Jemisti jyldyń jetistikteri

2015 jyl elimizdegi arnaıy eko­nomıkalyq aımaqtar úshin jemisti jyl boldy. О́tken jyldyń qorytyndysy boıynsha AEA-da jalpy quny 88 mıllıardtan asatyn 17 iri joba júzege asyryldy. Osy jobalar tolyq kúshine en­gennen keıin, el turǵyndaryn eki myńnan astam jumys ornymen qamtamasyz etýge múmkindik bolady. Bul jóninde Prezıdent ja­nyndaǵy Ortalyq kommýnıkasııa­lar qyzmetinde ótken baspasóz jıynynda «KAZNEX INVEST» AQ basqarma tóraǵasynyń orynbasary Almas Aıdarov málim etti. Onyń aıtýyna qaraǵanda, qazirgi tańda AEA-lar boıynsha jalpy quny 2,3 trln.teńgeden asatyn 166 joba iske asqan. Olardyń ishinde 34 iri jobalar sheteldik ınvestorlarmen birlesip jasalǵan. Iske qosylǵan iri jobalar qataryna quny 40 mlrd.teńge bolatyn Qurǵaq port, quny 16,8 mlrd.teńge bolatyn munaı koksin qyzdyrýdy ornatý jáne sıntetıkalyq jip shyǵarý men polımerlik ónim óndirý, sondaı-aq, quny 6 mlrd.teńge bolatyn elektrondy bólshekter óndirý jobalary kiredi. Sonymen qatar, Memleket basshysynyń kópshilikke jol tartqan «100 naqty qadam» Ult josparynda aıtylǵan ınves­tısııa tartý máselesi de arnaıy ekonomıkalyq aımaqtarda ın­vestorlar tartýdaǵy bas­ty alań retinde úlken ról at­qa­ra­dy. Bul rette ótken jyldyń osy sala tóńiregindegi jaqsy jańa­lyǵy Elbasynyń «Qazaqstan Respýblıkasyndaǵy arnaıy eko­nomıkalyq aımaqtardy jetil­dirý máseleleri boıynsha birqatar zańnamalyq aktilerge ózgerister men tolyqtyrýlar engizý týraly» Zańǵa qol qoıǵandyǵy edi. AEA qatysýshylarynyń, son­daı-aq, basqarý organdarynyń qyz­metin jetildirýge baǵyttalǵan zań arqyly eldiń ekonomıkalyq áleý­­etin arttyrýǵa múmkindik týmaq. Al atalǵan Zańdy iske asyrý úshin ondaǵy 16 normatıvtik aktilerge ózgerister men to­lyq­tyrýlar engizý josparlanyp otyr. Normatıvtik quqyq­tyq aktiler ázirlenip, olar akkredıttelgen uıymdar men mem­lekettik organdarǵa kelisýge joldanǵan. Bul zań qoldanystaǵy artyqshylyqtardy alýdaǵy quqyqtyq kedergilerdi joıýǵa jáne damýdyń jańa tásilderin en­gizýge, áleýetti ınvestorlar úshin qolaıly klımat týdyrýǵa, AEA satyly quralyn jetildirýge, basqarýshy kompanııalardyń AEA qyzmetindegi rólin arttyrýǵa baǵyttalǵan. Jáne de zań aıasynda AEA aýmaǵynda qyzmettiń basym túrlerin anyqtaý resimderin jetildirý, salyq zańnamasynyń turaqtylyǵyn ornatý, jer ýchas­kelerin jeńildikpen paıdalaný merzimin AEA áreket etý mer­zimine teńestirý jáne basqa da redaksııalyq túzetýler sekildi tujyrymdamalyq ózgeristerdi qarastyrady. Qazirgi tańda «Býrabaı», «Oń­tústik», «Saryarqa» AEA ın­fraqurylymynyń, «Aqtaý Teńiz porty» AEA 2 sýbaımaǵynyń qurylysy tolyǵymen aıaqtaldy. Sonymen qatar, aldaǵy josparlar boıynsha, A.Aıdarov 2016-2017 jyldary AEA qataryndaǵy «Qorǵas-Shyǵys qaqpasy», «ITP», «Astana» jáne «Taraz Hımparki» qurylysy aıaqtalady dep kútiletinin jetkizdi. Hımııa jáne munaı hımııasy salasy nysandarynyń biregeıligine baılanysty «UIMT» men «Pavlodar» AEA-larda ınfraqurylym qurylysy 2018-2019 jyldary aıaqtalatynyn atap ótti. Jalpy alǵanda, 2020 jylǵa deıin barlyq qoldanystaǵy AEA ınfraqurylymyn jasaý aıaqtalatyn bolady. Búgingi tańda arnaıy ekonomıkalyq aımaqtarda 103 joba júzege asyrylý satysynda. Turaqty túrde AEA basqarma organdarynyń qyzmetin jaqsartý jóninde jumystar júrgizilýde. О́tken jyly «ITP», «Saryarqa», «Aqtaý teńiz porty», «Ońtústik», AEA basqarý organdarynda halyqaralyq standarttar boıynsha basqarýdyń biryńǵaı jańa modelin engizý bastaldy. Bıyl jalpy somasy 500 mlrd.teńgeni quraıtyn 53 jobany iske qosý josparlanyp otyr. Elmıra MÁTIBAEVA, «Egemen Qazaqstan».