ASTANA. 11 qańtar. Jańa jyl qarsańynda árbir shańyraqta merekelik dastarhan jaıylyp jatsa, Qazaqstannyń barlyq kazarmalarymen qatar jańa jyldyq túnde jaýyngerlik kezekshilikti atqaratyndar da bar. Qazaqstannyń Qarýly Kúshterinde narıadtar men qaraýyldar mereke kúni de ótkeriledi. Bul týraly egemen.kz tilshisi habarlady.
Otandastarymyz jańa jyldy alańsyz merekelep, elimiz ben halqymyz senimdi kúzet pen qorǵaýda bolýy úshin áskerı qyzmetshiler jerde jáne áýede ózderiniń qyzmetterin jalǵastyrýda.
Bıylǵy jyly alǵash ret Jańa jyl qarsańynda Qazaqstan Respýblıkasy Qarýly Kúshteri ÁQK Áskerı-áýe kúshteriniń ushqyshtary aspanda ushý arqyly eldi quttyqtady.
Dástúr boıynsha jyl saıyn Jańa jylda bólimshe komandırleri áskerı qyzmetshilerge tilek-lebizderin bildirip jatatynyn aıta ketken jón. Jańa jyldyq abyr-sabyr, kúıbeń tirshilikke qaramastan, qazaqstandyq armııanyń áskerı bólimderinde úıdegideı jaıly bolý úshin merekelik kóńil-kúı syılaýǵa tyrysady.
Dastan Kenjalın.
Derek, sýret, beıne: Qazaqstan Respýblıkasy Qorǵanys mınıstrligi.