TARAZ. 26 qańtar. Jambyl oblysynyń ákimi Kárim Kókirekbaevtyń tóraǵalyǵymen jumysshylardyń eńbek quqyǵy men kepildigin qamtamasyz etý máselesine qatysty jıyn ótti. Bul týraly egemen.kz tilshisi habarlady.
Jıynǵa Aýyl sharýashylyǵy mınıstrliginiń komıtet tóraǵasy, iri kásiporyndardyń basshylary men kásipodaq komıtetiniń tóraıymy qatysty. Basqosýda jumysshylardyń áleýmettik jáne eńbek quqyqtaryn qamtamasyz etý, jumys oryndaryn qysqartpaý joldary talqylandy. Jıyn sońynda oblys ákimdigi, kásiporyn basshylary, kásipodaq komıteti jáne ulttyq kompanııalar ózara yntymaqtastyq týraly eki baǵyttaǵy birneshe memorandýmdarǵa qol qoıdy.
Birinshi, jumysshylardyń eńbek quqyqtary men kepildigin qamtamasyz etý baǵytyndaǵy yntymaqtastyq jáne ekinshi óndiris barysynda jergilikti jáne qazaqstandyq úlesti qamtamasyz etý.
Barlyǵy 16 memorandým bolsa, sonyń ishinde altaýy iri kásiporyndaǵy jumysshylardyń eńbek quqyqtaryn qamtamasyz etýge baılanysty. Atalǵan kásiporyndarda barlyǵy 20 000 myńnan astam jumysshy eńbek etedi.
Al, qalǵan 10 memorandým óndiris barysynda jergilikti jáne qazaqstandyq úlesti qamtamasyz etýge arnalǵan. Atalǵan memorandýmdardyń jalpy quny shamamen 28,1 mlrd teńge.
Sondaı-aq, óńirde jumysshylar men kásipodaq arasyndaǵy baılanysty nyǵaıtý, jumysshylardyń eńbek quqyqtaryn qamtamasyz etýge baılanysty kásiporynmen memorandýmǵa qol qoıý óz jalǵasyn tabatyn bolady.
Búgingi tańda Jambyl oblysynda 3952 kásiporyn bolsa, onyń 1721-simen nemese 43,5 paıyzymen ujymdyq kelisim shart jasalǵan.
Oralhan Dáýit.
Derek, sýret: egemen.kz