KО́KShETAÝ. 11 qańtar. Stepnogor qalasynyń Zavodskoı kentindegi meshitten órt shyqty. Bul týraly Aqmola oblystyq tótenshe jaǵdaılar departamentiniń baspasóz qyzmeti habarlady.
Dzerjınskıı kóshesiniń boıyndaǵy meshit 30 adamǵa shaqtalǵan. О́rt týraly qalalyq ishki ister bólimine tańǵy aýysymǵa bara jatqan jumysshylar habarlaǵan kórinedi. «Tilsiz jaýdy» quryqtaýǵa tótenshe jaǵdaılar qyzmetinen 10 adam men 2 arnaıy tehnıka, «Stepnogor taý-ken hımııa kombınaty», «Stepnogor podshıpnık zaýyty» aksıonerlik qoǵamynan 6 adam men 2 tehnıka jumyldyrylǵan.
Oqıǵa qańtardyń 10 kúngi tańǵy 06.05 mınýttar shamasynda oryn alǵandyqtan zardap shekkender joq. Áıtkenmen, meshittiń 100 sharshy metr aýmaǵyna zalal ketirilgen. Qazir tıisti organdar órttiń shyǵý sebepterin anyqtaý ústinde.
Baqbergen Amalbek.
Derek, sýret: Aqmola oblystyq tótenshe jaǵdaılar departamentiniń baspasóz qyzmeti.