ATYRAÝ. 19 qazan. Atyraý oblystyq perzenthanasynda jas ana Samal Jákıeva ómirge úshemdi ákeldi. Bul týraly egemen.kz tilshisi habarlady.
Buǵan deıin 4 jasar ulyn tárbıelep otyrǵan baqytty ana Maqat aýdanynyń turǵyny eken. Eri Salamatpen birge úlken ulyna Qýandyq degen esim beripti. Endi olar jaryq dúnıe esigin ashqan úsh sábıge Muhammad, Arıf jáne Álı esimin qalap otyr. «О́mirge kelgen balalaryma dárigerlik kómegin aıamaǵan dárigerler Túrlen Begeeva men Aıgúl Súndetovaǵa erekshe alǵysymdy bildiremin. Úshemniń ómirge kelýi Allanyń úlken syıy dep qabyldap otyrmyz», – deıdi 25 jastaǵy baqytty ana Samal Jákıeva.
Perzenthana dárigerleri jas anaǵa júktiliktiń 33 aptasynda ota jasady. Sóıtip, aq halattylar úsh birdeı sábıdiń aman-esen jaryq dúnıege kelýin qamtamasyz etti. Qazir úshemdi baýyryna alǵan jas ana Samal Jákıeva otbasyna oraldy.
Joldasbek Shópeǵul,
Derek: egemen.kz.
Sýret: erketai.kz.