Qýatty kásiporynnyń qoldaýy

2015 jylǵy mamyr­da Aty­raý­­da nóser jań­byrdan birneshe ot­basy zardap shekken bo­­la­tyn. Bas­­­panalary ja­ramsyz bolyp, qı­nal­ǵan jandarǵa aldymen «Embi­munaıgaz» ak­sıo­nerlik qoǵamy kómek­tesýge uıǵarym jasady. Naqtylaı aıt­qan­da, turýǵa jaramsyz dep tanylǵan bir bas­pa­nany tolyǵymen qaı­ta turǵyzyp, tórt úıdi kúrdeli jóndeýden ótkizdi. Osy maqsat úshin «Embi­munaı­gaz» AQ orta­lyq apparatynyń ma­man­dary bir kúndik jalaqylaryn, ıaǵnı 18 mln. teńgeni «Embi-Demeý» qoryna aýdardy. Al qurylys jumystaryn júrgizýge jaýapty merdiger mekeme anyqtaldy. Jı­nalǵan qarajatqa jalǵyzbasty zeınetker Qalym Qur­manovtyń buzylǵan eski baspanasynyń orny­na jańa úı salynyp, kóp­balaly otbasy jáne tár­bıesinde múmkin­digi shek­­teý­li balalary bar Ju­ma­­gúl Kópbergenova, Re­nat Saparov, Lıdııa Ot­­- ten­baher, Áı­gerim Sú­leı­­menovalar­dyń bas­­panalary kúrdeli jón­deýden ótkizildi. – «Embimunaıgaz» AQ Atyraý obly­sy turǵyndary al­dyn­daǵy áleýmettik ja­ýapkershiligin jete túsinedi. О́ndiris alańdary ornalasqan aımaqtardyń ınfra­qurylymynyń damýyna úles qosyp, kómekke zárý jandarǵa áleý­mettik qoldaý kórsetýde. Kásiporyn oblystyq ákimdikpen yntymaqtastyq memo­randýmynyń aıasynda qaıyrymdylyq sharalaryna aýqymdy demeýshilik kórsetip ke­ledi. Atyraýdaǵy №1 Qazybaev atyndaǵy mek­tep-ınternattyń tár­bıe­lenýshilerin, soǵys ardagerlerin, múgedekter uıymyn, múmkindigi shek­teýli balalarǵa ar­nal­ǵan medısınalyq orta­lyqtardy qam­qor­lyqqa aldy, – deıdi «Embimunaıgaz» AQ bas dırektorynyń oryn­basary Rysty Tas­ma­ǵam­betova.  Joldasbek ShО́PEǴUL, «Egemen Qazaqstan». ATYRAÝ.