Saryaǵash qalasynyń turǵyndary endi aýyz sýdy kestemen emes, táýlik boıy úzdiksiz tutyna alatyn boldy. Osy ýaqytqa deıin shahar jurtshylyǵyna tirshilik nári belgili bir ýaqytta ǵana beriletin. Sýdan taryqqan kezderde kópqabatty úı turǵyndary taza sýdy tasyp ishse, qala shetinde turatyn otbasylarǵa múldem qıyn edi.
Aýyz sýdyń mashaqaty Saryaǵashta 6 myń tekshe metr taza sýdy syıdyra alatyn rezervýardyń iske qosylýynyń arqasynda joıylmaq. Nysan tolyq qýatynda jumys istegen kezde 113 myń turǵyny bar Saryaǵash qalasy men aýdandaǵy 10 aýyl aýyz sýmen táýlik boıy qamtamasyz etiletin bolady.
Aıta keteıik, Saryaǵash aýdanyndaǵy 154 eldi mekenniń 65-i taza aýyz sýdy ortalyqtandyrylǵan qubyr arqyly tutynady. Birer jylda aýyz sýdan taryǵyp otyrǵan 49 aýylda bul másele sheshiledi dep josparlanyp otyr. Qazir osy eldi mekenderdiń jer asty sý qory zerttelýde. Jumystar bitken soń aýyldardan arnaıy uńǵymalar qazyla bastaıdy.
«Egemen-aqparat».