Serbııamen seriktestikte serpin bar

Serbııa Respýblıkasynyń Prezıdenti Tomıslav Nıkolıchtiń elimizge resmı saparyna oraı keshe Astanada eki eldiń bıznes ókilderi bas qosqan bıznes-forým bolyp ótti. Oǵan Serbııa Prezıdentimen qatar Qazaqstan Premer-Mınıstri Kárim Másimov qatysty.   Forýmda sóılegen sózinde Úkimet basshysy Kárim Másimov Qazaqstan men Serbııa arasynda yntymaqtastyqtyń áleýeti zor ekendigin atap ótti. «Biz Serbııa tarıhy baı jáne tez damıtyn ekonomıkasy bar mem­leket ekenin bilemiz. Onyń geo­gra­­fııa­lyq jaǵdaıy, tarıhy men dás­túri, Serbııa qaırat­­­ker­le­riniń biri Áýlıe Savva Serb­­skıı aıtqandaı, «batysta shyǵys bolýǵa, shyǵysta batys bolýǵa» múmkindik berdi. Bizdiń memleketterimiz arasyndaǵy ynty­maqtas­tyq áleýeti óte úlken. Jan-jaqty yntymaqtastyqty damytý úshin kóptegen múmkindikter men baǵyttar bar. Qazaqstan Ser­bııa­nyń óńirdegi negizgi jáne kele­shegi zor saýda jáne ınves­tısııa­lyq serik­testeriniń biri bola alady. 2015 jyl bizdiń ózara qarym-qaty­nasy­myz úshin aıryq­sha mańyzdy kezeń. Qazaq­­stan dıplomatııalyq ókil­digin Bel­gradta ashyp, Serbııa aza­mat­tary úshin vızasyz rejim engizdi. Qazaqstan DSU múshesi retin­­de bıznes úshin qolaıly ortany qoldaý men damytý turǵy­syn­da barlyq kúsh-jigerin salýda», dedi Premer-Mınıstr. Sony­men qatar, K.Másimov elimiz Ekono­mı­kalyq yntymaqtastyq jáne damý uıymymen tabysty ynty­maq­­tasyp otyrǵandyǵyn, bul óz keze­­ginde halyqaralyq standarttar men úzdik álemdik tájirıbeni engi­­zýge múmkindik beretindigin aıtty. «Qazaqstannyń maqsaty – otyz eń damyǵan álem elderiniń qata­ryna kirý. Bul óz kezeginde bizdiń ındıkatorlar men ınves­tısııalyq tartymdylyqty jaq­sartyp, jetildirý úshin barlyq qajetti jumystardy atqara­tyndyǵymyzdy bildiredi», dedi Úkimet basshysy. Premer-Mınıstr serbııalyq bıznesti kásipkerler úshin arnaıy jasalǵan barsha sharalar men jeńildikterdi paıdalanýǵa shaqyrdy. Bul turǵyda ınfra­qu­rylymdy, metallýrgııa, munaı-gaz jáne hımııa keshenin, qurylys materıaldary óndirisin aıtýǵa bolady. Agroónerkásiptik keshendi damytý, sondaı-aq, bilim men adamı kapı­taldy damytý eki eldiń yntymaq­tas­tyǵyn údetý úshin laıyq­ty baza bola alatyndyǵyn tilge tıek etti. K.Másimov Astanadaǵy ­EKS­PO-2017 kórmesi qarsańynda jańǵyrmaly energııa kózderin, ınnovasııalyq bilimdi damytý baǵytynda aýqymdy jumystar júrip jatqandyǵyn aıta kele, osy baǵytta jańa tehnologııalar men bilim, tájirıbe almasý serik­tes­­­ter­diń ózara is-qımylynyń nátı­­je­sinde júzege asatyndyǵyn jetkizdi. «Biz Serbııamen uzaq merzimdi jáne jemisti yntymaqtastyqty kózdep otyrmyz jáne bul baılanystar álemdik ekonomıkadaǵy barlyq syn-qaterlerge tótep bere alady degen oıdamyz», dedi ol. О́z kezeginde Serbııa Prezıdenti Tomıslav Nıkolıch Qazaqstan Premer-Mınıstriniń sózine qoldaý bildirdi. «Sizderdiń maǵan Qazaqstan­nyń bıznes-qaýymdastyǵymen kezdesý múmkindigin usynyp otyr­ǵandaryńyzǵa alǵys bildiremin. Bizdiń elderimiz búginde tyǵyz saıası qarym-qatynas ornatyp otyr. Serbııa men Qazaqstannyń mańyzdy segmentteri bir-birin tolyqtyrady. Bir-birimizden úıre­netinimiz kóp. Búgin sizder otyzdan asa serbııalyq kompanııamen tanysý múmkindigine ıe bol­dyńyzdar», deı kele, T.Nıkolıch qurylys salasyndaǵy serbııalyq kompanııalardyń kópshiligi Qazaqstanda burynnan jumys istep kele jatqanyn aıtty. Sondaı-aq, ol Serbııa aýyl sharýashylyǵy salasynda da biraz tájirıbesimen bólise alatynyn alǵa tartty. Serbııa astyq óńdeýdiń zamanaýı tehnologııasy men joǵary sanatty materıaldar usyna alady, dedi ol. Bul Qazaqstanda astyqty eki ese kóbeıtýge múmkindik bermek. «Serbııa ekonomıkany tu­raq­tandyrý úshin barlyq jaǵ­daıdy jasady. Serbııaǵa keli­ńizder. Bizdiń dostyǵymyz ben meniń sózim Serbııadaǵy senimdi bız­nes­tiń kepili bolady. Biz siz­der­­diń ınves­­tısııalaryńyz tıimdi ár ta­bysty bolýy úshin barly­ǵyn jasaımyz», dedi T.Nı­kolıch. Shyn­dyǵynda, Serbııa Res­pýblıkasy qurylys, qurylys mate­rıaldary ındýstrııasy, energetıka, taý-ken isi salasynda Qazaq­­stan­men yntymaqtastyq orna­týǵa qyzy­ǵýshylyq tanytyp otyr. Qazaqstan-Serbııa bıznes-forýmy aıasynda «KAZNEX INVEST» AQ pen Serbııanyń Saý­da-óner­kásip palatasy arasyn­daǵy ózara túsinistik týraly memo­randýmǵa jáne «KAZNEX INVEST» AQ pen «Energo­tehnika-Juzna Backa d.o.o» arasyn­da­ǵy ózara túsinistik týraly memo­randýmǵa qol qoıyldy. Dınara BITIKOVA, «Egemen Qazaqstan».