ASTANA. 26 qańtar. «Syrǵalym» telehıkaıasy «Tatarstan – Novyı vek» (Reseı) telearnasyna satyldy. Bul týraly «Qazaqstan» RTRK» AQ baspasóz qyzmetine silteme jasaǵan egemen.kz tilshisi habarlady.
«Syrǵalym» endi tatar tilinde de sóıleıdi. «Qazaqstan» RTRK» AQ baspasóz qyzmetiniń habarlaýynsha, sheteldik televızııa mamandary 48 serııaly hıkaıaǵa qyzyǵýshylyq tanytyp, endi ol Reseıdiń reıtıngi joǵary telehıkaıalarymen básekege túsedi.
«Qazaqstan» RTRK» AQ saıtynda telekórermenderdiń daýys berýi nátıjesinde «Syrǵalym» telehıkaıasy «2014 jylǵy úzdik hıkaıa» júldesin ıelense, bas keıipkerdi somdaǵan Juldyz Mahanova «2014 jyly áıel rolin somdaǵan úzdik aktrısa» nomınasııasyna ıe boldy.
Fılmde aýyldan kelgen qarapaıym qazaqtyń qyzy – Syrǵalym elordanyń jańa ómirine beıimdele bastaıdy. Boıyna zamannyń úzdik qasıetterin sińire bilgen arý, qazaq qyzyna tán qarapaıymdylyǵy men jan tazalyǵyn saqtap qalady.
«Syrǵalym» hıkaıasyn «Qazaqstan» RTRK» AQ tapsyrysy boıynsha «Kórkem fılm» prodakshn-kompanııasy túsirdi.
Dastan Kenjalın.
Derek: «Qazaqstan» RTRK» AQ baspasóz qyzmeti.
Sýret: egemen.kz