KО́KShETAÝ. 1 qyrkúıek. «Kókshetaý» mádenıet saraıynda Qazaqstan Respýblıkasy Konstıtýsııasynyń 20 jyldyǵyna arnalǵan saltanatty jınalys ótti. Bul týraly egemen.kz tilshisi habarlady.
Merekelik sharada Aqmola oblysynyń ákimi Sergeı Kýlagın Qazaqstan Respýblıkasynyń Prezıdenti Nursultan Nazarbaevtyń Jarlyǵymen marapattalǵan oblystyń birqatar azamattaryna «Qazaqstan Konstıtýsııasyna 20 jyl» mereıtoılyq medalin jáne oblys ákiminiń alǵys hattaryn tabys etti.
Eske sala keteıik, munyń aldynda oblys ákimdiginde aýdandar men qala ákimderine, oblystyq basqarma basshylaryna, ıaǵnı 50 adamǵa «Qazaqstan Konstıtýsııasyna 20 jyl» osyndaı medaldar tabystaǵan bolatyn. Jalpy, óńirde 260 aqmolalyq medaldarmen marapattalyp otyr.
Saltanatty jınalysta sóılegen sózinde oblys ákimi S. Kýlagın búginde búkil álemniń nazary men tańdanysyna bólengen bizdiń elimizdiń bıik jetistikteri Ata zańymyzdyń abyroıly sharapatynda ekendigin atap kórsetti.
Jańa oqý jylynda óńir mektepteriniń esigin 109 myń oqýshy ashady,-dedi ol. 2010 jyldan beri ındýstrıaldyq-ınnovasııalyq damý baǵdarlamasynyń sheńberinde, 50 jańa ındýstrıaldyq nysan ashyldy, olarda búginde 5,5 myńnan astam adam eńbek etýde. Oblysta «Qoljetimdi baspana» baǵdarlamasy sátti júzege asyrylýda, onyń aıasynda jýyq bolashaqta 700 myń sharshy metr turǵyn úı paıdalanýǵa berilmekshi. Konstıtýsııanyń mereıtoıy qol jetkizgen jetistikterimizdi baǵalap qana qoımaı, alǵa qoıylatyn jańa maqsattardy aıqyndaýymyzǵa, oǵan qol jetkizýge bar kúsh-jigerimizdi jumsaýǵa jeteleıdi.
Sondaı-aq, osy kúni Konstıtýsııanyń qurdastary men «Qazaqstannyń úzdik taýary» baıqaýynyń jeńimpazdaryn marapattaý, alǵash ret memlekettik qyzmetke alynyp otyrǵan 10 adamnan ant qabyldaý rásimderi ótti.
Baqbergen Amalbek.
Derek, sýret: egemen.kz