Táýelsizdik saraıynda ótken Qazaqstan Konstıtýsııasynyń 20 jyldyǵyna arnalǵan «Konstıtýsııa: birlik, turaqtylyq, órkendeý» taqyrybyndaǵy halyqaralyq ǵylymı-tájirıbelik konferensııa qorytyndylanǵan soń, oǵan qatysýshy memleket, qoǵam qaıratkerleri men ǵalymdar, sheteldik qonaqtar Beıbitshilik jáne kelisim saraıyna bet aldy.
Munda Mádenıet jáne sport mınıstrligi uıymdastyrǵan konsert óz tyńdaýshylary men kórermenderin kútip turǵan edi. Ony Elbasy Nursultan Nazarbaev Serbııa Respýblıkasynyń Prezıdenti Tomıslav Nıkolıchpen birge tamashalady.
Kesh Konstıtýsııaǵa arnalǵan arnaıy beınerolıkpen ashyldy. Odan ári «Máńgilik El» dep atalatyn poetıkalyq kompozısııa oryndalyp, mádenı shara jalǵasy «Slavıanskıı bazar-2015» XXIV halyqaralyq estrada ánderin oryndaýshylar konkýrsynyń Gran-prı ıegeri Dımash Qudaıbergenovtiń «Daıdıdaý» ánimen tolyqty. Sondaı-aq, konsertte «Astana balet» Memlekettik bı teatrynyń bıshileri men ánshiler Medet Chotabaev, Ardaq Balajanova, Evgenıı Chaınıkov jaqsy óner kórsetti.
Elmıra MÁTIBAEVA,
«Egemen Qazaqstan».