adamdy polısııa qutqaryp qaldy
О́tken senbi kúni qalanyń qaq irgesinen ótip jatqan darııaǵa áldekim sekirip ketedi. Sultan Beıbarys kóshesiniń boıynda ornalasqan kópirden sekirgen adamnyń dúnıeden baz keshkeni týraly aqparat sol mańdaǵy jol-patrýldik polısııasynyń qyzmetkerlerine der kezinde habarlandy. Habarlama tıisimen polısııa qyzmetkerleri oqıǵa ornyna jetedi.
Jol-patrýldik polısııa batalonynyń qyzmetkerleri Shattyq Jaısańbaev, Baqytjan Áshirbekov pen Nurlybek Nurtaev kópirge kelgende, darııanyń aǵysymen batysqa qaraı bir batyp, bir shyǵyp bara jatqan azamatty baıqaıdy. Olar aýa raıynyń qolaısyzdyǵyna qaramastan syrtqy kıimderimen sýǵa túsip, azamatty qutqaryp alady. Qyzylordańyzda kún sýyq emes deseńiz de, qańtardyń ortasy ǵoı, báribir qystyń syzy bar. Qutqarylǵan adamǵa alǵashqy dárigerlik kómek kórsetiledi. Oqıǵa basyna jedel járdem qyzmeti shaqyrylyp, azamat Qyzylorda qalalyq aýrýhanasyna jetkizildi. Qazir óz-ózine qol salǵan adamnyń jaǵdaıy jaqsy dep baǵalanýda, ómirine eshqandaı qaýip tónip turǵan joq. Al quqyq qorǵaýshylar azamattyń bul qadamǵa barý sebepterin jan-jaqty zerdeleý maqsatynda tıisti jumystar júrgizip jatyr.
Erjan BAITILES,
«Egemen Qazaqstan».
QYZYLORDA.