ASTANA. 11 qańtar. Búgin VTB Biryńǵaı lıgasynda el namysyn qorǵaıtyn «Astana» basketbol komandasy óz alańynda Reseıdiń «Hımkıin» qabyldap, 74:108 esebimen ese jiberdi. Bul týraly egemen.kz tilshisi habarlady.
Astana qalasyndaǵy «Saryarqa» velotreginde ótken kezdesýde qonaqtardyń basymdyǵy anyq baıqaldy. Nátıjesinde birinshi kezeńde «Hımkı» 27:16 esebimen basym tústi. Oıynnyń ekinshi bóligi de reseılikterdiń paıdasyna 23:17 esebimen aıaqtaldy. Tek úshinshi kezeńde ǵana Ramýnas Býtaýtastan tálim alatyn «Astana» basketbolshylary qarsylastaryn qapy qaldyryp, 26:22 esebimen jeńiske jetti. Osylaısha, úsh kezeńnen keıingi jalpy eseptegi aıyrmashylyqty 13 upaıǵa deıin (72:59) qysqarta aldy.
Alaıda, bizdiń komanda bul qarqynyn sońǵy on mınýttyqta saqtap qala almady. Qaıta bul bólikte astanalyqtar bar bilgeninen jańylyp, qarsylastaryna 15:36 esebimen jol berdi.
Búginde «Astana» 14 týrdyń qorytyndysy boıynsha týrnır kestesinde 14-orynda tur. Elordalyqtar kelesi kezdesýin 17 qańtar kúni óz alańynda «Nıjnıı Novgorodpen» ótkizedi.
Elaman Qońyr.
Derek: egemen.kz.
Sýret: bcastana.kz.