22 qazanda bolatyn Senattyń otyrysynda on úsh zań jobasyn qaraý josparlandy. Senat Tóraǵasy Qasym-Jomart Toqaev jáne palata bıýrosynyń músheleri qabyldaǵan qaýlyǵa sáıkes, osyndaı sheshim qabyldandy, dep habarlady Senattyń baspasóz qyzmeti.
Depýtattar qaraýyna ShYU aıasyndaǵy halyqaralyq avtomobıl tasymaldary úshin qolaıly jaǵdaılar jasaý týraly úkimetaralyq kelisimdi jáne Esirtki, psıhotroptyq zattar men olardyń prekýrsorlarynyń úlgilerin berý tártibi týraly kelisimdi ratıfıkasııalaý jobasy shyǵarylady.
Depýtattar «Qazaqstan Respýblıkasynyń memlekettik qyzmeti týraly», «Qazaqstan Respýblıkasyndaǵy saılaý týraly», «Qaıyrymdylyq týraly», «Aqparatqa qol jetkizý týraly» jáne zańnamaǵa memlekettik qyzmet máseleleri boıynsha túzetýlerdi qarady.
Odan basqa, zańnamaǵa Qazaqstan Respýblıkasynyń azamattaryna, oralmandarǵa jáne turýǵa yqtııarhaty bar adamdarǵa olardyń múlikti jarııa etýine baılanysty raqymshylyq jasaý máseleleri boıynsha ózgerister men tolyqtyrýlardy birinshi oqylymda talqylaý josparlandy. Sondaı-aq, jeke tulǵalardyń kiristeri men múlkin deklarasııalaý, ońaltý jáne bankrottyq, bıýdjet zańnamasyn jetildirý, qaıyrymdylyq, aqparatqa qol jetkizý máseleleri boıynsha túzetýler birinshi oqylymda qaralady.
Bıýroda, sondaı-aq, taıaýda Májilisten túsken tórt zań jobasy Senattyń turaqty komıtetterine bólindi.