Jańa jyldyń aldynda Tehastaǵy aýrýhanada 83-ke qaraǵan shaǵynda Elızabet Lerd degen kempir qaıtys boldy. Búgingi kúnniń ózinde Aq úıdiń saıtynda álgi keıýanany medalmen marapattaý týraly petısııaǵa 90 myńnan astam adam qol qoıypty. Sonda bul amerıkalyq ájeı ne bitirgen deseńizshi?!
Fort Hýd degen áskerı bazanyń mańynda turatyn Elızabet Lerd 2003 jyldan beri Aýǵanstan men Irakqa áskerı operasııalardy oryndaýǵa attanǵan amerıkalyq sarbazdary shyǵaryp salyp, qarsy alýdy daǵdyǵa aınaldyrypty. Shyǵaryp salyp, qarsy alǵanda keıýana sarbazdardy mindetti túrde qushaǵyna alady eken. On eki jyldyń ishinde ol jarty mıllıonǵa jýyq jaýyngerdi qushaqtapty. Sol sebepti keıýana «Qushaqtaǵysh kári shesheı» (the hug lady) degen atqa ıe bolǵan.
О́tken jyldyń qarasha aıynda Elızabet Lerd óziniń súıikti orny – jergilikti áýejaıdan tabylmady. Sóıtse, keıýana aýyr naýqaspen aýrýhanaǵa túsken eken. Muny estigen áskerıler medısınalyq mekemege qaraı aǵylady. О́limge ketip bara jatqandarynda kári shesheı olardy qushaqtaýshy edi, endi olar ólim aýzynda jatqan kempirdi qushaqtaıtyn bolypty. Budan bólek, áskerıler em-domnyń qajetine dep sanaýly kúnniń ishinde 93 myń dollar jınaǵan. Biraq ta Rojdestvo merekesiniń qarsańynda álgi kempir dúnıe saldy. Kózi tirisinde odan sarbazdardy ne úshin qushaqtaısyz dep suraǵan eken. «Qudaı olardy dalada tastamaıtynyn bilip júrý úshin», – dep jaýap beripti qushaqtaǵysh kári shesheı.
Qaırat ÁBILDINOV,
«Egemen Qazaqstan».
QARAǴANDY.