ASTANA. 18 qazan. Búgin Shveısarııanyń Non qalasyndaǵy ÝEFA-nyń shtab-páterinde fýtboldan 2016 jylǵy Eýropa chempıonatyna irikteý týrnıri pleı-off básekesiniń jerebesi tartyldy. Bul týraly egemen.kz habarlady.
Atalǵan sharaǵa irikteý týrnırinde óz tobynda úshinshi oryn alǵan 8 qurama qatysty. Sonymen qurlyq birinshiligine beriler qalǵan tórt joldamany myna juptar sarapqa salady:
Ýkraına – Slovenııa
Shvesııa – Danııa
Bosnııa jáne Gersegovına – Irlandııa
Norvegııa – Vengrııa.
Bul komandalar arasyndaǵy alǵashqy oıyn 12-14 qarashada oınalsa, qarymta kezdesý 15-17 qarashaǵa josparlanǵan. Eki match qorytyndysy boıynsha jeńiske jetken quramalar kelesi jyly Fransııada ótetin dop dodasyna joldama alady.
Atalǵan Eýropa chempıonaty 2016 jyldyń 10 maýsymy men 10 shildesi aralyǵynda Fransııanyń on qalasynda ótedi. Fınaldyq kezeńniń jerebesi 12 jeltoqsanda Parıjde tartylady. Qatysýshy 24 qurama tórt-tórtten alty topqa bólinedi. Ár toptan úzdik eki komanda pleı-off básekesine joldama alady. Sondaı-aq, úshinshi oryn alǵan quramalardyń ishinen joǵary kórsetkishke ıe tórt komanda da jarysty jalǵastyrady.
Elaman Qońyr.
Derek: egemen.kz.
Sýret: smotrisport.tv.