Uly armanǵa jeteleıdi

Elbasynyń «Ult Jospary – qazaqstandyq armanǵa bastaıtyn jol» baǵdarlamalyq maqalasyn elimizdegi barsha halyqty bir maqsat jolynda judyryqtaı jumyldyryp, ortaq iske, ortaq bolashaqqa bastaıtyn bastama retinde qabyldap otyrmyz. Byltyr 26 sáýir kúni Qazaq­stan halqy óziniń jarqyn bola­shaǵy úshin asa mańyzdy, tarı­hı tańdaý jasap, Qazaqstan Res­pýblıkasy­nyń Prezıdenti etip zamannyń da, ýaqyttyń da, halyq­tyń da tań­daýy túsken tulǵa Nursultan Nazarbaevty saılaǵan bolatyn. Saılaý ótken boıdan Elbasy 5 ınstıtýttyq reforma jasaýdy kózdeıtin «100 naqty qadam» Ult Josparyn usynǵan edi. Memleket basshysy Ult Josparynda Táýelsiz Qazaqstannyń bolashaqqa il­gerileıtin 100 qadamyn naqty belgilep, elimizdegi jańǵyrtý úderisiniń jańa paradıgmasyn usyndy. Al bıylǵy 1 qańtardan bastap «5 ınstıtýttyq reformany júzege asyrý boıynsha 100 naqty qadam» – Ult Josparyn oryndaýdyń praktıkalyq kezeńi bastaldy. Parlament memleket, ekonomıka jáne qoǵamdy damytýǵa arnalǵan 59 zań qabyldap, ulttyq zańnamaǵa tarıhymyzda buryn-sońdy bolma­ǵan ózgerister engizildi. Munyń barlyǵy bizdiń qazaqstandyq armanymyz – HHI ǵasyrda kóshbasshy otyz ulttyń biri bolýǵa qol jetkizýge baǵyttalǵan. Eń bastysy, bes reformanyń árqaısysy boıynsha is-qımyldyń jol kartasy jasalynyp, olardy dáıektilikpen júzege asyrý josparlanǵan. Memleketimizde júrgiziletin osy ınstıtýttyq refor­malardyń basty mazmuny – eldi biriktirýshi qundylyqtardy negiz etken «Máńgilik El» ıdeıasy. «Máńgilik El» ıdeıasy aıasynda qoǵamda jańasha ıdeologııalyq sana qalyptastyrý qajettiligi týyndaýda. Eldi biriktirýshi qundylyqtar degenimiz – ádildikke negizdelgen azamattyq qoǵam qurý, bilim alý, eńbeksúıgishtik, zaıyrlylyq pen tózimdilik, adamshylyq, ıman­dy­lyq. Elbasy «Eldi biriktirýshi ortaq qundylyqtardy etnostyq minez-qulyq model­derinen joǵary qoıýǵa qol jetkizýimiz kerek» degen bolatyn. Azamat­tyq qoǵam da osyndaı ortaq adam­zattyq qundylyqtarǵa súıe­ne qurylýy qajet. Osy rette «Adamzattyń bárin súı baýyrym dep» degen danyshpan hakim Abaıdy tyńdaǵanymyz jón. Mundaǵy basty ıdeıa – elimiz­degi ulttardy biriktiretin ortaq, birtutas bolashaqqa qadam basý. Qazaq halqy memleketti quraýshy ult retinde «Birtutas bolashaq» ıdeıasy aıasynda óz aınalasyna ózge ult ókilderin toptastyryp, birlikke shaqyrýy, bolashaqqa birge jospar qurýdy úılestirýi qajet. Reformanyń taǵy bir baǵyty – ashyq, transparenttik memleket qurý. Iаǵnı, memlekettik uıymdar men qurylymdardy qarapaıym halyqpen jaqyndastyrý. Halyq­qa esep berýshi, halyqtyń aldynda tikeleı jaýapty memleket qalyptastyrý. Bul baǵyttaǵy josparlar oryndalǵanda árbir azamat qoǵamdaǵy barlyq is­terge aralasyp, memlekettegi óziniń rólin naqty sezinetin bolady. Sondyqtan, Elbasynyń azamattyq qoǵam ókilderiniń bıýdjet qarjysyn bólýge qaty­sýyn, qoǵamnyń ózin-ózi retteýin engizýdi, azamattyq qoǵam ınstıtýttaryna bılik ókilettilikterin bere otyryp, memlekettik organ­­dar­dyń aralasý aımaǵyn qysqartý týraly aıtqandarynyń mańyzy zor. Elbasy «Ult Jospary – qazaq­standyq armanǵa bastaıtyn jol» baǵdarlamalyq maqalasynda «Biz kóptegen synaqtarǵa abyroıly tótep berdik, shynyqtyq, rýhymyzdy kúsheıttik. Biz jańa Qazaqstandy – Uly Dala elin qurdyq. Ult Josparyn oryndaı otyryp, biz ózimizdiń Ulttyń О́rleý Dáýiriniń kókjıekterin keńeıtemiz, ózimiz Táýelsizdik jyldary ishinde qol jetkizgen jáne bizge jahandyq damý bergen barlyq múmkindikterdi paıdalanamyz... Biz Qazaqstannyń osynaý tarıhı taǵdyryna senemiz. Biz ózimizdiń qazaqstandyq arma­nymyzdyń oryndalýyna jáne Qazaqstannyń órkendeýine senimdi túrde qol jetkizetin bolamyz!», – dep aıqyndaı túsken. Sondyqtan júzege asyrylatyn Ulttyq Jospardy el yrysyn eselep arttyrýǵa, eko­nomıkamyzdyń damý qarqynyn ósirip, halyqtyń ál-aýqat deń­­­geıin kóterýge, basqarý júıesiniń ádilettiligi men zańnyń ústemdigin qalyptastyrýǵa, bi­lim men ǵylymnyń damýyna, elimizdiń yntymaǵynyń, bir­­tektiliginiń, Otansúıgishtik rýhynyń kemeldenýine bastaıtyn baǵdarlama retinde qabyldap, ony júzege asyrýǵa jumyla kirisýimiz qajet. Baýyrjan ELEÝSINOV, «О́rleý» BAUO AQ fılıaly Qyzylorda oblysy boıynsha pedagogıkalyq qyzmetker­lerdiń biliktiligin arttyrý ınstıtýtynyń dırektory, professor. QYZYLORDA.