylar alqasynyń jumysyna qatysý úshin kenshiler astanasyna «Qazaqstan Arýy-2015» Ultyq sulýlyq konkýrsy» qoǵamdyq qorynyń áleýmettik baǵdarlamalar jónindegi dırektory Sovet Seıitov pen elimizdiń belgili kınoakteri, prodıýsser jáne rejısser Maksım Aqbarov keldi.
Irikteý synyna qatysqan 100 úmitkerdiń ishinen 20 arýdyń joly bolyp, Arqa sulýlarynyń baıqaýyna joldama aldy.
Eske salar bolsaq, ótken jylǵy baıqaýda Qaraǵandynyń arýy ataǵyn 22 jastaǵy Aısel Faızýllına jeńip alǵan bolatyn.
Qaırat Ábildınov.
Derek, sýret: egemen. kz.