Elorda toıy –  eldiń toıy

Keshe Astanadaǵy «Ǵashyqtar» saıa­baǵynda salmaǵy 736,5 kı­lo tartatyn as, ıaǵnı ulttyq taǵa­mymyz daıyndalyp, halyqqa usynyldy. Bul erekshe sha­rany uıymdastyrýshylar sol sátte Gın­nestiń rekordtar kitabynyń sertıfıkatyn ıelendi. Tarata aıtar bolsaq, «Taı­qazan» dep aıdar taǵylǵan bul aksııany Qazaq­stan halqy As­sam­bleıasy, Qazaq geogra­fııalyq qaýymdastyǵy men Astana qa­lasy ákimdigi uıymdastyrdy. Aksııa Qazaqstan halqy Assambleıasynyń 20 jyldyǵyna jáne Astana kúnine tartý re­tinde qolǵa alyndy. Aksııaǵa Qazaqstan halqy As­sam­bleıasy Tóraǵasynyń orynbasa­ry – Hat­shylyq meńgerýshisi Era­ly Toǵ­ja­nov, Májilis depýtattary, qo­ǵam qaıratkerleri, QHA-nyń, Qa­zaq geografııalyq qoǵamy qaýym­das­ty­­­ǵy­nyń, elimizdiń Bas aspazdar qaý­ym­­dastyǵy men etnomádenı birles­tikterdiń mú­she­leri, Gınnestiń rekordtar kita­bynyń qyzmetkerleri, jas­tar uıymdarynyń jetekshileri, BAQ, zııaly qaýym ókilderi, qala tur­ǵyndary qatysty. Osynaý erekshe sharany uıym­­das­tyrýshylardyń sózine qara­ǵanda, qazaqtyń ózi «et» dep ataıtyn ulttyq taǵamymyzdy 40 aspaz tańǵy saǵat 4.00-den bastap dalada, qazaq halqynyń et asýdaǵy dástúrli reseptimen daıyn­dady. ASTANA Joldybaı BAZAR, «Egemen Qazaqstan». Ony ázirleýge shamamen 700 kılodan astam jylqy eti, 300 kıloǵa jýyq jumyrtqa men pııaz, 300 kılodaı un paıdalanylǵan. Dástúr boıyn­sha ettiń qamyry qolmen jaıyldy. Nátı­jesinde 736,5 kılo tamaq ázirlenip, qala turǵyndary men qonaqtaryna usy­nyl­dy. Ony daıyndaýǵa qatysqandar quramynda qaladaǵy iri meıramhanalarda aspazdyq qyzmet kórsetetin bilikti mamandar boldy. Sondaı-aq, shara kezinde 20-dan astam daıashy jurt­shylyqqa iltıpat kórsete qyzmet etti. Aksııa barysynda osynsha mol ázirlengen asty Gınnestiń rekordtar kitabyna engizý rásimi saltanatty jaǵdaıda ótti. Qazaqtyń belgili azamaty Myrzataı Joldasbekov elge bata berse, aıtýly aqyn Nesipbek Aıtuly kóńil terbeter óleń oqydy. Al óz kezeginde Eraly Toǵjanov jurtshylyqty As­tana kúnimen quttyqtaı otyryp, ultymyzdyń qonaqjaılylyǵy, qa­sıetti Taıqazannyń qadiri, onyń ómi­rimizdegi orny, alasapyran zamandarda elimizge kelgen ózge ult ókilderine qazaq halqynyń kórsetken qamqorlyǵy jóninde áńgimelep berdi. Budan keıin Gınnestiń rekordtar kitaby shtab-páteriniń sýpervaızeri, ıaǵnı Londonnan kelgen ókil Sheıda Shýbası Gemıdjı sóz aldy. Ol: «Men Astanaǵa arnaıy kelip, qazaqtyń ulttyq taǵamyn kórip, onyń eń úlken kólemde daıyndalǵanyna kýá boldym. Búgingi shara barysynda as ázirleýdiń barlyq talaptary oryndaldy. Sondyqtan men qazaqstandyqtardy osy jeńispen quttyqtaımyn, – dedi. Osylaısha, «Eldiń basty ulttyq ta­ǵamyn ázirleý» degen aıdarmen atal­ǵan rekord resmı túrde tirkeýge alyndy. Sharany uıymdastyrýshylardyń biri, Qazaq geografııalyq qoǵamy tóral­qasynyń múshesi Tólegen Tastanbekov qýanyshty sátte: «Tolqyp turmyn. Ulttyq taǵamymyz Gınnestiń rekordtar kitabyna endi. 736,5 kılo as daıyn­dap, búgin ony halyqqa usynyp otyr­myz. Eń bastysy – aksııany el-jurtymyz jyly qabyldady», – dep aǵynan jaryldy. Jalpy, álem boıynsha eń kóp mólsher­degi ulttyq taǵamdy ázirleýge arnalǵan «Taıqazan» aksııasy «QHA – 20 ıgi is» estafetasynyń jalǵasy bolyp tabylady. Jıynǵa qatysý­shylar tarapynan Taıqazan jóninde jyly lebizder aıtyldy. Kópshilik Taıqazandy halqymyzdyń birlesýi men qonaqjaılylyǵynyń sımvoly dep esepteıtinderin jetkizýmen bol­dy. Aksııa qazaqstandyqtardyń ózara tatýlyqta, barshylyq pen toq­shy­lyq­ta mamyrajaı tirlik etip jat­qanyn sıpat­taǵan erekshe shara retinde jurtshy­lyq­­tyń esinde saqtalyp qala­ty­nyna senemiz. Taǵy bir aıta keter jaıt, aksııa aıasynda shyǵarmashylyq ujymdar men qazaq ánderin oryndaýshylarynyń qaty­sýy­men merekelik konsert, ulttyq taǵamdy da­ıyndaý boıynsha sheberlik sabaq­tar jáne Qazaq geografııalyq qoǵa­my­nyń mú­­shelerimen kezdesý uıym­dastyryldy.   AQTAÝ Gúlaıym ShYNTEMIRQYZY, «Egemen Qazaqstan». Mańǵystaý oblysynda Astana kúni merekesi keń kólemde toılanýda. Oblystyń barlyq aýdan-qalalarynda sporttyq jáne mádenı sharalar ótkizilip, jastar arasynda óner saıys­tary ótkizildi. Oblys ortalyǵy Aqtaý qalasynda elordanyń 17 jyldyǵy qarsańynda bir top kámelettik jasqa tolǵan ji­gitter men qyzdarǵa jeke bastaryn kýá­landyratyn tólqujat tabystaldy. Saltanatty sátke London Olım­pıadasynyń kúmis júldegeri Á.Nııa­zym­betov qatysyp, jastardy quttyqtap, olarǵa estelik syılyqtar tabys etti. Shildeniń 4-inen bastap teńiz jaǵa­laýynda klassıkalyq, estradalyq jáne rok mýzyka ókilderiniń merekelik konsertteri uıymdastyrylyp, teńiz jaǵasynda serýendegen qala turǵyndary men qonaqtarynyń nazaryna usynyldy. Sondaı-aq, jastar arasynda «Astana – arman qala» atty plener sýretshiler baıqaýy ótse, T.Shevchenko eskertkishi janynda ýkraın etnomádenı birlestigi ókilderi shyǵarmashylyq toptary óner kórsetti. Aqtaý qalalyq ákimdiginiń uıymdastyrýymen asyq atýdan, qol kúresinen, arqan tartystan jáne gir tasyn kóterýden, «Street Workout» sport túrinen qalalyq týrnır uıym­dastyrylyp, oǵan qyzyǵýshylyq ta­nytqan Aqtaý qalasynyń turǵyndary men qonaqtarynyń qatysyp, ózara kúsh pen eptilik synaý múmkindigi qamtamasyz etildi. Elordanyń jańa jasyna arnalǵan ádemi de áserli sharalar óńirdiń barlyq aýdandary men qalalarynda jalǵasyn tapty.   AQTО́BE Satybaldy Sáýirbaı, «Egemen Qazaqstan». Keshegi kún raıy oblys ortaly­ǵyn­daǵy Astana kúnine arnalǵan merekelik sharalardyń betashary retinde uıymdastyrylǵan velojarysqa qatysýshylarǵa qolaıly boldy. О́ıtkeni, kún ysyp úlgermegen kez edi. Munyń ózi «Aqtóbe qalasynyń dene tárbıesi jáne sport bólimi MM-niń ústimizdegi jyly uıymdastyryp otyrǵan ekinshi aýqymdy jarysy. Buǵan deıin kóktemde jelaıaqtar jarys jolyna shyqqan bolatyn. Bul joly da jeńimpazdar baǵaly syılyqtarmen jáne dıplomdarmen marapattaldy. V­elojarysqa qatysqan «FOR­WARD» komandasynyń veloshabandozdaryn osy attas kompanııanyń dıleri Venera Erejepova bastap kelipti. – Biz osy velojarys jeńimpazdaryn marapattaýǵa tórt velosıped bóldik. Bul bir jaǵynan Astana kúnine arnalǵan sharaǵa qoldaýymyz, buqaralyq sportty damytýǵa qosqan úlesimiz bolsa, ekinshi jaǵynan, óz ónimimizdi jarnamalaý da ekenin jasyrýdyń reti joq, – deıdi V.Erejepova, «Mega-Aqtóbe» oıyn-saýyq keshe­ni aldyndaǵy alańda velojarys je­ńimpazdaryn marapattaý saltanatynan keıin ánnen shashý shashylyp, kúı kúmbirledi, bı bılendi. Uıymdastyrýshylar óńirdi aptap ystyq býyp turǵanyn eskergen bolýy kerek, merekelik sharanyń negiz­gilerin kúnniń ystyǵy qaıtqan tústen keıingi kezeńge qoıypty. Astana kúni Qazaq­stan Respýblıkasynyń Tuńǵysh Prezıdenti Nursultan Nazar­baev atyndaǵy Ortalyq demalys saıaba­ǵynda oblystaǵy etnomádenı birlestik­terdiń kórkemónerpazdar uıymdary men óńirdiń talantty ónerpazdary kon­serttik baǵdarlama usyndy. Qalalyqtar án men kúı tyńdap, bıdi tamashalady. Mundaı mádenı-kópshilik sharalar qalanyń saıabaqtary men alańdarynda qas qaraıǵansha jalǵasty. Bul kúni qalalyqtar men shahar qonaqtary túgel kóshege shyǵyp ketkendeı áserge bóledi. Oblys ortalyǵyndaǵy Astana kúnine arnalǵan túrli-tústi otshashý qala aspanyn burynǵydan da ajarlandyryp jibergendeı boldy. Elimizdiń bas qalasyna qarap boı túzegen Aqtóbe aıtýly merekeni osylaı atap ótti. ATYRAÝ Joldasbek ShО́PEǴUL, «Egemen Qazaqstan». Munaıly óńirde elimizdiń jańa elordasy – Astana kúnine arnalǵan merekelik sharalar shoǵyry aýqymdylyǵymen erekshelendi. Olaı deıtinimiz, mereke qarsańynda óndiriste de, áleýmettik salada da kóńil jadyratar qýanyshty sátter az bolmady. Máselen, Atyraý munaı óńdeý zaýytynda benzoldyń alǵashqy partııasy alyndy. Bul – buǵan deıin elimizde shyǵarylmaǵan jańa ónim. Zaýyttyń bas dırektory Qaırat Orazbaev: «Joǵary oktandy benzın shyǵarý úshin onyń quramyndaǵy benzol ónim retinde bólek alyndy. Bul – bizdiń eń ásem elordamyz – Astana kúnine tartýymyz», – dedi jańa ónimniń shyǵarylýyna oraı ótken saltanatty sharada. Atyraý qalasynda «О́ńirlerdi da­mytýdyń 2020 jylǵa deıingi baǵdar­lamasy» aıasynda boı kótergen birneshe kóp qabatty turǵyn úı paıdalanýǵa be­rilip, 126 otbasy baspanaly bolý baqy­tyna keneldi. Olardyń arasynda birneshe jyldan beri páter jaldap júrgender de bar eken. Sonymen birge, alǵash ret «Atyraýdyń qýatty adamdary» atty ekstremaldy sport túrlerinen ótken oblystyq týrnır de turǵyndardy erekshe áserge bóledi. Týrnırge qatysýshylar salamatty ómir saltyn ustanýdyń densaýlyqqa paıdaly ekenin pash etti. Solardyń arasynan Vladımır Lı salmaǵy úsh tonnaǵa jýyq «GAZel» shaǵyn avtobýsyn 20 metrge súıredi. Oǵan osynsha aralyqqa jetý úshin 16,3 sekýnd ǵana qajet boldy. Merekelik sharalar Atyraý qala­sy men aýdan ortalyqtarynda, ár ­okrýg­te ótti. Máselen, óńir ortalyǵyn­da «Jeńis» saıabaǵynan sherý tart­qan velosherýshiler Qurmanǵazy, Vla­dımırskıı, Sátbaev kósheleri ar­qyly «Isataı-Mahambet» alańyna deıingi aralyqty júrip ótti. Sondaı-aq, «Elimniń júregi – Astana!» jáne «Jyrlaımyn seni, Astana!» atty konserttik baǵdarlamalar óńir tur­ǵyndaryna merekelik kóńil-kúı syılady. Konserttik baǵdarlamalar sońyna qaraı Atyraýdyń aspanyn merekelik otshashý árlendirdi. Rahym QOILYBAEV. KО́KShETAÝ Baqbergen AMALBEK, «Egemen Qazaqstan». Jaqsylyq jetegindegi halqymyzdyń bıik qurmeti – «Juldyzyń joǵary bolsynǵa» saıady. Ásem Astanamyzdyń az jyldardyń ishinde álem keńistigindegi aıshyqty juldyzǵa aınalýy osynaý aq tilektiń oryndalǵanynyń aıǵaǵy. El tarıhyndaǵy jańa da jarqyn mereke Qazaqstan sheńberinen asyp, Jer sharyn sharlap bara jatqany da bolashaǵymyzdyń jarqyndyǵyn beıneleıtindigi qýantady. Bıylǵy merekeler jylyn astanalyq Aqmola oblysy qoǵam ómiriniń tutas býynynda erekshe serpilispen atap ótýde. Basqasyn aıtpaǵannyń ózinde, óńir jurtshylyǵy «Astana kúnin» on kún buryn resmı túrde bastap ketti. Shattyq pen shashýdyń mazmuny keńip, tartý joralǵysy tánti etýde. Turǵyn úıler, ekonomıkalyq jáne áleýmettik turǵydaǵy nysandardyń paıdalanýǵa berilýi tirshiligimizdi túrlendire tústi. Aqmolalyqtar muny Astana sharapatymen baılanystyrady. Kókshetaýǵa eki táýlik boıy yryz­dyq quıǵan Kún jaryqtyq shaıdaı ashyldy. Táýelsizdik alańy bar jasaýyn jarqyratyp, jadyrańqy kóńilderdi aspandatyp tur. Balalar óz qııalyn asfaltqa túsirip jatsa, arnaıy saparmen Astanany aralap kelgen qarııalar alǵan áserlerin jetkize almaı máz. Ánuranymyzben bastalǵan saltanatqa qatysýshylardy qala ákimi Ermek Marjyqpaev quttyqtady. Astana kúni aıshyqty sharalarymen este qalatyn dástúr qalyptas­qaly qashan. Áne, jańa ǵana ińgálap dúnıege kelgen sábılerge baýy berik bolsyn aıtqan depýtattar tórsóre­den oryn alýda. Qala basshysynyń ­qoly­nan Astana qurdastary, 10 sy­nyp oqýshylary Almas Úsenov, Jazıra Álseıitova, Ańsat Doldash, Anna Go­lýbkova res­pýblıka azamatynyń jeke kýáligin alsa, 10 adamǵa «Nur Otan» partııasynyń bıleti tapsyryldy. Olardyń arasynda zeınetker Kárim Bostanbaev ta bar. Al ardagerler keńesi tóraǵasynyń orynbasary Valentına Solomına men №14 mekteptiń aǵa vojatyıy Lıýdmıla Dáýletálıevanyń omyraýyna «Qazaqstan halqy Assam­bleıasyna – 20 jyl» merekelik medali taǵyldy. Kókshetaýdyń ortalyq alańdary men shaǵyn aýdandaryndaǵy mádenı-sporttyq sharalar men kópshilik dýmany merekelik otshashýmen jalǵasty. QARAǴANDY Aıqyn NESIPBAI, «Egemen Qazaqstan». «Kórshi de kórshiden tálim alady» deıdi emes pe, ósip-órkendeýi ári elorda, ári irgeles kórshi turǵysynda úlken úlgi qala merekesi qaraǵandylyqtarǵa da árdaıym zor qýanysh. Bul mereıli kúnge arnalǵan sharalar bir kún buryn «Saǵan, Astana!» III dástúrli jeńilatletıkalyq estafetadan bas­taldy. Jarysqa qatysýshylardyń birinshi toby Táýelsizdik alańynan «Shahter» stadıonyna deıin júgirip ótse, ekinshi toby Tuńǵysh Prezıdenttiń Temirtaýdaǵy tarıhı-mádenı ortalyǵy aldynda márege jetti. Budan keıin Qaraǵandynyń bas saıa­baǵynda ótken etnomádenı birles­­tikter ónerpazdarynyń, ardagerler men jastar uıymdary músheleriniń, jurt­shylyq ókilderiniń basqosýy asta­nalyqtar shattyǵyn birge bólisýge ulasty. Saltanatty jıyndy qala ákimi Nurlan Áýbákirov ashyp, turǵyndardy ortaq aıtýly oqıǵamen quttyqtady. Qoǵamdyq ómir  belsendilerine «Qazaq­stan halqy Assambleıasyna – 20 jyl» medalin tabys etti. Sonymen qatar, Astananyń qurdastaryna eskertkish belgiler tapsyryldy. «Astana – asqaq abyroıymnyń aıǵaǵy» baǵdarlamasy aıasynda Qalı Baıjanov atyndaǵy oblystyq konsert birlestigi, «Qýanysh» jáne «Aqqý» ansamblderiniń ónerpazdary shashý shashqan án men bı jınalýshylardyń kóńil-kúıin ósirdi. Ony «Asqaqtaı ber, elimniń Astanasy!» qalalyq án festıvali jalǵastyryp, búldirshinder ózderi salǵan sýret kórmesin kórsetip, sporttyq oıyndar saıysy qyz-qyz qaınap, qyzyqty dýman sáni óse tústi. Ymyrt úıirilgen sátte otshashýlar qala aspanyn jarqyratyp, merekelik kesh kórkin nurlandyrdy. Lınar GALIMOV. QOSTANAI Názıra JÁRIMBETOVA, «Egemen Qazaqstan». Keshegi mereke Astana týraly vıktorınalyq suraq-jaýap oıyndarynan bastaldy. Astana týraly suraq ta kóp eken, oǵan qostanaılyq jastardyń dál jaýaby da daıyn bolyp shyqty. Astanany qostanaılyqtardyń jaqsy kóretini osydan-aq belgili bolyp turdy. Al kolleksııa jınaýshylardyń kórmesi qostanaılyqtardyń Astana kúnine erekshe tartýy edi. Kúıtabaq, jýrnal, qýyrshaq, kádimgi shaıdyń túr­­leri, farfordan jasalǵan kádesyı, tósbelgi, aqsha, marka túrlerin merekege jınalǵandar osy jerden kórip tamashalady. – Tósbelgi, aqsha, tıyn aqsha, markalar túrlerin jınaýmen aınalysamyn. Astana kúni osy jıǵan-tergenimdi qostanaılyqtarǵa kórsetý men úshin qýanysh bolyp tur. Tósbelginiń 500 myńdaı túrin jınaǵanmyn, aqsha túr­leri de jetkilikti. Onyń ishinde táýelsiz elimizdiń alǵashqy shyqqan aqshalary jyl ótken saıyn jurttyń qyzy­ǵý­shylyǵyn týdyryp keledi, – deıdi kolleksııa jınaýshy Marat Hasenov. Al qolónermen aınalysatyn Raıymgúl Rahalıeva ózi tikken qolóner buıymdaryn qostanaılyqtardyń nazaryna usyndy. Onda búgingi jastar bile bermeıtin, umytylyp bara jatqan buıymdar nazar aýdartady. – Mine, mynaý quda tartatyn arqanǵa jańa túr berip, oıýlap jasap shyqtym, sondaı-aq, halqymyz kelinniń betin ashqanda aıaǵynyń astyna eshkiniń terisinen jasalǵan týlaq tósegen ǵoı. Ony da men jańasha túrlendirip jasadym, – deıdi R.Rahalıeva. Kórmege árbir qatysýshynyń kórermenge aıtar qyzyqty áńgimesi jeterlik. Oǵan jınalǵan jurtta esep joq. Qala ortalyǵynda qostanaılyq­tar men qala qonaqtary oblys kórkemónerpazdarynyń konsertin tamashalady. Aýdandardaǵy ónerpazdar da Astana kúnine ónerin tartý etti. Astana kúni naǵyz halyqtyq merekege aınaldy, kók zeńgir aspanda qalyqtaǵan án áýenine eltigen qalalyqtar ortalyq alańda dóńgelene bı bıledi. Arqada totydaı taranǵan Astana barlyq qazaqstandyqtardyń maqtanyshy, patrıottyq sezimniń tuma bulaǵy ekenin kórsetip berdi. QYZYLORDA Erjan BAITILES, «Egemen Qazaqstan». «Máńgilik Eldiń» júregi, tutas eldiń tiregi – Astana kúnin Syr jurtshylyǵy da óz dárejesinde atap ótti. Elordanyń tý­ǵan kúnin toılaýda eńbektegen bala­lar­­dan bastap eńkeıgen egdelerge deıin at­sa­lysty desek bolatyndaı. Sebebi, qy­zyl­ordalyq balalar «Meniń Astanam» taqyrybynda asfaltta sýret salý baıqaýyna qatysty. Balalar «Baı­terek», «Han Shatyr» sekildi Asta­nanyń kó­rikti jerlerin kórkemdep, sýretke saldy. Erkindik pen eldiktiń sımvolyn­daı bolǵan elordanyń kelbeti jas jetkin­shekterdiń beıneleýinde erekshe shyqty. Onan soń Ábdilda Tájibaev atyn­daǵy oblystyq ámbebap kitaphanada «Elim­­niń júregi – Astana» atty kitap kórme­si ótti. Onda Astananyń arǵy-bergi tarıhynan syr shertetin derekter qoıylyp, elimizdiń bas qalasy týraly jazyl­ǵan shyǵarmalar oqyrman nazaryna usynyldy. Oblystyq tarıhı-ólketaný mýzeıi de Astana kúnine qyzý daıyndaldy. «Tá­ýelsiz Qazaqstan» zalyn ásem kór­kem­dep, «Astana – ásem qala» atty taqy­ryp­­tyq ekskýrsııalar jasady. Onda As­ta­nanyń qalaı soǵylǵany, búginde qan­­daı je­tistikterge jetkeni aıtyl­dy. Mý­zeıge kelýshiler Astana ómiri­niń óz­derine beımálim tustaryn bilip qaıtty. Al Shıeli aýdany bıylǵy oqý jylyn úzdik aıaqtaǵan balalaryn arnaıy Astanaǵa attandyrdy. Mereke barysynda olar elordany óz kózderimen kórip, aralap qaıtpaq. Astana kúnine arnalǵan sharalardyń sońyn «Aq tilekpen – Astanaǵa» atty jastardyń flesh-mob aksııasy men «El júregi – Astana» merekelik konserti túıindedi.   ORAL Temir QUSAIYN, «Egemen Qazaqstan». Oral óńirinde Astana kúnine tartý retinde áleýmettik-turmystyq nysandar, kópqabatty turǵyn úıler men deneshynyqtyrý-saýyqtyrý keshenderi jáne bóbekjaılar paıdalanýǵa berildi.Osynaý sáni men saltanaty kelisken keshender oblys ortalyǵy jáne oǵan taıaý ornalasqan eldi mekender men shalǵaıdaǵy Syrym, Qaratóbe jáne Jánibek aýdandarynyń turǵyndaryn úlken qýanyshqa bóledi. Sonymen birge, Astana kúni qarsańynda oblys aýdandarynda «Dıplommen – aýylǵa!» baǵdarlamasyna saı jas mamandarǵa jańa páterlerdiń kilti tapsyryldy. – Munyń bári tarıhy tereń, dástúri mol Aqjaıyq aımaǵynyń Astanaǵa qarap boı túzeı alǵandyǵynyń basty kórinisi, – dedi Batys Qazaqstan oblysynyń ákimi Nurlan Noǵaev. – Astana el óńirleriniń órkendeýine de qozǵaý salyp otyr. Búginde bas qala árbir qazaqstandyqtyń maqtan tutar brendine aınaldy. Onyń bolashaǵy búgingisinen de jarqyn. О́ıtkeni, elordanyń ishki damý júıesi men ınfraqurylym órisi qýatty. Al Oral qalalyq máslıhatynyń depýtaty, kásipker Lıana Tursynova óz oı-pikirin bylaısha sabaqtady. «Men álemge áıgili qala – Nıý-Iorkte bolǵanym bar. Árıne, ol – sáýleti de dáýleti kelisken shyraıly shahar. Áıtsede, onyń odan ári irgesin keńeıtetin bir tutam jeri joq ekenine kýá boldym. Álem qalalary arasynda mundaı mysaldar az emes. Osy turǵyda elordamyzdyń kún saıyn qanatyn keńge jaıyp, ósip-órkendep kele jatqanyna qýanamyz». – Oblysta Astana kúnine arnalǵan is-sharalar kesheni aıasynda festıvaldar men dóńgelek ústelder, halyqaralyq týrnırler men jármeńkeler jáne merekelik konsertter ótkizildi. Onyń ishinde Batys Qazaqstan oblystyq tarıhı-ólketaný mýzeıinde ashylǵan «Elbasy jáne táýelsizdik zaly» tusaý­keseriniń shoqtyǵy bıik. Búginde Eýrazııa keńistiginiń qaq ortasynan oryn tepken Astana qaıtalanbas kelbetimen barsha álem jurtshylyǵyn tamsandyrýda. Onyń bas sáýletshisi – Elbasy Nursultan Nazarbaev. Onyń esimimen qatar turatyn taǵy bir baǵa jetpes tarıhı qundylyq bar, ol – táýelsizdik. «Elbasy jáne táýelsizdik» zaly jasaqtalýynyń túp – tórkininde osyndaı mán-maǵyna bar, – dedi óńirdegi arhıv isiniń maıtalmany Vıacheslav Inochkın. Munda Memleket basshysynyń ómiri men qyzmetine qatysty qundy qaǵazdar jáne jádigerler men fotosýretter qoıylǵan. Onyń bári on eki áınek sórege jınaqy túrde júıelengen. Oblysta Astana kúnine arnalǵan is-sharalar shoǵyry Qadyr Myrza Áli atyndaǵy mádenıet jáne óner ortalyǵynyń amfıteatrynda ótkizilgen «Asqaqtaı ber, Astana!» atty merekelik konsertpen qorytyndylandy. О́SKEMEN Dýman ANASh, «Egemen Qazaqstan». Shyǵys jurtshylyǵy elorda kúnin erekshe kóńil kúımen atap ótti. О́ńirdiń barlyq qalalary men aýdandarynda Astana kúnine oraı túrli is-sharalar uıymdastyryldy. Oblys ortalyǵyndaǵy sharalar tańsáriden bastaldy. О́skemendikter men qala qonaqtary bul merekeni sporttyq saıys­tarmen qarsy aldy. Velomarafonmen bastalǵan merekege tabıǵattyń tartýy – jańbyr da qolaıly jaǵdaı jasady. Velosherýge qatysýǵa barlyq jas­taǵy turǵyndar múmkindik aldy. Ertis ózeniniń jaǵalaýynda sporttyq júris­ten jáne júgirýden respýblıkalyq jarys, deneshynyqtyrý-saýyqtyrý keshe­ninde qazaqsha kúresten týrnır ótti. Sondaı-aq, Astana kóshesinde «Astana – Eýrazııa júregi!» atty merekelik konsert ótti. Oblys áki­miniń orynbasary Jaqsylyq Omar, О́skemen qalasynyń ákimi Temirbek Qasymjanov óńir jurtshylyǵyn elorda kúnimen quttyqtady. Atalǵan sharada oblystyq Dostyq úıi – qoǵamdyq kelisim ortalyǵynyń shyǵarmashylyq ujymdary óz ónerlerin pash etti. Balalarǵa arnalǵan sporttyq oıyndar men jarystar uıymdastyry­lyp, óskemendikter oqýshylar­dyń shyǵarmashylyq úıi, sheberler qala­shyǵy jáne kitaphanalar kórmesin tamashalady. Merekelik saýda-sattyq pen akvagrım, shahmat, doıby, armrestlıng te turǵyndardyń kóńilin kóterdi. Eń qyzyǵy, mereke barysynda qyzdardyń qatysýymen ótken «Moto-ledı» atty baık-shoý boldy. Bul básekede motosıkl mingen qyzdar túrli synaqtarda óz ónerlerin kórsetti. Sonymen birge, oblys ortalyǵynyń saıabaqtarynda da merekelik sharalar uıymdastyrylyp, Komsomol aralynda О́skemen qalasynyń áýesqoı fýtbol komandalary arasynda shaǵyn fýtboldan jarys ótti. Sýretti túsirgen Sergeı SÝROV.   PAVLODAR Farıda BYQAI, «Egemen Qazaqstan». Oblys ortalyǵyndaǵy mereke «Saryarqa tóri – Astana» degen ádebı-sazdy erekshe kompozısııalyq kórinis­­­termen bastaldy. Sátbaev atyndaǵy ortalyq kóshe boıynda ornalasqan úlken ekran «Astanaǵa – 17 jyl» atty beınerolık kórsetip turdy. Ortalyq alańǵa jınalǵan jurtshylyqty Ertis ózeniniń joǵary jáne tómengi jaǵalaýy dep bólinetin arnaıy me­rekelik sharalar baǵdarlamasy qarsy aldy. Burynǵydaı emes, zamanǵa saı qazir neshe túrli erekshe baǵdarlamalar qosylǵanyn kóresiń. Bizdiń oblys ortalyǵy da Asta­naǵa qarap boı túzeýde. Keshegi soq­qan jel de, jaýǵan jańbyr da sap tyıyl­ǵan. Joǵarǵy jaǵalaýda kóp­shilikti «Asqaq­taǵan Astana» qala­lyq festıva­li men Qazaqstan halqy Assam­b­leıasynyń etnomádenı birlestikteri shy­ǵarmashylyq ujymdarynyń konserti shaqyrýda. Sondaı-aq, «Astanam – maq­tanyshym» dep Isa Baızaqov atyndaǵy oblystyq fılarmonııanyń ánshileri óner kórsetýde. Jastar «Astanaǵa aq tilek» tilekteri jazylǵan túrli-tústi sharlaryn áýege ushyrýda. Osy jerde «Rıtmy gorodskıh kvartalov» hıp-hop, breık, REP toptarynyń, skeıterler, rollerler, tolkınıster toptarynyń qatysýymen jastardyń shyǵarmashylyq baǵdarlamasy, jas­tardyń ulttyq Delfıı oıyndary jeńimpazdarynyń konserti boldy. Tipti, «О́zińdi óziń synap kór» dep aeromobıldi áskerleriniń «Desantnoe bratstvo» áskerı-sporttyq jarystaryn, «Lazertag» atys boıynsha oıynyn, strıtbol oıynyn, jaǵajaı fýtboly men jaǵajaı voleıboly boıynsha eriktilerdiń arasynda ótken merekelik týrnırlerdi kórip, qyzyǵa qaraısyń. Ekinshi bir shette «Astanama arnalǵan tańǵajaıyp boıaýlar» álemi mega-boıa­masy kóz jaýyn alady. Al tómengi jaǵalaý bolsa, kishkentaı balalarǵa toly. Munda «Kórikti qala – Astana!», «Kolos» balalar mádenı oıyn-saýyq orta­lyǵy men qalalyq bilim berý bóli­miniń balalar shyǵarmashylyǵyn damytý ortalyǵynyń konserttik-oıyn baǵdar­lamasy ótýde. «Úlken attraksıon» ala­ńynda kóńildi balalarmen «bı bılep», boıshań qýyrshaqtar da júr. «Akva-grım» balalar alańshasynda «Tolaǵaı» balalarǵa arnalǵan otba­sylyq oıyn baǵ­darlamasyna qaty­sýshylar da kóp eken. «Qala kitaphanalary shaqyrady» atty qala kitaphanalarynyń tanymdyq-sazdy baǵdarlamasy negizinde kitaptar kórmesi, «Gúl jaınaǵan Astana» – jas sýretshilerdiń kórmesi, fotokórme, «Astanaǵa tartý» atty qoldanbaly-sándik óner sheberleriniń kórmesi uıymdastyryldy. Sonymen birge, táttiler, kókónister, toqashtar, ulttyq taǵamdarǵa arnalǵan merekelik saýda da qyzý júrdi. Mereke sońy «Máńgilik El» atty oblys ortalyǵyndaǵy «Shańyraq» oıyn-saýyq ortalyǵy, Qýat Ábýseıitov, Estaı aqyn atyndaǵy mádenıet saraılary ujymdarynyń konserttik baǵdarlamasyna ulasty. PETROPAVL О́mir ESQALI, «Egemen Qazaqstan». Soltústikqazaqstandyqtar da qysqa merzim ishinde zamanaýı iri megapolıs qataryna qosylyp, arhıtektýralyq sáýleti men symbaty kelisken elordany elimizdiń júregi, Táýelsizdigimizdiń tiregi sanaıdy. О́ńirde joǵary kóterińki kóńil kúımen jylda atap ótiletin Astana kúnin asyǵa tosady. Bıylǵy merekeni ótkizý jónindegi is-sharalar jospary mazmundylyǵymen erekshelendi. Ortalyq alańǵa jınalǵan jurtshylyq qarasy mol boldy. Oblys ákiminiń birinshi orynbasary Aıdarbek Saparov jurtshylyqty abyroı-bedelimizdiń, bereke-birligimizdiń, jasampazdyqtyń jarqyn kórinisi sanalatyn Astananyń týǵan kúnimen quttyqtap, Saryarqanyń qaq tórine qazaqstandyqtardy ortaq iske jigerlendiretin, alǵa qaraı tynymsyz umtyldyratyn Elbasy saıasatynyń arqasynda ornyqqanyn atap ótti. Budan keıin jalpy saltanat jal­pyhalyqtyq toı-dýmanǵa ulasty. Ol «El júregi – Astana» atty teatrlandyrylǵan mıýzıklmen bastalyp, merekelik hend-meıkke jalǵasty. Qalalyq mádenıet jáne demalys saıabaǵynda sazdy bı jáne kórkem shyǵarmashylyq boıynsha «Talanttar qalasy» kóńil kóterý baǵdarlamasy nazarǵa usynylsa, Abaı men Pýshkın eskertkishi janynda fıtnes-klýb, peınbol oınaý, gımnasshylardyń, akrobattardyń, shyǵys jekpe-jeginiń óneri tamashalandy. «Astana – arman qala» art-býlva­ryn, sýretshiler kórme­sin, aqyndar saıy­syn qyzyqtaýshylar jyly áserge bólendi. Táýelsizdik stellasy qasynda ótken strıt-bı festıvalin, «Týǵan kúnińmen, Astana!» balalardyń konserttik baǵdar­lamasyn, «Astana tórindegi altyn uıa» fo­todızaın kórmesin kórýshiler qatary qalyń boldy. Pestroe kóliniń jaǵalaýyn­­da saıajaı voleıbolynan, shaǵyn fýt­boldan, taı boksynan respýb­lıka­lyq týr­nırler, «Meniń jeńisim saǵan, Astana!» velojarysy uıymdas­­tyryl­dy. Mádenıet oshaq­tarynda «Álemdi tań­ǵaldyrǵan qala» ádebı-poezııa saǵattary, taqyryptyq keshter, vık­torınalar, tarıhı-ólke­taný mura­­jaıynda «Astana – bizdiń maqtany­shy­myz» fotokórmesi, saýyq­tyrý lager­lerinde sýretter konkýrsy ótkizildi. Birneshe kúnge jalǵasqan mereke kúnderi «Bereke» shaǵyn aýdanynda hımııalyq-bıologııalyq baǵyttaǵy 740 oryndy Nazarbaev zııatkerlik mektebi, Indýstrııalandyrý kartasy aıasynda qysh kirpish shyǵaratyn zaýyt, asfalt­beton qospasy kásiporny ashyldy. «QazTehMash» JShS ınvestısııalyq quny 1,9 mıllıard teńge bolatyn ozyq jobany iske qosty. Astana kúni aýdandarda da keńinen atap ótildi. Sýretti túsirgen Amangeldi BEKMURATOV. TALDYQORǴAN Nurbol ÁLDIBAEV, «Egemen Qazaqstan». Jetisý jerinde de Astana kúni jalpyhalyqtyq mereke retinde atalyp ótti. Taldyqorǵandaǵy Ortalyq alańǵa jıylǵan jurt búldirshinderdiń myń burala ári ár qımylyna erekshe mán bere jáne merekelik lep estire oryndaǵan bıine tánti bolmasqa áddileri qalmady. О́ıtkeni, bul – óner. Dúıim jurttyń aldyna shyqqan Taldyqorǵan qalasynyń ákimi Ermek Alpysov: «Elimizdiń ordasy Astana qalasy Elbasynyń esimimen birge aıtylatyn, ajyraǵysyz egiz uǵym ispetti. Kúnnen-kúnge kórkeıip, sáni men saltanaty asyp kele jatqan Astana respýblıkamyzdaǵy ózge qalalarǵa úlgi bolýda. Qurylys, onyń ishinde turǵyn úı qurylysy tez damyp, zaman talabyna saı baspanalar boı kóterip, halyqtyń paıdalanýyna berilýde. Sonyń naqty bir dáleli retinde sońǵy eki-úsh jylda Taldyqorǵanda sap túzegen birneshe shaǵyn aýdandy aıtýǵa turady. Eksheı bilsek, bul Elbasynyń eren eńbeginiń bir jemisi», – dedi. Taǵy bir erekshe aıtar qýanysh – dál osy kúni kámelettik jasqa tolǵan taldyqorǵandyqtarǵa jeke kýálikterin saltanatty túrde tapsyrý rásimi ótti. Árıne, qalanyń kórkeıýine ózindik úlesin qosa bilgen qurylysshylar da nazardan  tys qalmaı, qala ákiminiń Qurmet gramotasymen marapattaldy. Merekelik shara konserttik baǵdarlamamen jalǵasty. TARAZ Oralhan DÁÝIT, «Egemen Qazaqstan». Elordamyz – Astana qalasynyń mereıtoıyn atap ótýdi jambyldyqtar apta buryn bastap ketken bolatyn. Keshegi aptada oblys ortalyǵynda das­tan­dar men qıssalardy jatqa aıtýdan ótken «Daýylpaz jyry dala­nyń» atty oblystyq baıqaý osynaý mere­keniń Áýlıeata jerindegi tusaýyn kesti. Odan keıin apta boıy Taraz tórinde «Qaryshtaǵan Qazaqstan – asqaq­taǵan Astana» atty jyljymaly kórme, «Meniń Qazaqstanym – meniń Asta­nam» atty ıntellektýaldy-tanym­dyq oıyn, «Araıly Astanam – bas qalam!» atty qaıyrymdylyq konserttik baǵdarlamasy, «Astana – jastar maqtanyshy!» atty jastar flesh-moby jáne basqa da is-sharalar merekeniń ajaryn ashyp, mańyzyn arttyra tústi. Al 6 shilde kúni Jambyl jurty «Jaınaı ber, meniń  Astanam!» atty ­jastar spartakıadasyn tamashalady. «El birligi – eń asyl qasıet» dep Elbasy­myz aıtqandaı, qasıetti Áýlıeata óńiri – ejelden dostyqtyń kıeli mekeni. Jambyl jerinde bastalǵan saltanatty merekeni ártúrli ult ókilderi de bereke, birligimen qarsy aldy. Bul kúni oblystyq Qazaqstan halqy Assambleıasy «Týǵan kúnińmen, Astana» atty aksııasyn uıymdastyryp, kók aspanǵa merekelik sharlar jiberý jáne búldirshinderge shar syılaý rásimderin ótkizdi. Al keshke Qazaqstan Respýblıkasynyń Tuńǵysh Prezıdenti saıabaǵynda ótken «Tarazdan Astanaǵa tartý» merekelik is-sharasy tarazdyqtarǵa kóterińki kóńil kúı ­syılady. Sýretti túsirgen Altynbek QARTABAI.   ShYMKENT Baqtııar TAIJAN, «Egemen Qazaqstan». Astana – jasampazdyqtyń, máńgi dostyqtyń qalasy, qıyn kezeńde qazaqtyń bolashaq taǵdyryn sheshken de qala. Olaı deıtinimiz, ótken ǵasyrdyń 90-shy jyldarynda jer astynan jik shyǵarǵan, keıbireýler soltústik oblystardaǵy aǵaıynnyń tatýlyǵyna qol suqpaq bolǵan, qazaq jerine kóz alartqan. Elbasy el astanasyn Alataýdyń ­baýraıynan Saryarqanyń tósine kóshirip ákelgende úlken qatelik dep qabyldaǵan jurt búginde qandaı dana­lyq dep tańdanady. Sóıtken Astana kúnine Ońtústik úlken tartý jasaǵan. Aınaldyrǵan eki-úsh kúnde 75 jańa nysannyń tusaýyn kesti. Shólirkep otyrǵan aýyldarǵa sý bardy, myńdaǵan otbasy kógildir otyn jaǵyp, ys basqan peshten qutylady. Áleýmettik nysandar aıqara esik ashty. Astanaǵa osylaı tartý jasaǵan ońtústikqazaqstandyqtar 6 shilde kúnin de laıyqty merekeledi. Arqadaǵy aǵaıyn kún ystyǵy 40 gradýstan asyp, qara qarǵanyń mıyn atala qylǵan aptapty Ońtústikte muz degen bolmaıdy dep oılaıtyn shyǵar. Olaı emes, Astana kúnine «MegaShymkent» ortalyǵynda muzda mánerlep syrǵa­naýdan qyzyqty jarys ótti. Abaı saıabaǵynda tennıs kortynda jarys bolsa, Shymkent zoobaǵy balalarǵa ashyq esik kúnin uıym­das­tyrdy. «Imran» saýda úıiniń sport alańshasynda basketboldan jarys ótse, Abaı, Jeńis saıabaqtary men Seıdolla Báıterekov atyndaǵy alleıada kópshilik serýen, sporttyq oıyndar ótti. Merekelik sherý keshki saǵat 20-da jańa ákimshilik-iskerlik ortalyq alańynda óner juldyzdarynyń qaty­sýymen ótken «Jan júregim – Astana» gala-konsertine ulasty. Aýdan, qala ortalyqtary da osylaısha merekeledi. Búkil qazaqstandyqtardyń ortaq qýanyshyna aınalǵan Astana kúni ulystyń uıytqysy atanǵan Ońtústikte osylaısha toılandy.