Syrtqy ister mınıstri Erlan Ydyrysov Astana ekonomıkalyq forýmy aıasynda ótken búkilálemdik azyq-túlik qaýipsizdigin nyǵaıtý jónindegi paneldik sessııaǵa qatysý úshin saparmen kelgen BUU Azyq-túlik jáne aýylsharýashylyq uıymynyń (FAO) bas dırektory Joze Grasıano da Sılvamen kezdesti.
Kezdesýde Qazaqstan men FAO arasyndaǵy ózara yqpaldastyqtyń qazirgi jaǵdaıy men bolashaǵy talqylandy.
E. Ydyrysov Qazaqstanda baılanys jónindegi FAO Ofısin ashý týraly kelisimge qol qoıylýyn qoldap, uıym ókildiginiń burynǵy Semeı synaq polıgony men Aral teńizi aýmaǵyndaǵy jerlerdi rekýltıvasııalaý máselesine belsendi nazar aýdarady dep senimin bildirdi.
Sonymen qatar, mınıstr Qazaqstan Úkimeti FAO Búkilálemdik azyq-túlik qaýipsizdigi jónindegi komıtetine turaqty múshe retinde kirý týraly sheshim qabyldaǵanyn habarlady. Bul bizdiń elimizge azyq-túlik qaýipsizdigi salasyna qatysty saıasatta tıisti sharalardy qarastyrý men qabyldaýda qatysýǵa múmkindik beretin bolady.
Syrtqy saıasat vedomstvosynyń basshysy FAO-ny Astanada ótetin EKSPO-2017 halyqaralyq mamandandyrylǵan kórmesine qatysýǵa shaqyryp, kórmeniń «Bolashaq energııasy» urany uıymnyń ǵalamnyń ekologııalyq qaýipsizdigin saqtaý men nyǵaıtý jónindegi murattarymen úılesetinin atap ótti.
«Egemen-aqparat».