Eýrazııalyq Toptyń quramyna kiretin «Qazhrom» TUK» AQ fılıaly – Aqtóbe ferroqorytpa zaýyty ardagerler keńesiniń uıytqy bolýymen, zaýyt ákimshiliginiń qoldaýymen 700 eńbek ardageri ózderiniń qalaýlary boıynsha súıikti respýblıkalyq, oblystyq basylymdarǵa 2016 jylǵa tegin jazylýda. Bul maqsatqa zaýyt ákimshiliginen 2340 myń teńge kóleminde qarajat bólindi.
Qarttaryn asyl qazynasyndaı syılaıtyn bul kásiporyn jyl saıyn óz ardagerlerine tegin basylymǵa jazylýdy dástúrge aınaldyryp keledi. Bul ıgi is-shara bıyl da óz jalǵasyn tapty. Aldaǵy jyly zeınetkerler ózderiniń qalaýymen respýblıkalyq «Egemen Qazaqstan», «Kazahstanskaıa pravda» gazetterimen qaıta qaýysha alady.
Bul qazirgideı qarjylyq daǵdarys etekten tartqan kezde eńbek ardagerleri úshin úlken kómek. Eń bastysy, muny gazet oqýǵa daǵdylanǵan aǵa urpaq ókilderiniń óz úıi, óleń tóseginde otyryp, álemde, elde jáne óńirde bolyp jatqan jańalyqtarmen, oqıǵalarmen tanysýyna týǵyzylǵan taǵylymdyq is deý oryndy. Bul qarjy joq dep qarttaryna da qaraspaı, qaperden shyǵaryp alatyn ózge kásiporyndarǵa úlgi bolatyn-aq úrdis.
Satybaldy SÁÝIRBAI,
«Egemen Qazaqstan».
Aqtóbe oblysy.