ASTANA. 5 sáýir. «Irak jáne Levanta ıslam memleketi» (ILIM) tobyrynyń sodyrlary ózderiniń álem mádenıetiniń muralaryn qıratýǵa baǵyttalǵan jabaıy jıhadtaryn odan ári jalǵastyrýda. Bul týraly «Altapress.rý» habarlady.
Vandaldardyń qıratqysh qoldary bul joly Iraktaǵy Hatra degen kóne qalanyń ornyna jetti. Ol bizdiń dáýirimizge deıingi III ǵasyrda tirshilik etýin toqtatqan Parfııa patshalyǵy iri shaharlarynyń biri bolatyn. Qala sondaı-aq birinshi arab koroldiginiń astanasy bolǵan edi.
Sodyrlar Hatrany ótken aıdyń ishinde basyp aldy. Sol kezdiń ózinde-aq onyń ejelden beri saqtalyp turǵan sáýletine eleýli zaqym keltirilgeni aıqyn boldy. Biraq onyń is júzinde qanshalyqty búlinshilikke ushyraǵanyn bilýdiń oraıy kele qoımady.
https://youtu.be/ONjPPO7pQKs
Al qazir «Islam memleketiniń» munda ne istep, ne qoıǵandaryn kórsetetin vıdeo-rolık Internette jarııalanyp otyr. Oǵan qarap IýNESKO-nyń búkilálemdik muralar tizimine kirgen Hatranyń qandaı kúıge túskenin baıqaýǵa bolady.
«Vıdeodan sodyrlardyń biriniń Hatrany «Islam memleketiniń» joıyp jibergenin, sebebi, oǵan jurttyń «qudaı ornyna tabynyp ketkenin» aıtyp turǵany anyq estiledi», - dep jazady theartnewspaper.ru.
Murat Aıtqoja.
Mánbe, sýret, vıdeo: Altapress.rý.