ASTANA. 24 qańtar. Jambyl oblysy Turar Rysqulov aýdanynan 3 shaqyrym jerde ornalasqan Sadyhan qystaýynda tikushaq apatqa ushyrap, 1 adam zardap shekti. Bul týraly mail.ru-ǵa silteme jasaǵan egemen.kz habarlady.
Ishki ister mınıstrligi tótenshe jaǵdaılar jónindegi komıtetiniń resmı ókili Rýslan Imanqulovtyń habarlaýynsha, apatqa ushyraǵan Mı-2 tikushaǵynan 1 adam zardap shekken. Ol: «Ázirge zardap shekken adamnyń kim ekeni belgisiz. Al tikushaq «Jańa álem» jaýapkershiligi shekteýli seriktestigi avıakompanııasyna tıesili. Aldyn ala boljam boıynsha áýe kóliginiń bortynan órt shyqqan bolýy múmkin», – dedi. Sondaı-aq, resmı ókil tikushaqtyń ushýǵa jaramdylyǵyn men apattyń saldary jan-jaqty tekserilip jatqanyn, tolyq málimet anyqtalǵannan keıin taratylatynyn jetkizdi.
Aıta keteıik, áýe kóligi keshe keshke apatqa ushyraǵan bolatyn. Qazirgi tańda oqıǵa ornynda quqyq qorǵaý salasynyń qyzmetkerleri tekserý jumystaryn júrgizýde.
Talǵat Raıymbek.
Derek, sýret: mail.ru.