TALDYQORǴAN. 26 qańtar. Qalyptasqan dástúr boıynsha Jetisý jerinde jyr alyby Jambyl Jabaevtyń 170 jyldyǵyna arnalǵan ıgi sharalar bastaldy. Bul týraly egemen.kz tilshisi habarlady.
Aqynnyń týyp-ósken aýylynda bıyl da mektep oqýshylarynyń bastaýymen ádebı aılyq jarııalandy. Negizgi maqsaty – aqynnyń shyǵarmashylyǵyn nasıhattaý, jastardy qazaq ádebıeti men tarıhyn, mádenıetin bilýge talpyndyrý boldy. Álbette, oqýshylar Jambyl Jabaevtyń eskertkishiniń aldyna gúl shoqtaryn qoıdy. Ádebı kesh uıymdastyryp, búldirshinder abyz aqynnyń jyrlaryn jatqa oqydy. Jambyl Jabaevtyń mýzeıin aralap, aqynnyń kózin kórgen jandarmen júzdesip, estelikterin tyńdady. Oqýshylar, ásirese, Jambyl Jabaevtyń shóberesi Máýlen Qojashevpen tildesýden erekshe áser alǵany otty janarlarynan aıqyn kórinip turdy.
Nurbol Áldibaev.
Derek, sýret: egemen.kz