TARAZ. 26 qańtar. Taraz qalasyndaǵy birqatar dúkenderde tegin nan taratyla bastady. Bul týraly Jambyl oblysy ákiminiń baspasóz qyzmeti habarlady.
Atalǵan shara «Kásipkerler qamqorlyǵy» aksııasy aıasynda júrgizilýde. Taraz qalasynda búginnen bastap asa muqtaj jandar áleýmettik dúkenderden tegin nan ala alady. Mundaı bastama kásipkerlerdiń tarapynan úlken qoldaýǵa ıe boldy. Tegin nan 5 azyq-túlik dúkeni men 10 áleýmettik dúńgirshekke 100 bólkeden qoıylǵan.
Aksııanyń maqsaty -- áleýmettik kómekke zárý, qamqorlyqty qajet etetin otbasylar men zeınetkerlerge kómek kórsetý. Bolashaqta bul sharaǵa aýdandardaǵy kásipkerler de úles qosady dep kútilýde.
Oralhan Dáýit.
Derek, sýret: egemen.kz