PAVLODAR. 23 qańtar. «Baýyrsaq» dúkeni oblys ortalyǵyndaǵy «Saǵyp» sharýa qojalyǵynyń bastamasymen ashyldy. Bul týraly egemen.kz tilshisi habarlaıdy.
О́tken jyly Máskeýde «Qazaqstandyq taýarlar men ónimder» kórmesinde Reseı naryǵyna «Saǵyptyń» ónimderin satý úshin eki jaqty memorandým jasalǵan bolatyn. Nátıjesinde reseılik naryqqa óz taýarlaryn eksporttaý maqsatynda atalǵan sharýa qojalyq qurt jasaýdy óndiristik jobalar qataryna engizdi. Qojalyq basshysy Tóleý Qushmanovanyń aıtýynsha, máskeýlikter 50 keliden astam qurtqa tapsyrys beripti. Qytaılyqtar da qurtqa, baýyrsaqqa suranys tanytýda. Bul kúnderi sharýashylyq «QazAgro» Ulttyq basqarýshy holdıngi arqyly 100 bas mal satyp alypty. Qys mezgilinde 20 keli ashy jáne tátti qurt shyǵarylady. Kelisi 2 myń teńge.
Aıta keteıik, Astanada da qojalyq jasaıtyn ulttyq taǵam ónimderi satylýda. Jalpy, kásiporynnyń táýligine 1 tonna, aptasyna 5 tonna qymyz óndirýge múmkindigi bar. Qymyz sehtarynda 30-ǵa jýyq bilikti maman eńbek etýde. Zamanaýı qurylǵy qymyzdy 0,3, 0,5 jáne 1 lıtrlik shyny shólmekterge quıyp shyǵarýda.
Farıda Byqaı.
Derek, sýret: egemen.kz.