Tólegenovter otbasyna qandaı syılyq ta laıyq

Tólegenovter otbasyn tek ob­lys jurtshylyǵy ǵana emes, búkil elimiz ta­nyp qaldy. Olar kúzde «Mereıli otbasy» baı­qaýynyń oblystyq sa­tysynan jeńimpaz atanyp, res­pýb­lıkalyq baıqaýǵa da qatysty. Onda jeńimpaz atanbaǵanymen segiz balany qamqorlyqqa alyp, tárbıelep ósirip otyrǵan Nurlan men Gúljaýhar óz­de­riniń meırimimen, eńbegimen talaıdy tam­sandyryp, alǵysqa bólenip qaıtqan edi. Tólegenovter otbasy elimizde birinshi bolyp otbasylyq ba­la­lar úıin qurǵaly otyr. Jaqynda Nurlan júrgizýshi bolyp isteıtin «KMF» shaǵyn nesıe uıymy bul otbasyna shaǵyn avtobýs syıǵa tartty. – Tólegenovter Astanaǵa baryp, respýblıkalyq baıqaýǵa qatysqanda biz búkil ujym bolyp, olarǵa daýys berdik. Árıne, olardyń jeńisin tiledik. Áńgime jeńýde ǵana emes. О́ziniń bir balasymen qosa segiz balany asyrap alyp, baqytty etý Tóle­genovter otbasynyń basty jeńisi ekenin barlyǵy da moıyndaıdy. Biz olarǵa on oryndyq shaǵyn avtobýs­ty syıǵa tartýdy oıladyq, muny bıznestiń áleýmettik jaý­ap­­­kershiligi dep túsinemiz, – dedi «KMF» shaǵyn nesıe uıy­my jurt­shy­lyqpen baılanys jó­nindegi basqarma tóraǵasynyń keńesshisi Raýza Ibragımova. – Endi balalarmen de­m­alýǵa bárimiz birge shyǵatyn boldyq. Biz­­diń otbasy úlken bolǵandyqtan, ta­bıǵat aıasyna shyqqanda papasy bar­lyǵymyzdy birneshe ret tasıtyn, endi avtobýsqa barlyǵymyz da syıamyz! – deıdi qýanǵan Gúl­jaýhar. Berekeli otbasyna syıǵa tartqan kóliktiń quny 10 mıllıon teńge turady. Onyń syrtynda «KMF» uıymynyń barlyq oblystardaǵy 18 fılıa­lynyń qyzmetkerleri 2 mıllıon 300 myń teńge qarjy jıyp berdi. Ony Nurlan ózderine arnap salynyp jatqan úıge jaratpaq. – Bizde Nurlan úsh jyl jumys isteıdi. Onyń jasap otyrǵan saýapty isi bizdiń uıymshyl ujymymyz úshin maqtanysh, úlgi alarlyq azamat, – dedi «KMF» shaǵyn nesıe uıymy Qostanaı fılıalynyń dırektory Naǵashybaı Kúrkenov. Qaraýsyz qalǵan birneshe ulttyń balalaryn ata-analyq meıirimge shomyldyryp, baqytty etip otyr­­ǵan Nurlan men Gúljaýhar Tó­le­genovterdiń otbasyna qandaı syı­lyq ta laıyq. Názıra JÁRIMBETOVA, «Egemen Qazaqstan». QOSTANAI.