ASTANA. 15 qańtar. Álemniń eń úzdik fýtbolshysy, bes dúrkin «Altyn doptyń» ıegeri Lıonel Messı 2020 jyly Birikken Arab Ámirlikteriniń Dýbaı qalasynda ótetin EKSPO-2020 halyqaralyq kórmesiniń resmı túrde erikti elshisi atandy. Bul týraly thenational.ae saıtyna silteme jasaǵan egemen.kz tilshisi habarlady.
EKSPO-2020 kórmesiniń bas dırektory, memlekettik mınıstr Rım al-Hashemıdiń aıtýynsha, Messıdiń qatysýymen sharanyń bedeli artyp, oǵan qyzyǵýshylar qatary kóbeımek.
«Lıonel Messıdiń oıynyn kózben kórý, ol óner kórsetetin «Barselona» klýbynyń matchtaryn stadıonnan tamashalaý kez kelgen fýtbol jankúıeriniń armany desek, artyq emes. Osyndaı dańqty tulǵanyń Dýbaıda ótetin EKSPO-nyń seriktesi bolýy biz úshin úlken maqtanysh. Endi bul kórmege qyzyǵýshylar sapyna tek belgili bir salanyń mamandary emes, jastar da qosylady dep senemin», – dedi bas dırektor.
Sonymen qatar, Rım al-Hashemı kórmeniń sheńberin keńeıtý maqsatynda aldaǵy ýaqytta Messı syndy sportpen qatar, ónerde, mádenıette jáne basqa da salada aty shyqqan adamdar elshilikke tartylatynyn aıtty.
Elaman Qońyr.
Derek: thenational.ae.
Sýret: facebook.com.