ASTANA. 23 mamyr. Berlın turǵyny 65 jastaǵy Annegret Raýnıg tórtem bosandy. Ol buǵan deıin 13 balany ómirge ákelip, batyr ana atanǵan bolatyn. Bul týraly lenta.ru habarlady.
Annegret Raýnıg jasynyń ulǵaıǵandyǵyna qaramastan 3 ul, 1 qyzdy dúnıege ákeldi. Sábılerdiń salmaǵy 655 – 960 gramm bolsa, boılary 30 – 35 santımetr aralyǵynda. Qazir olar dárigerdiń qatań baqylaýynda.
Kóp balaly ana óziniń tórtemin 26 apta júktilik merziminde bosanyp otyr.
Búginde Raýnıg qursaǵynan shyqqan 13 baladan 7 nemere súıip otyr. Ol: «Meniń 10 jastaǵy kenje qyzym Lıole ózine ini kerektigin aıtty. Sosyn men qyzymnyń usynysyn qabyl aldym. Kórip otyrǵandaryńyzdaı endi Lıoleniń 3 inisi, 1 sińlisi bar», – dedi.
Talǵat Raıymbek.
Derek, sýret: lenta.ru.