Taldyqorǵanda Elbasynyń «Aqyl-parasat» kitabynyń tusaýkeser rásimi bolyp ótti. Áýelgi kezekte, «Álem tanyǵan egemen eldiń Elbasy» atty slaıd-shoý men Memleket basshysy týraly kınofılm kórsetildi. Jazýshy Rollan Seısenbaevtyń jetekshiligimen qurastyrylǵan bul kitapqa Qazaqstan Respýblıkasynyń Prezıdenti Nursultan Nazarbaevtyń osyǵan deıin merzimdik basylymdarda jarııalanǵan oı-tolǵaýlary, maqalalary engizilgen.
Jetisýdyń kindik qalasy – Taldyqorǵanda zııaly qaýym ókilderiniń basyn qosqan ıgi sharada kitap jan-jaqty saraptalyp, oń pikirler aıtyldy. Negizi, bul týyndyny jaryqqa shyǵarǵan AMANAT» kitaphanasynyń redaksııalyq keńesine tek qazaqstandyq qana emes, Japonııa, Anglııa, Ýkraına, Tatarstan, Fransııa, Fınlıandııa elderiniń qalam ustaǵan azamattary engizilgen.
«Astana kúni merekesiniń qarsańynda Elbasynyń «Aqyl-parasat» atty kitaby Almaty oblysynyń ákimi Amandyq Batalovtyń qoldaýymen «Jetisý kitaphanasy» aıdary aıasynda jaryqqa shyǵyp, oqyrmandaryna usynyldy. Memleketimiz táýelsizdigin alǵan kúnnen bastap, Elbasynyń Qazaqstan Respýblıkasy aýmaǵynda ǵana emes, halyqaralyq minbelerde aıtqan keleli pikirleri men tushymdy oılary osy kitapta jarııalandy. Kitaptaǵy til, din, mádenıet, ultaralyq tatýlyq jáne kúndelikti ómirde týyndaıtyn máseleler óskeleń urpaq qajettiligin óteıdi dep senim artamyn», – dedi Almaty oblysy ákiminiń orynbasary Baqtııar О́nerbaev.
Nurbol ÁLDIBAEV,
«Egemen Qazaqstan».
Almaty oblysy.