KО́KShETAÝ. 24 qańtar. Aqmola oblystyq ishki ister departamentiniń qyzdary ózi týyp, ony kósheden taýyp alǵan ózgeniń nárestesi retinde kórsetpek bolǵan qyzdyń teris áreketin áshkereledi. Bul týrady oblystyq ishki ister departamentiniń baspasóz qyzmetine silteme jasaǵan egemen.kz tilshisi habarlady.
Oqıǵa bylaı bolǵan. Bıylǵy jyldyń 19 qańtarynda Selınograd aýdandyq ishki ister bólimine osy óńirdegi eldi mekenderdiń birinde turatyn 20 jasar azamatsha habarlasyp, úıdiń alańynda qatyrma qorapqa salynǵan áıel jynysty jańa týǵan náresteniń jatqanyn kórgenin jetkizedi.
Biraq onyń bul «qýlyǵynyń» adymy tym qysqa boldy. Polısııa qyzmetkerleri shuǵyl júrgizilgen jedel sharalardyń nátıjesinde bóbekti habar berýshi azamatshanyyń ózi týǵanyn anyqtady. Ol óziniń júktiligi men ózdigimen bosanǵanyn jasyrý úshin ishki ister organdaryna kórineý jalǵan shaǵym bildirgen bolyp shyqty.
Qazir osy iske qatysty sotqa deıingi óndiris qozǵalyp, tergeý júrgizilýde. Azamatshanyń is-áreketinde kórineý jalǵan shaǵym aıtý jáne balalardyń ómiri men densaýlyǵyn saqtaýdy qamtamasyz etý boıynsha mindetterdi laıyqsyz oryndaý belgileri qarastyrylady.
«Qazirgi tańda náreste men anasy dárigerlerdiń qaraýynda», - delingen habarlamada.
Baqbergen Amalbek.
Derek: Aqmola oblystyq ishki ister departamentiniń baspasóz qyzmeti.